قناة السيارات
السلام عليكم ورحمة الله وبركاته
اخواني الأعزاء
حبيت اطرح تجربتي البسيطة للفورد ميلان 2010
حيث انني لا املك سيارة حاليا واستأجرتها للسفر والتجربه ( حج وحاجه )
السيارة المجربه 4 سلندر 2.5 لتر حجم المكينه على ما اعتقد ( ارجوا التصحيح لي اذا في معلومه غير دقيقه )
التجربه كانت لمدة 5 أيام تخللها السفر ما بين الشرقيه والرياض ذهابا وايابا
مواصفات السيارة المجربه : مقاعد قماش - ارقام على الباب - مثبت سرعه - جنوط 16 او 17
بدون فتحة سقف - طبلون ليزر
السيارة فاجئتني باتساعها من الداخل وفي المراتب الخلفيه ما اقول انه ما في اوسع منها لكن اشوف انها افضل من السعه الداخليه في سيارات كثيرة مثل الكامري والأوريون والمكسيما
لكن اشوف في عيب في تنجيدة المراتب بأنها قماش عادي وليس مخمل ومنظرة غير فخم
في القياده السيارة مريحه وخصوصا على الخطوط
بصراحه تستجيب للسرعه بدون ما تحس واذكر اني وصلت الى 180 بدون ما احس
لأني مو متعود اسوق بهالسرعه
رساوة السيارة وثباتها جيد جدا
عزل الهواء ممتاز الى سرعة 140 وبعدها يكون جيد جدا
ناعمه على المطبات
تعليق السيارة لين
النظام السمعي في السيارة خطيييييييييييير جدا فهو من نوع سوني 6 سيديات و12 سماعه
بصراحه ابهرني
يوجد بلوتوث للتلفون ولكن لم اعرف كيف استخدامه
تصميم الطبلون وفتحات المكيف سيئ نوع ما لكن الطبلون ليزر بألوان وشكل رائع جدا
السيارة عموما ارى انها ممتازة وافضل من خيارات كثيرة غيرها خصوصا اني اذكر انها اول ما نزلت في الوكاله ذهبت وسألت عنها فوجدت انها فئتين 4 سلندر و6 سلندر وكان في وقتها ما في الا الفل ابشن والغريب ان السيارتين كانو بنفس السعر
86000 الف ريال حاليا ما عندي علم اذا نفس السعر او تغير
وبصراحه وكيلها يخوف بالنسبه لي وما ادري عن خدمتهم بعد البيع
آسف لأنه ما في صور للسيارة
واتمنى تكون تجربتي البسيطة واضحه للجميع واللي عنده معلومات محدثه عن السيارة ياليت يفيدنا
وخصوصا عن ال6 سلندر منها
شاكر لمروركم مقدما
رد مع اقتباس
