محتار و آبي شوركم

[D7EM]

السلام عليكم ورحمه الله وبركاته


انا انسان ما اعرف للمقدمات :bigggrin:
بس بصراحه بصراحه المنتدى آبهرني بالاعضاء اللي فيه :2smilie40:
و والله اني ما سجلت الا عقب ما شفت وتصفحت قسم (( نادي السيارات الألمانية والأوروبية )):xyxthumbs:

حسيــــت بجد انكم بتنفعوني وبتقنعوني لانكم ناس فاهمه وتتكلم عن تجربه << عرفت هالشي من خلال تصفحي للمواضيع

فإليكم ما سأخبركم به:

انا انسان معي 240 الف
و ابي سياره بشرط تكون فل كامل
وفي بالي مرسيدس ولا ادري اي نوع لاني للحين ما رحت للوكاله بس بسالكم عن CLS 350

و jaguar xf 2012 << هذي يقول اللي في ناغي طريق الملك فهد انها بتنزل في شهر 11 بس مدري هجري ولا ميلادي :confused1:

و bmw 5 series << وهذي مدري الصراحه احس ما خشت مخي احس بالاستحقار اذا شفت الـ 750

و الطوارق << معليش احس انه خاش عرض بس استحملوني

وطبعاً لو فيه سيارات ثانيه قريبه من سعري غير اللي قلت ما يمنع تقولون لي..:bigggrin:


واللحين ابي رايك..؟؟


* للمعلوميه فقط تراني سنبوكه في السيارات يعني ما اعرف شي :bigggrin:

احس اسم الموضوع سامج وينفع لعالم حواء خخخخخخخخخخ :bigggrin:

[porsche fan]

هههههههههههههههههههههههه , شوف يا عيوني اول شئ يا عيوني <- كل تبن يا فوزية الدريع

المهم ناخذها حبه حبه



وفي بالي مرسيدس ولا ادري اي نوع لاني للحين ما رحت للوكاله بس بسالكم عن CLS 350




الـ CLS 350 الضاهر حتى الستاندر ما تجي بهالسعر , اقل نوع من الـ CLS الضاهر بـ 400 الف مدري ب 390 , المهم ان مستحيل تلقى CLS جديدة بـ 240 :)



و jaguar xf 2012


والله السيارة أوكيه وانصحك فيها بكل شئ صراحة , واشوفها افضل سيارة بهالفئة بعد الأودي A6 طبعاً , سيارة فخمة جداً وشكلها رياضي ومميز ويكفيك انها بريطانية وشروها هنود هههههههههههههههههه


و bmw 5 series

شوف يا الغالي , الفئة الخامسة الجديدة سيارة فخمة وشبابية وجميلة جداً , لكن بما انك مو مقتنع فيها ما انصحك تاخذها , لأن اهم شئ قناعتك الشخصية قبل كل شئ , لو تشوف رولز رويس واكسنت وما عجبتك الرولز رويس وما اقتنعت فيها وعجبتك الاكسنت واقتنعت فيها خذ الاكسنت خخخخخ , لأن عن تجربه اذا انت مقتنع بالسيارة تماماً وحابها راح تتحملها وحتى وان استهبلت من فترة لفترة راح تصبر عليها لأنك تحبها ومعجب فيها :)




و الطوارق


الطوارق اوكيه والله , بس اشوف دامك دافع هالسعر ما ودك سيارة فخامة وشكل وتكنلوجيا واسم ؟ انا ما يرفع ضغطي بالطوارق الا سعرة الي فوق الميتين وهو يبقى فولكس واجن , مافيها شئ الفولكس واجن سيارة ممتازة لكن الي يدفع 60 الف يجيبها والي يدفع 200 يجيبها ؟ احسها قوية شوي :blue:


شوف يا الغالي انا لاحظت ان كل السيارات الي ذكرتها بالموضوع اشكالها رياضية , فواضح انك تبي شئ رياضي وفخم بنفس الوقت صح ؟ وكأنك ماتبي الكوبيه


