هذا ما يفعله بعض الشريطية "ترجيع العداد"

[abosaud11]

اخواني الكرام :

انتبهو عند شراء سيارة جديدة فقد اشترى احد الزملاء سيارة من من نوع فور ماركيز سعودي من المعارض

السيارة ماشية 90000 كيلو

المهم راح للوكالة وقال متى اخر مرة سوت السيارة صيانة قلو له قبل 7 شهور وكانت ماشية 120000

فأنظر أين وصلت الذمة ببعض ضعفاء النفوس الذين لا يتحرون الحلال في كسبهم

[HEMI]

اولله مرجعينها اكثر من 30 الف كيلو !!!

هذول طال عمرك حسابهم بالآخره عسير ماهو بيسير

[air]

والله ان اللي يغش الناس والله ان ربي مايوفقه ووالله ان ربي بيسلط عليه واحد يسوي فيه زي ماسوى في الناس والعن والفلوس اللي من بيع السيارة راح تمحق بركتها

[abosaud11]

مشكورين يا شباب على المرور ورفع الموضوع

ما اقول الا حسبنا الله ونعم الوكيل

{ومن يعمل مثقال ذرة خيرا يره @ ومن يعمل مثقال ذرة شرا يره }

[m7zon]

بسم الله الرحمن الرحيم
لازم المسلم يقيم حقوق المكيال والميزان لان الله سبحانه توعد بمواعيد شديده للي يسوون كذا
للأسف غابت الذمه وغاب الضمير
بس ريح بالك 120 الف تعتبر نظيفه مره وان شاء الله يتهنى فيها اخر هنا واخر حلاوه يارب|1|
وهذاك حسابه عند ربه
وماندري من الغلطان يمكن الشريطي شاريها من راعيها الاصلي وراعيها لااصلي لاعب على الشريطي او في امريكا مرجعينها:confused:
الله يعلم ياخوك:confused:
ربك يعين والله يبارك له وماحصل الا الخير هذي هي الدنيا تغابن في البيع والشراء والمشاعر وكلشيء:)
ومانقول الا يارب انت حسبنا وحسيبنا ومعيننا

[MGM LS]

حسبي الله ونعم الوكيل فيهم

يارجل مو اول واحد ولا اخر واحد

هذا رد للناس اللي تقول ما يقدرون يغيرون بالعداد العادي

زميلي عنده ماركيز 2000 عداد عادي يارجل يفره بيده فر لو يبي يخليه 0000000 ويمشي من جديد قدر

بس برضو الانسان يخاف ربه وما يسوي أشياء زي هاذي

وماصار إلا الخير وانا خوك

وبالتوفيق ,,,

[abosaud11]

فعلا كلامكم سليم

[m7zon]

