تجربتي للفورد ميركوري ميلان 2010

السلام عليكم ورحمة الله وبركاته
اخواني الأعزاء
حبيت اطرح تجربتي البسيطة للفورد ميلان 2010

حيث انني لا املك سيارة حاليا واستأجرتها للسفر والتجربه ( حج وحاجه )

السيارة المجربه 4 سلندر 2.5 لتر حجم المكينه على ما اعتقد ( ارجوا التصحيح لي اذا في معلومه غير دقيقه )
التجربه كانت لمدة 5 أيام تخللها السفر ما بين الشرقيه والرياض ذهابا وايابا

مواصفات السيارة المجربه : مقاعد قماش - ارقام على الباب - مثبت سرعه - جنوط 16 او 17
بدون فتحة سقف - طبلون ليزر

السيارة فاجئتني باتساعها من الداخل وفي المراتب الخلفيه ما اقول انه ما في اوسع منها لكن اشوف انها افضل من السعه الداخليه في سيارات كثيرة مثل الكامري والأوريون والمكسيما
لكن اشوف في عيب في تنجيدة المراتب بأنها قماش عادي وليس مخمل ومنظرة غير فخم
في القياده السيارة مريحه وخصوصا على الخطوط
بصراحه تستجيب للسرعه بدون ما تحس واذكر اني وصلت الى 180 بدون ما احس
لأني مو متعود اسوق بهالسرعه

رساوة السيارة وثباتها جيد جدا

عزل الهواء ممتاز الى سرعة 140 وبعدها يكون جيد جدا

ناعمه على المطبات

تعليق السيارة لين

النظام السمعي في السيارة خطيييييييييييير جدا فهو من نوع سوني 6 سيديات و12 سماعه
بصراحه ابهرني

يوجد بلوتوث للتلفون ولكن لم اعرف كيف استخدامه

تصميم الطبلون وفتحات المكيف سيئ نوع ما لكن الطبلون ليزر بألوان وشكل رائع جدا

السيارة عموما ارى انها ممتازة وافضل من خيارات كثيرة غيرها خصوصا اني اذكر انها اول ما نزلت في الوكاله ذهبت وسألت عنها فوجدت انها فئتين 4 سلندر و6 سلندر وكان في وقتها ما في الا الفل ابشن والغريب ان السيارتين كانو بنفس السعر

86000 الف ريال حاليا ما عندي علم اذا نفس السعر او تغير
وبصراحه وكيلها يخوف بالنسبه لي وما ادري عن خدمتهم بعد البيع

آسف لأنه ما في صور للسيارة
واتمنى تكون تجربتي البسيطة واضحه للجميع واللي عنده معلومات محدثه عن السيارة ياليت يفيدنا
وخصوصا عن ال6 سلندر منها

شاكر لمروركم مقدما

شكرا اخي الفاضل على هذا العمل ونقل تجربتك للسيارة

ان شاء الله المره القادمه تركبها ملك مو ايجار .......................آمين

شكرا لك على التقرير ..

اشكرك على طرح هذه التجربة

و قد قمت سابقاً بتجربة ميركوري ميلان 2009 فل اوبشن

((تجربة قيادة))

و ملاحظاتي عليها هي

صوت المحرك المزعج و كان 4 سلندر

مقاعد غير مريحة نوعاً ما

عزل الهواء ليس جيد فعلى سرعة 110 يبدأ الهواء بالدخول

استجابة السيارة للدعسة بطيئة جداً جداً

مساحة الرأس ليست واسعة كفاية و غير مريحة

ممكن سؤال كم سعرها الله يحييك في الوكاله

فعلا يمدحون النظام الصوتي فيها ..

والسيارة اكيد بتكون مريحة كونها فورد ..

....

والله ياباشا انا رحت اليوم الوكاله حق ميركوري وشفت السياره في الحقيقه ابدااااااع موديل 2010 الفل كامل ومواصفات ماظنيت انها نزلت في اللكزس<<<<< يبالغ شوي
ع العموم السياره تحفه حتى الاوامر الصوتيه فيها سعرها كاش 89000 ريال وانا اشوف السعر مررره مناسب على التقنيه الحلوه اللي فيها وبعدين بيني وبينك انا محتار بينها وبين الفورد الايدج 2010 بس بكره بروح اشوف الفورد ان شاء الله وتسلم ع الموضوع ياعسل