طيب شوف يا الغالي , عندك اول شئ الأودي A6 واشوفها ملكة هالفئة لعدة اسباب , الاوسع خلفياً بفئتها , ومقاعدها اريح من المنافسين , الجلود المستخدمه فيها مريحة أكثر من المنافسين والكلام عن تجربه :)

http://img2.netcarshow.com/Audi-A6_2012_800x600_wallpaper_01.jpg

http://img2.netcarshow.com/Audi-A6_2012_800x600_wallpaper_4c.jpg


هالسيارة لازم تروح الوكالة وتركبها حتى لو ما بتشتريها بس عشان تعرف وش معنى الأودي ومدى ابداع الألمان بصناعة السيارات :bigggrin: , عطها فرصة ورح اركبها وصدقني راح تقتنع فيها قبل كل شئ



اذا ما عندك مشكلة بسيارات الكوبيه عطني خبر , وبهالمبلغ الي معاك تطلع سيارات كوبيه ورياضية مجنونة :bigggrin:

[حازم HZM]

^^^^^

عطاك الزبده ومو اي زيده الا زبدة لورباك الاصليه ام 4 ريال ونص

http://t1.gstatic.com/images?q=tbn:ANd9GcRLkgSRoaRIX1feWUVmgrerdB2lmZvQ4 rp5L41hFVBWMsuq4OWIUQ

[D7EM]

ياا عيووني شكلك خشيت جوو مع عاالم حوااء ههههههههههههههههه
بعدين يا كرهي لذا الانسانه..


الـ CLS 350 الضاهر حتى الستاندر ما تجي بهالسعر , اقل نوع من الـ CLS الضاهر بـ 400 الف مدري ب 390 , المهم ان مستحيل تلقى CLS جديدة بـ 240


مثل ما قلتلك تراني سنبوكه ما ادري وين الله حاطني فيه ولا لي في السيارات
بس ما فيه شي من مرسيدس بهالسعر..؟؟

والجاكوار هي اكثر شي خشش مخي وبعمق صرااحه تحس بالفخامه داخليا طبعا وخارجيا حلوه بعد

والـ BMW شلتها من راسي لانها كانت في طرف مخي ومسحتها عقب كلامك الجميل
بس اهنيـــــك على التشبيه..:bigggrin:


الطوارق انا من البدايه قلت خشه بايخه فاعذرني :rolleyes1:

A6
جميله الصراحه ويبيلي اشوفها :xyxthumbs:


شوف يا الغالي انا لاحظت ان كل السيارات الي ذكرتها بالموضوع اشكالها رياضية , فواضح انك تبي شئ رياضي وفخم بنفس الوقت صح ؟ وكأنك ماتبي الكوبيه
لا عاادي الكوبيه ليه لا وانا ودي بصراحه بس اخاف اطفش لان توني شبااب ولا ورااي بزراان اظفهم معي..:bigggrin::bigggrin:



اذا ما عندك مشكلة بسيارات الكوبيه عطني خبر , وبهالمبلغ الي معاك تطلع سيارات كوبيه ورياضية مجنونة
حمستني يا الدكتوره فووز..:bigggrin: قل وش السيارات

وشااكر لك تجاوبك حبيبي..

[D7EM]

^^^^^

عطاك الزبده ومو اي زيده الا زبدة لورباك الاصليه ام 4 ريال ونص

http://t1.gstatic.com/images?q=tbn:A...FVBWMsuq4OWIUQ


مدام انها لورباك ما ابيها دنيماركيه..خخخخخخ

[porsche fan]

شف أول شئ يقولون بيبيعون سيارة غزال بـ 200 الف لكن بعد خمسين سنة وش رايك تصبر وتشوف ؟ :bigggrin:



والله شوف بالنسبة للمرسيدس , بهالسعر راح تجيب المرسيدس E واتوقع تقدر تجيب الـ E350 فل لكن بدون كت الـ AMG , مثل هذي

http://img2.netcarshow.com/Mercedes-Benz-E350_2010_800x600_wallpaper_08.jpg

http://img2.netcarshow.com/Mercedes-Benz-E350_2010_800x600_wallpaper_1c.jpg


طبعاً المرسيدس E هي منافسة الـ A6 من أودي , طبعاً كل وحدة تتغلب على الثانية باشياء , الأودي A6 افضل من المرسيدس E بالمساحة الخلفية ومقاعد الأودي A6 انعم واريح من مقاعد الـ E , طبعاً هذا ما يعني ان الـ E مقاعدها قاسية , حتى مقاعد الـ E مريحة لكن مقارنتاً بالـ A6 فـ الأودي A6 أنعم , طبعاً المرسيدس E تتغلب على الـ A6 بمدري ايش :bigggrin: , لكن اعتقد المرسيدس E تتغلب على الأودي A6 بالمحرك والله اعلم !
رأيي الشخصي انصحك بالـ A6 , لكن شوف الـ E بالوكالة وشوف وش تميل له اكثر



بالنسبة لسيارات الكوبيه فقول بسم الله ان بيغما عليك خخخخخخخ ..

