أشتري ... أم ... استأجر ؟؟؟

[A.S.K]

تحية صيفية طيبة للجميع...

أود استشارة أخواني في موضوع ترددت فيه طويلا - حوالي شهر -

أملك سيارة أفالون و رغم مرور أربع سنوات من عمرها إلا أنها بفضل الله نظيفة ، و لا أفكر التفريط فيها ،

في هذه الصيفية أود القيام برحلات سياحية عائلية ( كلنا خمسة أفراد ) ...

فكرت في شراء يوكون 2005 ، لكن سيسحب مني مبلغ 117.000 مما سيؤثر على اسثماراتي ....

فكرت في شراء يوكون مستعمل و بعد الإجازة أبيعه ، لكن الوقت الحالي عليها سحب من المعارض يعني غالي و بعد الإجازة راح ينزل السعر ....

فكرت في استئجار يوكون 2005 لمدة شهر ، و راح يكلف 9000 فقط ....


أي اختيار يمكنك أن تساعدني في اعتماده ... ؟؟؟

[Sclass 4 Ever]

استاجر

لانه لو تشتري يوكون وتبيعة يمكن ينقص سعره اكثر من 9 الاف

او تشتري واحد كرت صعبة عليك زي ما تقول

فكرت في استئجار يوكون 2005 لمدة شهر ، و راح يكلف 9000 فقط <<<< تمام

[M.A.D about u]

انا انصحك تستأجر

اول شي لو تشتريه من الوكاله وتنزله المعارض جدييييييد بينزل فوق 9 الاف

استأجر بس دور موديل جديد علشان ما يبلشك بسفرك

اخووووووووووووووووووك مرزووووووووووووووووووق

[waleed4w]

والله اشوف لو تشتري واحد مستعمل وتبيعه بعد الاجازه مباشره ماراح تخسر الا 3000 الى 6000 ريال بلكثير

طبعا هذا اذا حصلت واحد نظيف

واذا انت مستعجل وبتريح راسك خذ لك ايجار واعتقد انك بتحصل ب7500 ريال

[عذب الاحاسيس]

اشتري مستعمل احسلك

بس انتبه انت تبي تسافر بكرة يجيلك يوقف في الطريق وتبتلش

او انك تشتري سيارة عائلية اذا كنت مقتدر

السوبربان 2005 فل كامل ماعدا جلد ب109 الاف

تحياتي

[A.S.K]

الأحبة الكرام

Sclass 4 Ever / MarzoQ / waleed4w / عذب الاحاسيس

شكراً لاهتمامكم و مروركم ،

من خلال طرحكم و آرائكم يتضح أن الخيار المثالي هو الاستئجار ....

أكرر شكري و تقديري لكم ،

[أكورد وبس]

لالالالا

فر من الإيجار فرارك من الأسد

الإجار للشغلات البسيطة ممتاز ، يوم يومين ، أسبوع ن لكن شهر ، وسفر ، أحس إنك بتتوهق

لأن أحاب محلات التأجير ما يرحمون ، يقول لك 9000 ، وإذا رجعتها طلع لك ألف مشكلة فيها ودفعك قيمتها ، بالإضافة إلى إنك بتتوهق لو حصل لك عليها حادث لا قدر الله ، مو مثل لو كانت سيارتك

أنصحك نصيحة لوجه الله ، اشتر لك مستعمل ، وبعه إذا رجعت أفضل لك من الإيجار

بعدين ، ممكن يعجبك الموتر ولا تبيعه أصلا

فكر واستخر وشاور ناس أكثر خبرة مني والله يعينك :)

[A.S.K]

أخي / أكورد وبس يعطيك العافية ...

معلومة بسيطة عن سيارات التأجير ((((( عليها تأمين )))))

يعني تطلع منها زي الشعرة من العجين - حسب علمي ،

عموما أحد أصحابي الآن مستأجر سيارة من نفس المحل اللي ناوي أخذ منه ..... و بعد ما يرجع نشوف وش يصير ،،،

أكرر شكري و تقديري ....