لايحترق قلبك في الحسرة
احمدالله على الصحة والعافية والفلوس تجي وتروح والحي يبشر بالحياة الف لاباس وهذي لذعات الدنيا
كلها مسأله وقت وتنتهي بس انت لاتردد هالشيء على نفسك كل ماركبت السياره وتقول هذي اللي انغبنت فيها هذي اللي كذبوا علي فيها..اطرد هالافكار على طول اقنع نفسك بالرضا التام
ياما ناس راحت سياراتهم وراحوا اخوانهم وامهاتهم واهاليهم راحت ارواح وش عاد الحديد كله وسخ دنيا وانا اخوك لاتشيل اية هم وروق بالك بحاضرك الماضي انتهى لايعود الحاضر لك تقدر تسعده او تحزنه المستقبل في غامض علم الله ولامانع من الأماني اللطيفة اللي تروق البال
وإن شاء الله امورك تساهيل ومثل ماقال الشاعر: اللي مضى ياصاحبي (أتركه)(راح) ونــّس لنا في مقبلات الليالي..
اول كان معي سياره وراحت تشليح وتكسرت عظامي وسويت عمليات وتبهذلت ويالله استعدت العافيه وقدرت امشي والسياره انباعت برخيص الفلوس كـ خرده .....لا ولحقتني الملامه وسمعت اللي تحسروا عليها اكثر من سلامتي...وحمدت الله في نفسي ان هالدنيا من جد رخيصه..واقولك حتى استمرينا نقسط فيها حتى بعد ماراحت تشليح..
وإن شاء الله الجاي يكون رحمة ولطف من رب العالمين....
وهذا انا عوضني الله بهالميركوري ولو انه عليها كذا ريكورد من امريكا وقد جتها ضربه في الشاص لاكن مااثرت يعني ضربه بالوجهيه على الشاص كذا..وماقالوا لي الصاله عن هالشيء..ولاكن سليمه ومافيها الا العافيه الحمدلله ولاحزنت .......بالعكس مبسوط ومرتاح وراضي بالقسمة والنصيب وشوفني كلشوي اعدل فيها تعديلات رياضيه ..وافكر بجدّيه واتمنى السوبر شارجر..ودي اخلي هالدلوعه تكون بنت المارودر السفاح..ابو 32 صمام ..استمتع بوقتك ماصار الا الخير اهم شيء انت طيب؟ قل ايه طيب.... ياكثر فرحتنا بسلامتك والله عساك دوم طيّب
تحياتي ...انا رديت فوق بشكل سريع لاكن الحين تفرغت شوي تقبلوا احلى الأمنيات من أخوكم محزون.|3|

[بنز-وبس]

اتوقع ان القانون يعاقب عليها...

[M .N. N]

حسبنا الله ونعم الوكيل

أخوي أنا اول مره اسمع بترجيع العدااد

وبعدين إذا ما فيها أي شيء ،،، وماشية تماام إحمد ربك

والله يكفينا شر اللي يأكلون أموال الناس بالباطل

ياما أخوي أنخدعوا ناااس بأكثر من كذا

لاكن أنا اللي محيرني كيف يرتاح ضمير هذولي ،،، كيف ينام وهو بجيبه فلوس حرااام وأولاده أكلهم حراام ووو ،،،، هم مو مسلمين ويعرفون اللله ؟؟؟؟!!!!!!









زميلي عنده ماركيز 2000 عداد عادي يارجل يفره بيده فر لو يبي يخليه 0000000 ويمشي من جديد قدر

,,

كيف يعني مثلاً أقدر أرجع عدااد سيارتي

غريبة والله ؟؟:confused:

0
0
0

[ssmss5]

بصراحة كلماتك يا محزون ترد الروح
وسمك يعور القلب

كلمات قمة في الابداع


في رعاية لله..

[abosaud11]

اخوي محزون ولله كلامك مؤلم وكما قال الاخ اسس يرد الروح في نفس الوقت

السيارة ما تهم لأنها ولله الحمد نظيفة وشيك وتجاوزت جميع الفحوصات لكن
المشكلة الرجال مسوي نفسه انه مو شريطي ويكذب ويقول هذي سيارتي من 7 شهور وماله اسبوعين شاريها من الدمام

ياخي الناس ذولا كيف ياكلون حرام

الله لا يهني من يشتغل بالحرام

[m7zon]

بصراحة كلماتك يا محزون ترد الروح
وسمك يعور القلب

كلمات قمة في الابداع


في رعاية لله..
يابعد قلبي بسمالله عليك انت وقلبك
:)

[m7zon]

اخوي محزون ولله كلامك مؤلم وكما قال الاخ اسس يرد الروح في نفس الوقت

السيارة ما تهم لأنها ولله الحمد نظيفة وشيك وتجاوزت جميع الفحوصات لكن
المشكلة الرجال مسوي نفسه انه مو شريطي ويكذب ويقول هذي سيارتي من 7 شهور وماله اسبوعين شاريها من الدمام