أول شئ عندك الكبيرة والعملاقة والمميزة والفاخرة والجميلة والمبدعة والانيقة <- :a1120(121): ،، البورش كايمن

http://www.porsche.com/filestore.aspx/normal.jpg?pool=germany&type=image&id=987-2nd-c7-detail-drive-lightweight-xle&lang=none&filetype=normal&version=1

هالسيارة بالذات بالذات الصور تظلمها , لازم تشوفها بالوكالة وصدقني راح تنسى كل سيارة ببالك , سعرها بالميزانيّة الي معاك ولا تفوتها , حتى داخليتها ممتازة لازم تركبها وتشوفها , واضافة الـ LED على الخلفية طالعة وحش اقسم بالله

واذا انت من عشاق السيارات المكشوفة , عندك البورشه بوكستر سبايدر ( لا تفهم غلط :bigggrin: )

http://fastautopix.com/wp-content/uploads/2010_porsche_boxster_spyder_press_new_images_002-4e23af0e0634b.jpg


وفيه عندك يا الغالي من الاودي , الأودي TT

http://img2.netcarshow.com/Audi-TT_Coupe_2011_800x600_wallpaper_05.jpg

http://img2.netcarshow.com/Audi-TT_Coupe_2011_800x600_wallpaper_07.jpg

http://img2.netcarshow.com/Audi-TT_Coupe_2011_800x600_wallpaper_0e.jpg


طبعاً فيه المزيد لكني تعبت , خلني اخذ نفسي وارجع لك خخخخخخخ
مبدئياً انصحك تروح وكالة الأودي وتشوف الـ A6 والـ TT
وتروح وكالة البورش وتشوف السيارات اعلاه :D

[D7EM]

يمممممه انت ما تمزززح ابدد

معليش بس توني ادري ان فيه انواع بورش بهالاسعار
والله انك فناان
البوورش شايفه شايفه الله لا يعوق بشر

والاودي TT حلوووه من جوا بس يبيلي اشوفها على الطبيعه اكيد لان في الصوره صاير شكلها غبي..صايره مفعووصه

بس تبي الصدق ولا ولد عمه توني اتاكد ملياار في الميه اني سنبوكه
توني ادري ان المبلغ هذا يجيب سيارات محترمه (( بما ان مالي في السيارات طبعاً ))

porsche fan انت احسن شي في الدنياا..

[porsche fan]

ترى الـ TT الي نزلت لك صورها موديل 2009 او 2010 ماني متأكد , طبعاً الداخلية الى حدٍ ما تشابه الـ 2011 , لكن انصحك تروح وتركبها ويمكن شكل الديكورات فيها ما يكون جيد لكنها مريحة بالجلوس , لكن من رأيي اهم شئ تشوف البورشه بالوكالة لأنها افضل من الـ TT بالاسم وبالشكل وبالاعتماديّة اهم شئ

بالتوفيق , واي استفسارات احنا حاضرين

[D7EM]

بس لا تنسى ابي سياره لي وللزمن يعني 5 سنين
لين اتخرج من الجامعه ان شاء الله
يعني ما ابي شي يقلقني بخراباته..

وجد جد مشكوووور وما قصرت حبيبي..

[D7EM]

ايه ايه اكيـــد برووح للبوورش هو الاول بعد<< قلووووب من هنا للوكاله
وبصراحه يكفيك اسمه

[porsche fan]

البورشه أكثر ماهو معروف عنها اعتماديّتها
اخذت جوائز واجد بالاعتمادية والتحمل بالرغم من انها سيارات رياضية وبشكل عام السيارات الرياضية ماهي لحقت ابو سبع سنوات , ثلاث او اربع سنوات وتبدى تستهبل , لكن البورشه اخذت مراتب ممتازة بالاعتماديّة , اخذت المركز الاول لعام 2010 بافضل سيارات اعتمادية بالعالم , ولعام 2011 اعتقد اخذت المرتبة الثانية او الثالثة ما اتذكر بالضبط لكن اعتقد الثانية , على كلٍ البورشه اعتماديّة بالدرجة الأولى وانا متأكد من كلامي :xyxthumbs:

[D7EM]

البورشه أكثر ماهو معروف عنها اعتماديّتها
اخذت جوائز واجد بالاعتمادية والتحمل بالرغم من انها سيارات رياضية وبشكل عام السيارات الرياضية ماهي لحقت ابو سبع سنوات , ثلاث او اربع سنوات وتبدى تستهبل , لكن البورشه اخذت مراتب ممتازة بالاعتماديّة , اخذت المركز الاول لعام 2010 بافضل سيارات اعتمادية بالعالم , ولعام 2011 اعتقد اخذت المرتبة الثانية او الثالثة ما اتذكر بالضبط لكن اعتقد الثانية , على كلٍ البورشه اعتماديّة بالدرجة الأولى وانا متأكد من كلامي

لا خلاص هونت ما ابي البوورش توني انتبه للغزال وقررت انتظرها .. يكفي انها سعوديه << ايه جدا سعوديه

لا لا ان شاء الله اليوم بسير على البورش والاودي بس طبعا الاول بورش
وبكره على المرسيدس ان شاء الله

والله يعطيك العافيه يا صقيقي..

[GHOST_]

الـ CLS 350 الضاهر حتى الستاندر ما تجي بهالسعر , اقل نوع من الـ CLS الضاهر بـ 400 الف مدري ب 390 , المهم ان مستحيل تلقى CLS جديدة بـ 240 :)


^
^
^
:c0214:


CLS 500 بالوكالة 400 الف تقريبا
CLS 350 مو متاكدة اذا موجودة او لا بس بحدود 290 الف

[porsche fan]

^
يعني مافيه CLS بـ 240 ؟ طيب هذا الي قاعد اقوله يا الغالي :bigggrin:

[D7EM]

الـ CLS 350 الضاهر حتى الستاندر ما تجي بهالسعر , اقل نوع من الـ CLS الضاهر بـ 400 الف مدري ب 390 , المهم ان مستحيل تلقى CLS جديدة بـ 240 :)


^
^
^
:c0214:


CLS 500 بالوكالة 400 الف تقريبا
CLS 350 مو متاكدة اذا موجودة او لا بس بحدود 290 الف


الله يعطيك العافيه على الرد وقالي اخوي porsche fan
في اول رد من ردوده:bigggrin:

[D7EM]

^
يعني مافيه CLS بـ 240 ؟ طيب هذا الي قاعد اقوله يا الغالي :bigggrin:

طيب ما فيه CLS بـ 240 ..؟؟ :bigggrin::tongue:

[D7EM]

الكايمان لقيت اسعاره في الموقع
وجتني صدمه عاطفيه

والله ما قد جاء في بالي ان بورش عندهم ذا الاسعار..!!

197,200 =Cayma
Cayma S=224,600
Cayma S Black Edition=234,800
Cayma R=242,000

بس عندي سؤال وش الفرق بين Cayma S Black Edition و Cayma S ..؟؟
و سؤال ثاني بعد ودي اعرف هل قطع غيار البورش غاليه ولا نفس اسعار البي ام والمرسيدس والاودي..؟؟

[سدير20]

ماعــلــيـش بس تـراي بـشـطـح شـطـحـة ألـيـيـمـة^^

يااخي وين راحت infiniti m56s :confused1:
يااخي يكفيك الــ420 حصان :a1120(121):

وأكثر ياباني أعتمادية بنظري:smile:


أعطيك معلومات عنها
محرك من 8 إسطوانات سعة 5.6 لتر تنفس طبيعي بـ قوة 420 حصان . ( الخليجية 402 حصان ) .

قير من 7 سرعات .

تصل السيارة من 0-60 ( ميل ) خلال4.9 ثواني . و البعض يقول انه حقق 4.7

تقطع السيارة الربع ميل خلال 13.3 ثانية .