[Caprice]

استأجر وخل عليه تأمين شامل والزيادة بسيطة (حدود 30 ريال لليوم)
ولكنها تريحك مرررة والمحل مايقدر يفتح فمه بشي اذا رجعتها

وانصحك بالمحلات المعتبرة مثل بدجت والمفتاح وهيرتز

وخاصة بدجت محترمين من جد

[أبـوأسـد]

والله أخوي ودي أنصحك بالمستعمل أو الجديد ما أدري
بس أحب أقولك معلومة مهمة جدا وهي
أذا بتدور يوكون مستعمل صراحة بتاخذ وقت طويل على أنك تجد واحد نظيف ولا فيه مشاكل
لان أغلب اليوكون الي في السوق حاليا مهب نظيفة وأذا لقيت نظيف لقيت سعره ناااااااااااااااااار
ويمكن يكون فيه خرابات وكذا وتقعد تصلح في سفرك وتنشغل به يعني أرى أن فكرة الأيجار مدام عليه تأمين ممتازة

أخوك أبوأسد

[السنيور7]

استاجر بس تكون ماشية

اقل من 40 الف عشان الجمس مشاكلة كثيرة في الخط

انتبه للفرامل

سلامي

[A.S.K]

الأحبة الكرام

Caprice / أبـوأسـد / السنيور7

شكرا لمداخلاتكم و إضافاتكم القيمة ،،،


دمتم بخير ،،،

[مطفي النور]

انصحك يا اخوي لاتستاجر ولا تشتري .. عندك الافلون عطيت الله.. اذا مانفعت الوقت هذا متى تنفعك؟

[عذب الاحاسيس]

غير كذا التاجير ماراح ياخذ بس الايجار اليومي

لك حد يومي من الكيلومترات اذا تعديتها يحسب عليك غير قيمة الايجار اليومي

نصيحة اكرف الافالون والحمدلله

ووفر قيمة الايجار

تحياتي

[Don't try]

خمسه في افلون

تشيلهم بريح الرراح

خلك من الايجارات لان 9000 في سياره شهر بس والله غبنه
يعني لو افترضنا ان الايجار با 10000 في الشهر يعني بيكسب اكثر من سعره با سنه !!

[الصابونة الحمرا]

خمسه في افلون

تشيلهم بريح الرراح

خلك من الايجارات لان 9000 في سياره شهر بس والله غبنه
يعني لو افترضنا ان الايجار با 10000 في الشهر يعني بيكسب اكثر من سعره با سنه !!



كلام 100% وصراحة حرام 90000 في شهر

ولا تنسى انك 100% راح تدفع قيمة كيلوات زيادة

[BLACK R/T]

والله وانا اخوك اقترح عليك انك تروح بالافالون

اول شي السياره انت تعرفها وضامن ان ما فيها خرابات

وبعدين على كلامك انكم خمسه يعني الافالون تشيلكم بالراحه ولا يخفى عليك اذا كانت عائله بيكون فيها اطفال يعني السياره بتكون وسيعه

وبالنسبه للتأجير انصحك تبعد عنه وخذها قاعده ان سيارات التأجير معدومه وبقوه واسأل مجرب (( الا بعض المحلات المحترمه يمكن تحصل عندها سيارات جديده ))

وبدال ما تخسر 9000 تأجير حطها في تغيير كفرات اذا كانت كفراتك معدومه ولا ضلل في كول علشان ترتاح من حرارة الجو والباقي حطه بجيبك

اخوك s.a.3

[ماجناوي]

توكل على الله وخذ السيارة ايجار
وللمعلومية يا اخوان السيارة اذا كانت ايجار لمدة شهر او اكثر الكيلومترات تكون مفتحة مو محددة

اجازة سعيدة