السلام عليكم
في نقاش بين شخصين كنت حاظر الكلام وحد يقول ان فصل العداد يؤثر على قير السيارة والثاني يقول ماله دخل بتاااتاً
وش راي الخبراء
طبعا بالنسبة للعادي والتماتيك
قناة السيارات
السلام عليكم
في نقاش بين شخصين كنت حاظر الكلام وحد يقول ان فصل العداد يؤثر على قير السيارة والثاني يقول ماله دخل بتاااتاً
وش راي الخبراء
طبعا بالنسبة للعادي والتماتيك
عندي كابرس 2001 أمريكي يفصل على سرعة 185 تقريباً
قلت يا ولد ليش ما أفصل عداد السرعة فصلته السيارة صارت
تجيب العداد كاااااامل وتتعداه أتوقع سرعة غير طبيعية
ماكملت أسبوع واحد الا والقير مخبط مايمشي قدام ولا وراء
وديتها الورشة شيكوا عليها قال أنت فاصل العداد قلت نعم
قال له روح جيب لي جربكس جديد يا بابا القديم الله يعوض عليك
فأحذر من فصل عد\اد السرعة
^^^^^^^^^^^^^^^^^^^المشاركة الأصلية كتبت بواسطة اكسل
لاأعتقد بوجود علاقة بين فصل عداد السرعة والقير
القير إللي خرب إما من عدم الصيانة وتغيير الفلتر والزيت أو من طريقة القيادة أو أنه رايح فيها من أول (كابرس 2001 أمريكي) بس حان وقتها مع فصل العداد.
ما اعتقد انه يأثر انا فاصل العداد حق الفورد ولله الحمد ولا اي مشاكل
وياخي عساه يحترق ولا تحترق اعصابي يوم تعدي من جنبي اكسنت موديل قديم
والله انا اشوف انك تروح تفصله عند الوكاله اذا كان الموتر ياباني مثل هوندا اكورد
واذا امريكي عندك البيان اللي بحي الشفا على طريق المعارض هناك في معرض متخصص بالامريكي
كله الا الامريكي اللي موب معروف بالسعوديه
بس اللي يقول انه يئثر
صح انه يئثر بس اذا كنت طارح العداااد كله
من خلال موضوعك و الدود
حسيت ان فيه سوء فهم لمعنى فصل العداد وربما هو ما اختلف عليه صاحبييك في كلامهم
كذلك في هذا الموضوع
هل فصل العداد المقصود به
فصل عداد الطبلون الريشة التي تؤشر كم كيلو قطعت يعني كم ماشية السيارة
ام ان المعنى مختلف
بمعنى
فصل تكتيمة السرعة او فصل الحد المسموح للسرعة وتقدر على اساسة تزيد سرعة السيارة دون ان ترتبط بحد الريس او الكمبيوتر في السيارة
-------------------------------
فصل عداد الطبلون الريشة التي تؤشر كم كيلو قطعتالكتروني او عادي يعني كم ماشية السيارة
فهذا لادخل له في اي خراب في الماكينه او الجير
--------------
فصل تكتيمة السرعة او فصل الحد المسموح للسرعة
هو الذي يؤثر على الجير وعلى الماكينه ايضا
والله اعلم
هلا بالاخوان
انا اقصد فصل عداد الكيلومتر يعني يوقف حساب الكيلو
والاغلبيه يفصلونه من من تحت القيرر هل له تأثير على القير او المكينه ؟
وماهي الطريقة الصحيحه لايقاف عداد الكيلو متر دون ظرر على السيارة
كثيرررر من الناس تؤكد على ظرره للقيرر العادي فما رايكم ؟
فصل العداد من الجير لايضر بالمره و هذا الي اعرفه بعض النظر عن المسؤولية الاخلاقية
و المقصد من الفصل ولكن العداد تطور ولم يعد مجرد سلك يفصل
واصبح الكتروني ولكن ايضا بحسب علمي ان فصله لايضر بالمره
رد مع اقتباس