مواصفات أخرى // ( جنوط مقاس 20 - نظام سمعي من BOSS بـ 16 سماعة -

سعر السيارة في سوق السعوديه فئة الفل اوبشن سبورت بـ 250 ألف ريال سعودي . اما عندنا في الامارات اعتقد 242 الف درهم



الفئات :

تتوفر M باربع فئات



محرك ذو 6 اسطوانات ( الفخمه ) بسعر 180 الف درهم

محرك ذو 6 اسطوانات ( الرياضيه ) بسعر 190 الف درهم

محرك ذو 8 اسطوانات ( الفخمه ) بسعر 230 الف درهم

و خيرا مع الامبراطور ذو 8 اسطوانت ( الرياضيه ) بسعر 242 الف درهم


ملاحظه : قد تختلف الاسعار قليلا و ذلك حسب الفترة الزمية و الوكيل





نأتي للمواصااات :

• مصابيح زينون أمامية ثنائية الوظائف تشتغل وتنطفئ آلياً وتتمتع بتفريغ شديد التركيز (HID) وتعمل بالتزامن مع مساحات الزجاج


• كشّافات ضباب أمامية


• إضاءة ترحيبية على مقبض الباب الأمامي


• عادم ثنائي الفتحات بمواسير ملمّعة


• نظام الإنارة الأمامية المتكيّفة (AFS) مع تعديل مستوى إنارة المصابيح آلياً


• فتحة سقف زجاجية تنزاح آلياً منفتحةً أو منغلقةً بالكامل بلمسة زر


تجهيزات المقصورة • نظام ذاكرة معزّز في المفتاح الذكي لحفظ إعدادات نظام الترفيه الصوتي، نظام التحكّم بالمناخ والنظام الملاحي


• نظام أوتوماتيكي للتحكم بالحرارة ثنائي المناطق


• نظام إضاءة ترحيبي يعمل بالتسلسل عند الدخول إلى السيارة


• مسند أمامي للأذرع بحجيرة تخزين ومقبس من فئة 12 فولط، ومقبس USB لتوصيل جهازiPod والأجهزة المتوافقة الأخرى


• نظام تكييف ™Forest Air مزوّدة بتقنيات متطورة تشمل إعادة تدوير الهواء في المقصورة آلياً، محاكاة نسيم الطبيعة العليل، تقنية ™Plasmacluster لتنقية الهواء ، وتقنية Grape Polyphenoal Filter لفلترة الهواء ( تتوفّر في طراز V6 الرياضي والفاخر، طراز V8 الرياضي والفاخر)


المقاعد وحشوات المقصورة • مقعد السائق والراكب الأمامي يتحرك آلياً بعشرة اتجاهات تشمل اتجاهين لدعم المنطقة القَطَنية (أسفل الظهر)


• نظام ذاكرة ثنائي لمقعد السائق والمرايا الجانبية وعجلة القيادة، يرتبط بمفاتيح ذكية شخصية


• خاصيّة التحكّم بالمناخ في المقاعد الأمامية


نظام الترفيه الصوتي • نظام Bose® 5.1 المتفوق للترفيه الصوتي قناة باستقبال لموجات AM وFM مع مشغّل للأقراص المدمجة وأقراص DVD مثبت داخل لوحة العدّادات وقادر على تشغيل ملفات MP3، وحجم الصوت حسّاس لسرعة السيارة


• نظام ®Bose المتفوق للترفيه الصوتي مع 10 مكبّرات للصوت


• نظام ®Bose المتفوق للترفيه الصوتي مع 16 مكبّرات للصوت


• نظام ترفيه صوتي ®Music Box مزوّد بقرص صلب سعة 9.3 جيغا بايت


• مقبس USB لتوصيل جهاز iPod والأجهزة المتوافقة الأخرى


• ننظام فعّال للتحكّم بصوت الضجيج غير المرغوب فيه


العدّادات ومفاتيح التحكم لرُكن السائق

• نظام إنفينيتي لاختيار وضعية القيادة (قيادة عادية، رياضية، صديقة للبيئة وقيادة على الثلج)


• عمود عجلة القيادة قابل للتعديل آلياً طولاً وارتفاعاً


• نظام هاتف بتقنية بلوتوث


• نظام إنفينيتي الملاحي المجهّز بقرص صلب وشاشة عرض تعمل باللمس مقاس 8 بوصات مع دليل للمسارات


• شاشة الرؤية الخلفية


• نظام إنفينيتي للتحكم بنظام الترفيه الصوتي، نظام التحكم بالمناخ، ترشيد استهلاك الوقود، الصيانة، الراحة والمزايا العملية الأخرى


• حساسات ركن أمامية وخلفية


مزايا السلامة

• تقنية تحكّم ذكية لتثبيت السرعة (على نطاق كافة السرعات) وتقنية التحكم لترك مسافة آمنة


