البيـــــجـو 307

[support]

ياشباب انا معي اكسنت موديل 2003 ولها سنتين معي ماشيه زي الحلاوه
مافي خرابات ابد
والان الحمدلله ربنا رزقني ونويت اشتري بيجو 307 وابيع الاكسنت
ايش رايكم بصراحه لمن جربها
انصحوني و جزاكم الله الف خير

[bashmaycry]

أنا أعرف واحد من الشباب عنده بيجو 307 من اول مانزلت السياره تمام مثل اي سياره اللي يعيبها مي حقت دعس

[Zoom-Zoom3]

8
8
8
8
.. وش يبـي بالدعـس ، أنا أحب السيارات المحترمه الي مثل كذا :) ..

.. وبصراحه أنصحك فيهـا سياره حلوه وعمليه مع أنظمه حلوه !..

.. وسعرها في حدود الـ 60 ألف ! ..

[*الـسـفـيـر*]

ال307 سيارة حلوة واذا سقتها اتحس انك مترفه فيها بس عيبها المكينة واذا تقدر خذ ال2000سي سي... لأن1600 سي سي مرررررة ضعيفة بالقومة ... وبعد التعشيقة الرابعة(70كلم/س) يطيح العزم وتكره السيارة ذيك اللحظة ... سرعتها القصوى 190 كلم/س

والأفضل تآخذ القير العادي لأن الآوتو ما يتحمل كرف وتعشيقاته غلط والتيبترونيك احتمال يخرب اذا كرفتها واجد مثل ما صار معي
ومن جهة ثانية القير العادي اقوى ... واذا ما تبي إلا اوتو نصيحة لا تآخذ السيارة لأن القير الآوتو إذا اخترب ما يتصلح في الوكالة

[support]

يعطيكم الف عافية ياشباب على الردود
بس انا سواقتي عاقله جدا وماني حق سرعه ودعس
وبصراحه انا طفشت من الجير العادي ولازم اشتري اتوماتيك
فهل الجير الاتوماتيك في البيجو سيء لهالدرجه
اتمنى انك تفيدني ياخوي السفير انت وبقية الاخوان

[bashmaycry]

أنا صاحبي ماشتكه من القير صارليها تقريبا سنتيين تمام وكارفنها كل يوم من البيت الى الجامعه

[*الـسـفـيـر*]

انت جرب السيارة بالوكالة (القيادة التجريبية) وشوف شلون يعشق
قير البيجو امبرمج على أنه ينزل تعشيقات بسرعة حتى يزيد من سرعة الكبح وهذي الطريقة ما تحسس السائق بالراحة ومن جهة ثانية تسبب ضغط على المكينة

والقير ممكن ما يخرب اذا ما كنت تسرع بالسيارة .... بس انت بتآخذها مستعمله وما تدري اللي قبلك ويش سوى بالسيارة !

وبالتوفيق

[أبـــوبـــدران]

مبروك عليك السياره

بس فيه خيارات غيرها كثير
اوبترا كوريلا النترا لانسر

وشكرا

[مصعب خياط]

والله السيارة هي الأفضل عن مثيلاتها في السعر من ناحية التطور والتكنالوجيا الي فيها بس مشكلتها وكيلها وكثرة خرابها

وشكرا

[support]

ياشباب المنتدى مليان ناس معاهم بيجو 307
ليش مافي احد يرد علي
والله ماابغى منكم الا نصيحة وبس
يعني ببلاش :mad:

[bashmaycry]

أذا عاجبتك خلاص أشتريها وانت مغمض ماعليك من كلام الناس أهم شيء انت مرتاح أليها

[حسايف]

انا من غير المقتنعين بالهاتش باك ولكن البيجو 307 غيرت نظرتي كثيرا....

فكرت في شرائها ولكن المجربين لم ينصحوني لسوء الوكيل....

اعتذر عزيزي لعدم افادتي لك...
ولكن لدي استفسار لمن يملكها هل السيارة واسعة من الداخل خاصة المراكب الخلفية؟

[نوفي]

برضو أنا أعرف واحد أشتر ها وله 3 سنين وزي الفل قير أتو ماتيك

[*الـسـفـيـر*]

يمكن يفيدك هذا الموضوع

http://www.assayyarat.com/forums/showthread.php?t=60127

[support]

مشكورين ياشباب
وجزاكم الله الف خير

[عاشق الجولف]

أخي العزيز Support بصراحة أنا عندي بيجو 307 صارلي تقريبا سنة ونصف السيارة في غاية الروعة من التجهيزات والسلامة

والرحابة ماشية تقريبا 35000 كم .................

المشاكل اللي واجهتني في السيارة وتم تغيرها على الضمان ....

*ربلات الأبواب
*سير المكينة والبكرة
*السي دي

وكلها في فترة قصير

وغير كذا ترى السيارة بصراحة حلوة وفيها مميزات مو موجوده في مثيلاتها من نفس الفئة.

وكل شي ء تبغى من مواصفات إن شاء موجود في هذه السيارة.


والله يوفقك إن شاء الله.





تحياتي




عاشق الجولف

[PEUGEOT-307]

السلام عليكم جميعا

الاخ : support

بالنسبة لي كأحد أصحاب ال307

الحمد لله السيارة ماشيه معي مثل الحلاوة

سيارتي 2000سي سي اوتوماتيك

اشوف ان عزمها ممتاز بالنسبة لسيارة 4 سلندر وصرفيتها للبانزين ايضا ممتازة

استخدامي للسيارة عادي لا سرعه ولا قومات والحمد لله السيارة ماشيه

بالنسبة لتعشيقة الجير صح اتفق مع الشباب ان احيانا تكون التعشيقه ماهي ناعمه والسبب اتوقع ان الجير تبترونك وهذا عادي.

بالنسبة لي ما ارى عيوب لاني اخذتها على قناعه تامة والحمد لله.

بالنسبة لل1600سي سي جربت مرة سقت سيارة احد اقاربي والفرق اللي لاحظته فقط في القومة لكن لما تمشي بها عادي ما تفرق كثير .

اما عن الصيانه ايضا اضم صوتي للشباب ان فيه شوي تاخير في بعض الاوقات
لكن في الفترة الاخيرة اشوف ان الوكالة (في الشرقية )بدت تتطور وان شاء الله خير


آسف لو اكون طولت عليك

ختاما:
السيارة حلوه ومواصفاتها رائعه واذا بتاخذها حافظ عليها وبتدوم معاك.
لكن لو بتكرفها ولا بتعتني فيها .. اكيد كاي سيارة اخرى بتطلع خرابات.


|3| سلام