السلام عليكم ورحمة الله وبركاته
كيف حالكم اعزائـي ؟
نحـن فـريق عمــل من كـلية الهندسة بـجدة ..
مكـون من 5 اشخاص .. وقد عملنا بعض المشاريع القديمة .. وتخلصنا منها بحمد الله
وفكــرنا في مجموعة مشـاريع جديدة نخدم فيها المجــتمع ونكسـب رضاه ( تستاهلون )
اول هذه المشــاريع هي :: ( حل لمشــكلة التغــريز ) ::
بصــراحة ياشباب فكــرنا في الموضوع من جمــيع النواحي .. حتى انه طلعنا مرة نغــرز ونستكشف الاموووور .. طبعا عندنا خبرة بالتغريز.. بس لما تفكر في المشكلة على الهواء مباشرة .. لها طعم ثاني
المهـــم :: في الاخــير اكتشفنا ان التغريز انوااااااااااااع وحله يعتبر صعــب جدا جدا جدا ..
لذا فقد تم صــرف النظر عن هذه المشكلة
ثاني هذه المشاريع :: ( المــطب المتــحركـ ) ::
قد سمعتــوا فيــها ؟!!؟ مطــب يتحركـــ .. تقريبا ماحد سمع او شــــــــــاف
احنـــا بنسويهــا .. المهم :: انه المشروع وجدناه مشروع ناجح ولكــن مكـــلف !!
حط تحت كلمـــــــــة مكــــــــــــلف مليون خـــــــــــــــط !!!!
ليش لأن التكلفة المبدئية له تجاوزت تقريبا الــ 4 الاف ريال ..
ماعليكم .. احنا بنسويها ولا همنا سواء الامانة او البلدية وافقوا على اعتماده او لا ؟
ولكـــــــــــــن في بعض المعــوقــات التي واجهتنا .. مو مشكلة .. لكن اكبر مشكلة واجهتنا هي ::
كيف نقــص الاسفلت في وسط شــــــــــارع ونحط المطب الي اتفقنا عليه ونجربه ؟؟؟؟
هل معقول الامانه او البلدية بتوافق انك تقص شااااااااارع عشان تجرب ؟ هههههههههه
فكرة المطب كالتالي ::
طبعا تعرفون عندنا بجدة خصوصا المطبات اشكال وانواع .. الفكرة هي انك تخلي المطب بحجم معين ومتناسق .. ويتحرك .. كيف يتحرك ؟ .. انا اقولك .. المطبات اكثرها تستخدم عشان شيء معين
مثلا انت قدام مدرسة مريت .. اكيد بتلاقي مطب .. عشان الاطفال وعيال المدارس مايندعسون
طيب اذا خلصت المدرسة .. ايش الفايدة من المطب ؟؟
مافي اي فايدة تذكر .. عشان كذا احنا فكرنا في عمل مطب يكون موجود وقت الحاجة ولكن بعد ماتنتهي الحاجه نستخدم جهاز معين عشان يتحرك المطب وينزل في مكانه ويكون مساوي للأسفلت والشارع
وبكذا تقدرون تسرعون على راحتكم بعد ماتخلص المدارس ..
انا طرحت الموضوع ودي اشوف هل فيه تفاعل بين شباب الوطن أو ان الفكرة هي مجرد سخافة ومذكرات محشـشين !!!
بس ودي اشوف انطباعاتكم العامة واي فكرة او اقتراح .. اكون شاكر له كثـــــير
وســلامتكم