قناة السيارات
السلام عليكم ورحمه الله بركاته
بصراحه هذي اول مشاركه لي في المنتدى ولكن انا من المتابعين له
وحابب اخد شورتكم؟؟؟
انا ناوي بأذن الله اشتري جيب ومحتار بين اثنين
باجيرو و والهوندا MR-V
فياليت تعطوني المشوره والفرق بينهم من ناحيه المواصفات والوكيل والسعر
واكون شاكرلكم
الباجيرو اشهر من نار على علم ... سياره تطربك في البر والخط .... لكن اخوي الهوندا جيبها جديد وقليل الي استعمله فماهو مشهور كثير ... على اي حال سيارات هوندا معروفه بجودتها .... لكن شخصيا ارى انها داخله غلط على قطاع الجيوب ... ويبغالها كم سنه تأخذ خبره عشان تطلع جيب يعتمد عليه ...
رأيي انا خذ باجيرو ... واذا تصبر للجديد افضل لك ... تحيتي ...
إذا كنت يا أخي تبحث عن القوه فالباجيرو ماعليه كلام ويكفيك عطاءه في الراليات والهوندا مثل ماقال أخينا لكن أفضل إسأل اللي جربوا وهم يعطونك العلم
السلام عليكم
الباجيرو خيار موفق من ناحية القوة والجودة والعملانيه الرساوة
بالنسبة للوكيل مع الاسف الاثنين دون المستوى وكذلك سعر قطع الغيار ولاكن تعمر ولا تحتاج تغيير الا بعد فترة طويلة
والباجيرو سيتم تغييرة بالكامل العام القادم 2007
في الختام انصحك بالاستخارة فما خاب من استخار
بالتوفيق
اخوك
صالح
شكرا جزيلا لكل الي تجاوبوا معايا ومعليش على الرد بسبب عملي
ماخاب من استشار
واخيرا الاستخاره فهي افضل حل
ودمتم بود
بالنسبه عن جيوب هوندا
انا مجربها
بصراحه قويه و اثبتت جدارتها في هذا المجال
لكن ينقصها السمعه فقط
ولا هي متينه و قويه
لكن بالنسبه للباجيرو في البر اقوى
اما اذا انت استعمالك قليل جدا في البر خذ هوندا
بس بالنسبه لي انا اشوف الهوندا خيار افضل لعزمها القوي
بس اكرر
اذا انت راعي بر خذ الباجيرو
شكرا اخوي C A D I L L A C على ردك وللمعلوميه انا مو من هواه البر وشكرا على تجاوبك معايا
رغم اني ماجربت سيارات الدفع الرباعي في الهوندا الا ان الهوندا افضل من ناحية العزم واستهلاك الوقود وهذا الكلام سمعت من احد زملائي
