الاخوان اللي مجربين الاقساط والفاهمين فيه ياليت تردون !

[ابو ريناد]

بسم الله الرحمن الرحيم
السلام عليكم ورحمة الله وبركاته

توني جاي من الوعلان وشفت السوناتا والصراحة صلحت لي بالحيل ولكن هناك مشكلة متعلقه بالاقساط ياليت أحد يشرحها لي لأني بكرة أبقدم أوراقي عليهم فأرجو المساعده ياشباب .

السوناتا ( قير أتوماتيك - طيس )

الدفعة الأولى = 11600 ريال
القسط = 1200 ريال
المدة = 60 شهر
المطلوب = تعريف بالراتب + كشف حساب لأخر 3 شهور .

السؤال ؟
هي قيمتها كاش 57000 ريال
طيب لو ضربنا 1200 × 60 = 72000 ريال
هل الشركة أو البنك اللي هم متعاملين معه يخصمون 11600 من مبلغ 72000 ريال أم يزيدونه أي بمعنى هل تطلع السوناتا بمبلغ 60800 ريال أم تطلع بمبلغ 83600 ريال .
72000 - 11600 = 60800 ريال
أو
72000 + 11600 = 83600 ريال

الرجاء الرد بســــرعة .

الى اللقاء
اخوكم أبو محمد

[عــ,,,ــووول]

وعليكم السلام ورحمة الله وبركاته

ايوا ياقمر الـ 11600 مع الحسبه يعني

1200 * 60 = 72000

72000 + 11600 = 83600 هذا السعر النهائي اللي انت راح تدفعه على 5 سنين بس انت بتاخذها نظام ايجار منتهي بالتمليك لانه الاقساط ماتوصل للسعر هذا غير كذا الاقساط من 3 الى 4 سنين بالكثير

واذا انت بتقسط بتقسط خذ الازيرا افضل

وبالتوفيق اخوي

اخوك

عسولٍٍٍ

[Microsoft]

مثل ما قالك عسول

لكن سؤال .. هل تستطيع أن تأخذ قرض من البنك .؟

[M.W4EVER]

وعليكم السلام ورحمة الله وبركاته

هم ماخذين عليك 6% أتوقع الشركة هي سفينكو أو شي زي كذا

تطلع الحسبة كذا 72000 + 11600 = 83600 ريال

زي ماقال أخوي عسول خذلك أقل نوع أزيرا احسن اذا تقدر طبعا وبالتوفيق ان شاء الله

[M.W4EVER]

شركة سفينكو تابعة للبنك السعودي الفرنسي

[ابو ريناد]

مشكورين أخواني على الردود . بس وش رأيكم تنصحونني والا أهون وأدور مستعمل مع أني مأحب المستعمل أبداً .

أخوي مايكروسوفت لا مااقدر لأني أستنفذت جميع القروض حتى سيارتي بعتها والحين جالس أدور سيارة ورسيت على السوناتا .

الله يرزقنا واياكم من واسع فضله .

الى اللقاء
اخوكم ابو محمد

[ماكس تورك]

خذ مستخدم مثلا اوبتيما ولا ريو ولا صني
ونصيحة لا تزيد الدين دين ترى الدين شين
وفرج ربك قريب

[الازرق 1500]

يا اخي الكريم ما يبغى لها أجمالي الاقساط مع الدفعة الاولى 83600 ريال .
نسبة الفائدة السنوية 9.33 % على كل سنة .

طيب هل فيه دفعة اخيرة .

عندنا في المدينة المنورة نفس مواصفات السيارة بـ65000 ريال . يعني عند الوعلان ارخص .

ممكن اخي الوعلان في اي مدينة وممكن تعطيني رقمهم.

شكرا لك