تغير الجير من الأول للثاني يتأخر بعد صيانة المكينة (ماركيز 1996 )

[GTS.R]

السلام عليكم ورحمة الله

شباب عندي ماركيز 1996 عملت صيانة للميكنة من جازجيتات وصوف وكراسي مكينة ... الخ
كلفتني مبلغ وقدره، 23 قطعة مع شغل اليد وايضاً صوفة الجير الأمامية وبعد هالصيانة صار
الجير معي يتغير من الأول للثاني بشكل متأخر ورجعت للورشة وشيكوا عليه عند ورشة
الجير الأمريكي وقالوا لي طبيعي ويمكن فيه فضاوة خفيفة،
مدري اصبر عليه لفترة واذا مازبط وش اسوي؟

[احب ترابك يانجد]

هلابك اخوي اول حاجة افصل سلك منظم الهواء اللي بعد القربه راح يصرف بنزين لكن مومشكله وجرب اذا ضبط عندك المنظم فيه مشكله يمكن مكربن او خربان نظفه ببخاخ اي سي دلكو ان نفع ولا بدله ثاني شي اخر مرة بدلت فلتر القير مع زيت الطنجرة متى وسيفون المكينه اصلي ولاتجاري ومتى اخر مره بدلته ابداء بالاسهل الاشياء الثلاثه هاذي دايم تسبب ثقل للسيارة وبالتوفيق.....

[GTS.R]

تسلم عزيزي ولاهنت ع الحلول والرد
بالحقيقة السيارة كانت للوالد وبعدها استخدمها اخوي والحين عندي
وهذا اللي جاء ع بالي اني اشيك على زيت الجير او ابدله مع الفلتر واشوف بعدها
بالعلم انه قبل صيانة المحرك ماكان فيه شيء في تعشيقات الجير.

وبالنسبة لزيت المكينة تبّدل الإسبوع الماضي عند صيانة المكينة بـ 30-10 w اذا ماخاب ظني. والسيفون من المفترض انه اصلي .

[كابرس 1994]

شيك على سلك الجير المشبوك في الثورتل بدي شده شوي

[محمد الحربيِ]

اسهل الحلول غير زيت القير مع الفلتر ودائما ابدأ بالسهل ثم التدرج الى الصعب وشكراً

[احب ترابك يانجد]

هلابك اخوي طمني فصلت سلك منظم الهواء وجربت ولالا شوف الفورد اذا غيرت الزيت مرتين او ثلاث بدون سيفون على طول تكون السيارة ثقيله لكن دام القير يغير الاربع تعشيقات ان شاء الله انه تمام بدل زيت القير والطنجرة 12 علبه مع الفلتر ويمشيك 100 الف بدون ماتغير الفلتر واذا كان الوجه اصلي(ربل اسود) ماعليه وان بغيت الاسعار وكيف تبدل زيت الطنجرة انا حاضر وبالتوفيق.......

[GTS.R]

شيك على سلك الجير المشبوك في الثورتل بدي شده شوي

راح اسئل عن مكانه واشوف او اوديها يشفونه .
لاهنت ع المساعدة عزيزي.

اسهل الحلول غير زيت القير مع الفلتر ودائما ابدأ بالسهل ثم التدرج الى الصعب وشكراً

ان شاء الله هذا اللي راح يكون وبإذن الله تنحل المشكلة
واشكر مساعدتك عزيزي.

هلابك اخوي طمني فصلت سلك منظم الهواء وجربت ولالا شوف الفورد اذا غيرت الزيت مرتين او ثلاث بدون سيفون على طول تكون السيارة ثقيله لكن دام القير يغير الاربع تعشيقات ان شاء الله انه تمام بدل زيت القير والطنجرة 12 علبه مع الفلتر ويمشيك 100 الف بدون ماتغير الفلتر واذا كان الوجه اصلي(ربل اسود) ماعليه وان بغيت الاسعار وكيف تبدل زيت الطنجرة انا حاضر وبالتوفيق.......

فصلته ياغالي وصارت خفيفة بس مشكلة الجير ماتغيرت وهي التأخير في التغيير من الأول للثاني
وشيكت ع الزيت حقيقةً شفته أحمر ومو ناقص مدري هل هو يصير اسود مثل زيت المكينة مع
الوقت ولا؟

المعيار شفت مكتوب عليه Mecron ®
وبعدها ارقام وآخر شيء حرف
M

وتقصد الوجه للفلتر؟

عموماً سألت ميكانيكي صاحبي وهو اللي كانت عنده السيارة
يقول تشييك الجير ما اتضح انه فيه مشكلة بالحساسات وزيت الجير نظيف مو تعبان
وفيه فراغ شوي بالكلتشات ومانصحني ازبطها الحين لأنه نفس التكلفة سواء الحين أو اذا زادت المشكلة
لأنه راح يعتبر توضيب جير بالنهاية، وعن تبديل زيت الجير قال لي اذا بدلته راح تظل نفس المشكلة أو تزداد.
وايضاً قال لي تبديل الزيت يكون كل سته شهور أو 35 ألف. هذا اللي قاله والله العالم.

[احب ترابك يانجد]

هلابك اخوي كيف فيه فضاوة بالكلتشات لو كان فيه فضاوة راح يفضي عليك القير وانت تمشي او يطلع صوت قرة كأنك تسوق قير عادي وماضغطت ع الكلتش بقوة لكن حط القير على D1 واضغط فرامل وبنزين(لاتباوش هههههههه) وادعس بشويش مع ضغط الفرامل لحد مايفز الموتر بقوة تحس ودة ينطلق اذا مافضى القير القير تماااااااااااااااااااام و100% باذن الله ومن ناحية الزيت كل 35 اذا كان 5 علب وفلتر لكن اذا بتغير 12علبه مع الفلتر الطنجرة والقير اقل شي 80 الف اذا كنت محافظ ومنظم الهواء عندك تمام لكن فكة ونظفه ونوع زيت القير ميكرون M وتغييره افضل واللون مايقلب مثل لون المكينه لكن يصير احمر غامق على سواد خفيف لكن اذا كان القير نظيف مو شرط يقلب لون الزيت اللي يقلب لون الزيت اذا كان القير على وشك التبويش لأنه يكون متأكل من الداخل ويكون الزيت كله براد حديد اتمنى فهمت على واسف ع الاطاله وبالتوفيق...........