أشتري ... أم ... استأجر ؟؟؟

[A.S.K]

تحية صيفية طيبة للجميع...

أود استشارة أخواني في موضوع ترددت فيه طويلا - حوالي شهر -

أملك سيارة أفالون و رغم مرور أربع سنوات من عمرها إلا أنها بفضل الله نظيفة ، و لا أفكر التفريط فيها ،

في هذه الصيفية أود القيام برحلات سياحية عائلية ( كلنا خمسة أفراد ) ...

فكرت في شراء يوكون 2005 ، لكن سيسحب مني مبلغ 117.000 مما سيؤثر على اسثماراتي ....

فكرت في شراء يوكون مستعمل و بعد الإجازة أبيعه ، لكن الوقت الحالي عليها سحب من المعارض يعني غالي و بعد الإجازة راح ينزل السعر ....

فكرت في استئجار يوكون 2005 لمدة شهر ، و راح يكلف 9000 فقط ....


أي اختيار يمكنك أن تساعدني في اعتماده ... ؟؟؟

[Sclass 4 Ever]

استاجر

لانه لو تشتري يوكون وتبيعة يمكن ينقص سعره اكثر من 9 الاف

او تشتري واحد كرت صعبة عليك زي ما تقول

فكرت في استئجار يوكون 2005 لمدة شهر ، و راح يكلف 9000 فقط <<<< تمام

[M.A.D about u]

انا انصحك تستأجر

اول شي لو تشتريه من الوكاله وتنزله المعارض جدييييييد بينزل فوق 9 الاف

استأجر بس دور موديل جديد علشان ما يبلشك بسفرك

اخووووووووووووووووووك مرزووووووووووووووووووق

[waleed4w]

والله اشوف لو تشتري واحد مستعمل وتبيعه بعد الاجازه مباشره ماراح تخسر الا 3000 الى 6000 ريال بلكثير

طبعا هذا اذا حصلت واحد نظيف

واذا انت مستعجل وبتريح راسك خذ لك ايجار واعتقد انك بتحصل ب7500 ريال

[عذب الاحاسيس]

اشتري مستعمل احسلك

بس انتبه انت تبي تسافر بكرة يجيلك يوقف في الطريق وتبتلش

او انك تشتري سيارة عائلية اذا كنت مقتدر

السوبربان 2005 فل كامل ماعدا جلد ب109 الاف

تحياتي

[A.S.K]

الأحبة الكرام

Sclass 4 Ever / MarzoQ / waleed4w / عذب الاحاسيس

شكراً لاهتمامكم و مروركم ،

من خلال طرحكم و آرائكم يتضح أن الخيار المثالي هو الاستئجار ....

أكرر شكري و تقديري لكم ،

[أكورد وبس]

لالالالا

فر من الإيجار فرارك من الأسد

الإجار للشغلات البسيطة ممتاز ، يوم يومين ، أسبوع ن لكن شهر ، وسفر ، أحس إنك بتتوهق

لأن أحاب محلات التأجير ما يرحمون ، يقول لك 9000 ، وإذا رجعتها طلع لك ألف مشكلة فيها ودفعك قيمتها ، بالإضافة إلى إنك بتتوهق لو حصل لك عليها حادث لا قدر الله ، مو مثل لو كانت سيارتك

أنصحك نصيحة لوجه الله ، اشتر لك مستعمل ، وبعه إذا رجعت أفضل لك من الإيجار

بعدين ، ممكن يعجبك الموتر ولا تبيعه أصلا

فكر واستخر وشاور ناس أكثر خبرة مني والله يعينك

[A.S.K]

أخي / أكورد وبس يعطيك العافية ...

معلومة بسيطة عن سيارات التأجير ((((( عليها تأمين )))))

يعني تطلع منها زي الشعرة من العجين - حسب علمي ،

عموما أحد أصحابي الآن مستأجر سيارة من نفس المحل اللي ناوي أخذ منه ..... و بعد ما يرجع نشوف وش يصير ،،،

أكرر شكري و تقديري ....