مســـاء \ صبــاح \ الخيـر على الجميـع
.
.
ودي أطـرح عليـكم موضوع واقعـي أعيشه حاليـا ..
مع سيارتي الألتيما .. اليوم وهي على أبواب الـ 30 ألف كيلو
مع بعد المعاناة كلهـا من أصوات بالديكور , تغيير القير CVT , تغيير الكمبريسور وإلـخ من مشاكل كلها على الضمان عدا ميزانية السيارة بسبب رجة الدركسون الي سويتهـا مرتين معاهم بالاضافة الى تبديل الفحمـات وخراطة معاهم أيضـا وهي ما عدت 10,000 آلاف كيلو .. بجانب عمل ميزانية للابواب لانها تدخل هواء ..
.
.
اليوم تبـدأ مشكلة جديدة في قلب السيارة (محركهـا ) .. الطامة مثل مايقولون .. بالإضافة الى رجة بالسكان ليس مشكلتها الميزانية بالشكل الاساسي انمـا شيء سوف اتطرق له بعد قليل ..
.
.
عنـد البدأ في المشي والضغط على دواسة البنزين وتحديدا عند 1500 Rpm يصدر صوت مرتفع من المحرك تم يختفي ..
.
.
اخذتها لهم عشان اقولهم عن المشكله امس .. اليوم اتصل فيني الموظف وقالـي ان هذا الصوت بسبب خلل في المحرك , وبسبب قطعة ناقصة وما قالي اسم القطعة وان المصنع نسوا يركبوها !!
وهذي على الضمان نضمنها ولكن القطعة مش موجودة حاليا حتى في دبي وطلبها من الخارج يستغرق 20 يوم تقريبا ..!!
.
.
هذي من ناحية ومن ناحية أخـرى قالي الميزانية راح نسويهـا لك بـ 300 درهم غير شاملة الضمان ولكن لا نضمن توازن السيارة 100% بسبب ان اطارات سيارتك تالفة تحتاج تبديل !! مع العلم انها ماكملت سنه واكثر مشاويري بالمدينة وخفيفة ..
.
.
تعليـقاتكم إخـواني ... دمتم بود