بلف حراره لنكن ابي رأيكم ضروري اليوم

[Raeed356]

شباب اللي يقدر يفيدنا لا يقصر
البارحه شلت بلف الحراره وانا ماعندي مشكله بالحراره واليوم لاحظت ان الحراره ترتفع شرطتين وترجع تنزل لمستواها بس صوت السياره صار اهدى بالنهار يعني ماتسمعلها صوت عالي من دعست
مدري ارجع اركبه وهل عدم وجوده يضر الموتر
في انتظار ردودكم للاهميه
اخوكم
ابو احمد

[M~أمير بكلمتي~M]

اكبر غلط يالغالي انك شلت بلف الحراره

لانك الان ماخليت دورة التبريد بشكل منتظم خليت المويه تخش وتطلع من الراديتر

وللماكينه وترجع للراديتر ولا فيه اي وقت تخلي المويه تبرد في الراديتر

لان وظيفة البلف انه ينظم دورة التبريد بعمل انه اذا الماكينه بارده يقفل ويخلي المويه

الي داخل الماكينه تسخن حسب درجة البلف وعلى بال مايسخن تصير المويه الي في الراديتر

بردة وبعدها يفتح و هذي هي العمله

طبعا اخوي اذا انت تشتكي من الحراره ركب بلف حراره اصغر وشوف يفرق معاك او لا

بعض السيارات اذا ركبت بلف الحراره تحتاج تبرمج المراوح عشان

تشتغل بشكل اسرع و يمديها تبرد

أخوكـ

[راعي واجب]

هلا رائد

اكيد ماحطوه عبث والدليل اذا انتهت مدة صلاحيته وصدئ يصير
يمنع دخول الماء من الريديتر للمكينه وترتفع حرارة المحرك للأخير
وينعطب المحرك لا سمح الله.
الحين مافيه دوره تنضيم بدائرة التبريد عندك, سائل التبريد يدور
دورته بدون حسيب ورقيب لأنك شلت البلف..
فيه ناس يشيل البلف لأن البلف انعطب وهو على سفر او كان بمنطقه
لا يتوفر فيهااا قطع غيار ولكن بمجرد توفر القطعه يجب ارجاعهااا

مجرد رأي
وان شاءالله يفيدوك الاخوه الاعضاء

[أبو ماجد البشري]

مثل ماقالوا الأخوان رجعه والأفضل ركب جديد

[الجمّال]

على حد علمي فيه بلفين حراره بلف يجي جلده وزي الكوع (بعض الناس تسميه بلف ) وفيه بلف يجي حساس او زي الحساس ماهو جلده الاول كنت شايله انا وماعندك مشكله الثاني اتصور مثل ماقالوا لاخوان غلط كبير لكن شوف انت وش شلت واحكم

[Raeed356]

جزاكم الله خير على الردود يالغالين
انا الحمدلله ماكنت اشتكي من الحراره وشلت البلف قلت ممكن الحراره تنزل تحت النص اللي هو الطبيعي
انا كان عندي ملاحظه بالنهار ان الموتر بعد نص ساعه تبدء تسمع صوت مراوحه تصير عاليه وكنت احسب هالشي غير طبيعي وعالعموم رديت البلف امس ورجعت الامور طبيعيه والحمدلله
بس اللي يقدر يفيدنا بخصوص ماء الرديتير اذا حطيت ماء اصلي موتر كرفت تفرق الحراره يعني تصير افضل او لا مع العلم اني حاط ماء مقطر بالرديتير

بس انا اخبر كان معاي هاي لوكس لغيت بلف الحراره وصار مره مضبوط وقلت يمكن تكون الحركه تضبط مع اللنكن
ويجزاكم الله كل خير

[ابوفهد 20000]

جزاكم الله خير على الردود يالغالين
انا الحمدلله ماكنت اشتكي من الحراره وشلت البلف قلت ممكن الحراره تنزل تحت النص اللي هو الطبيعي
انا كان عندي ملاحظه بالنهار ان الموتر بعد نص ساعه تبدء تسمع صوت مراوحه تصير عاليه وكنت احسب هالشي غير طبيعي وعالعموم رديت البلف امس ورجعت الامور طبيعيه والحمدلله
بس اللي يقدر يفيدنا بخصوص ماء الرديتير اذا حطيت ماء اصلي موتر كرفت تفرق الحراره يعني تصير افضل او لا مع العلم اني حاط ماء مقطر بالرديتير

بس انا اخبر كان معاي هاي لوكس لغيت بلف الحراره وصار مره مضبوط وقلت يمكن تكون الحركه تضبط مع اللنكن
ويجزاكم الله كل خير

بالنسبة للبلف ذكروا الاخوان وافادوك وفعلا شيله غلط
الماء للاديتر خذ جالون ماء مركز الاصلي فيه نوع مخفف اذا اخذته مايحتاج تاخذ مقطر يمكن سيارتك يكفيها اثنين من المخفف
اما المركز تحتاج تضيف عليه الماء المقطر واحد مركز + ماء مقطر
وسلامتك