ياشباااااااب الحقوني بمووووت حر!!!!!!

[شهاب]

ياشباااااااب ابغي نصيحتكم...

المكيف اللي عندي بالكابرس SS موديل 1996 صار مايبرد إذا وقفت السيارة!!!

لما وديتها للوكيل قال لي: شغل يد العامل بـ 350 ريال والفريون بـ 300 هذا غير قطع الغيار !!!!

طبعا الوضع ماعجبني علشان كذا رحت للورش ، منهم قالوا لي بدل الكمبرسر لأنه يهرب فيريون ، وغيرهم قالو ركب قطع اصلاح للكمبرسر وراح يضبط بس ماراح يطول ، غير ان ضغطه راح يقل...

أبغي منكم المشورة يا أصحاب الورشة ، أبدّل وإلا أركب قطع إصلاح؟

أو يمكن في شي ثاني؟؟؟ أفيدونا..

تحياتي..

[N.M.N]

اخوي شهاب

انا انصحك انك تاخذ بكلام الوكيل عشان اضمن لك في ها الحر الي يصلخ الواحد

اما تركب قطع اصلاح هذي ما تنفع ولهيب عمليه يعني ثلاثه شهور بالكثير ويندمر عليك كل الي ركبتاه

تحياتي

[شهاب]

شكرا لك أخي N.M.N لتجاوبك السريع

وسأنتظر رأي باقي الشباب.

[traveller]

انا رايي انك تغير الكمبرسور كامل لانه قيمته مو غاليه واجد كمبرسور كامل قيمته جديد ما تتعدى 650ريال بس لازم تغير معاه فلتر الفريون ولازم توديه عند كهربائي شغله مضبوط وفاهم لانه لازم يسوون له تنظيف بمواد خاصه للمواسير والا راح ينعدم خلال اول الاسابيع وبالنسبه للاصلاح مايطول يرجع يتسرب الفريون وبالنسبه للشغل اليد ماراح يتعدى150_250ريال هذا اذا كان الفريون134 الجديداما الفريون القديم حده من 150_180ريال هذا بالشرقيه وكان الله في عونك

[فواز]

اخوي شهاب انت تقول ان السيارة ماتبرد فقط اذا كنت واقف يعني اذا مشيت تبرد ؟

اذا كنت انا فهمت كلامك صح فمشكلتك في غاز الفريون فقط ولا تحتاج الى تغيير الكمبريسور بالكامل

واذا كان هناك تسريب يجب معرفة مكان التسريب هل هو خارجي ( خارج الكمبريسور ) ام داخلي ؟

اذا كان خارجي فاصلاح التهريب امر بسيط وسهل

اما اذا كان التهريب داخلي ( وهو مالا اعتقده ) فيحتاج الى ( تجفيت ) ويكلفك بين 200 الى 300 ريال مع الغاز واجور الصيانة

على فكرة الكابرس لا تحتاج وكيل ولا شي .. مر أي بقالة يصلحها لك


بحفظ الله