ياخي الناس ذولا كيف ياكلون حرام

الله لا يهني من يشتغل بالحرام

اتركها بظروفها يالغالي
وقل ياربي رحمتك ترى هالدنيا ماتسوى جناح بعوضه بس وش نسوي نتسلى لو بسجات الأفكار
وكل انسان بينحط بقبره لحاله يوم مايفيد فيه الندم وراعي الضمير الحي هو اللي بيضحك اخيرا وبيحزن انه ماصفى نيته اكثر واكثر لإن هالدنيا ولاشيء
|3| سلامتكم من الألم وسلامة أرواحكم ماقصدت الإيلام والله يشهد لاكن من باب محاكاة الخاطر يمكن كان اسلوبي حساس
ولاحد يدعي ويعود قلبه على الدعاء على الناس حتى لو اللي ظلموه يحاول يقلص من هالشيء مع انه رده فعل طبيعيه
طهارة القلب أول مطلب للإنسان ..أنخلق عاري باكي وبيرجع عاري وباكي....ولاحد ماخذ منها إلا رضا ربه ورحمته وياااااااااالله برحمتك يالله..

[m7zon]

اتركها بظروفها يالغالي
وقل ياربي رحمتك ترى هالدنيا ماتسوى جناح بعوضه بس وش نسوي نتسلى لو بسجات الأفكار
وكل انسان بينحط بقبره لحاله يوم مايفيد فيه الندم وراعي الضمير الحي هو اللي بيضحك اخيرا وبيحزن انه ماصفى نيته اكثر واكثر لإن هالدنيا ولاشيء
|3| سلامتكم من الألم وسلامة أرواحكم ماقصدت الإيلام والله يشهد لاكن من باب محاكاة الخاطر يمكن كان اسلوبي حساس
ولاحد يدعي ويعود قلبه على الدعاء على الناس حتى لو اللي ظلموه يحاول يقلص من هالشيء مع انه رده فعل طبيعيه
طهارة القلب أول مطلب للإنسان ..أنخلق عاري باكي وبيرجع عاري وباكي....ولاحد ماخذ منها إلا رضا ربه ورحمته وياااااااااالله برحمتك يالله..

[abosaud11]

صدقت يا محزون
.....................

[نيسان للأبد]

يرجال وسع صدرك اللعب صاير صاير ومدام خويك بيدقق فهالموتر خله يبيع موتره ويطق وكالة ويريح باله ..
.

[m7zon]

يرجال وسع صدرك اللعب صاير صاير ومدام خويك بيدقق فهالموتر خله يبيع موتره ويطق وكالة ويريح باله ..
.
ماكل من نوى موتر طقه وكاله وانا اخوك الدنيا ارزاق وقدرات |1| |3|

[نيسان للأبد]

افهم قصدي .. انا قصدي المستعمل ماتظمنه .. وبالعربي 90% منها مغشوشة ومرشوشة .. خصوصا الفوورد الامريكي ..

.

[الأسطورة]

اخواني الكرام :

انتبهو عند شراء سيارة جديدة فقد اشترى احد الزملاء سيارة من من نوع فور ماركيز سعودي من المعارض

السيارة ماشية 90000 كيلو

المهم راح للوكالة وقال متى اخر مرة سوت السيارة صيانة قلو له قبل 7 شهور وكانت ماشية 120000

فأنظر أين وصلت الذمة ببعض ضعفاء النفوس الذين لا يتحرون الحلال في كسبهم


قول الحمد لله

شريت سيارة قبل سنة وسبعة شهور تقريباً وكانت ماشية 107 ألف كيلو
وقبل سنة راجعت الوكالة وفجعني قال لي آخر مرة راجعة السيارة الوكالة كانت في 28/3/2003 يعني قبل سنتين من يومها
كانت ماشية 228ألف كيلو وبعد السنتين أكيد مشت فوق 300 كيلو
بحسبة بسيطة مرجعة السيارة أكثر من 200 كيلو

على الأقل سيارة زميلك 30 ألف ما تعتير شي بالنسبة إلى أكثر من 200 ألف

والحمد لله على كل حال