• نظام منع مغادرة حارة السير


• نظام التحذير في المناطق العمياء ونظام التدخّل في المناطق العمياء


• تقنية ذكية لتعزيز المكابح مع نظام تحذير قبل الاصطدام الأمامي


• أحزمة أمان للمقاعد الأمامية مع خاصية استشعار ما قبل الاصطدام


• خاصيّة المساعدة لتجنّب الحالات الطارئة


• نظام إنفينيتي المتطور للوسائد الهوائية (AABS)


• احزمة امان في المقاعد الأمامية مزودة بوحدات شد مسبق ومحددات للضغط، وآلية سحب للربط الطارئ للأحزمة (ELR) بالنسبة لمقعد السائق وآخر بالنسبة لمقعد الراكب الأمامي.


• وسائد هوائية اضافية منسدلة مدمجة في السقف واقية من الصدمات الجانبية لحماية رؤوس ركاب المقاعد الأمامية والخلفية.


• وسائد هوائية إضافية مدمجة في المقاعد الأمامية واقية من الصدمات الجانبية


• نظام التوزيع الالكتروني لقوة الفرملة


• تقنية تعزيز المكابح


• نظام المكابح المانعة للانغلاق


• نظام التحكم الديناميكي بالسيارة


• نظام التحكم بالسحب


• نظام مراقبة وتحذير ضغط الهواء في الإطارات



شرح بسيط لاهم الانظمه :

نظام درع السلامه -

تخيل و انت مااشي على سرعه 140 :ch19:و سرحان .. فجأه لقيت سيارة قدامك تمشي بسرعه 100 كيلو

و لا سمح الله ما لحقت عالبريك .. النتيجه في السيارات الاخرى (( تصادم اكيد )

و لكن هذا النظام يتيح لانفنتي تخفيف السرعه اليا دون تدخل السائق

و في حين تحرك المحركه الثانيه تعود سرعتك الطبيعيه الى ما كانت عليه



نظام التدخل في المناطق العمياء

مثلا انا كنت ماسك المسار الثالث و بغيت تتجااوز

بتتجه نحو المسار الرابع و اذا بك تفاجى بسيارة طايرة و راعيها (الشيبه ) يالسس يحتشر عليك و يدق لك مليون الف هرن بحجه انك لفيت عليه

و لكن هذا النظام يمنع وجود مثل هذي المواقف الحرجه

بوجود تنبيهات صوتية و ضوئيه

عشان انكون واضحين اكثر يوجد فيديو في الموقع الرسمي لانفنتي

http://www.infiniti-me.com/ar/m/key_...es/safety.html (http://www.infiniti-me.com/ar/m/key_features/safety.html)



نظام مساعد الكبح ( اعتقد انه واضح )

بحيث ان اذا السيارة الي قدامك وقفت فجأه و انت ما لاحظت او تأخرت

يقوم هذا النظام بتعزيز المكابح اليا لتفادي الحادث


على فكرة اول من طيق هذا النظام مرسيدس عام 2005 او 2006




نظام منع مغادرة السير

بحيث انك لو انتقت من مسار لمسار يكون في تنبيه صوتي ( يمكن اغلاقه )

و نظام منع الخروج من الخط الاصفر





تقنيات السيارة :


لمزيد من الهدوء تم تنظيم نظام ذكي للتقليل من ضجيج المحرك

عن طريق توليد ترددات معاكسه لصوت المحرك و بذلك يختفى صوت المحرك المزعج

و هناك اخبار قريتها في احد المواقع الاجنبية ان موديل 2012 تم تعزيز النافذه و بعض المناطق لمزيد من الهدوء



نظام دوران العجلات الخلفية في المنعطفات لمزيد من الثبات

( متوفر فقط في الفئه سبورت )






تصميم السيارة :


بصراحه اول ما نزلت انفنتي في نهايات 2010

ما كنت اعرف عنها اي شي

لكن مرة من المرات ذهبت للوكيل لشراء نيسان بترول 2010 ( حق اخوي )

و انا في الوكاله لاحظت سيارة من بين كل سيارات انفنتي واقفه في امنتصف و كأنها ملكه و حولها الخدم


رحت و شفتها . .. انبهرت بتصميمها الداخلي اكثر من الخارج .. ( المشاهدع في الطبيعه اجمل من الصور بكثير )

خاصه اللون الاسود بصراحه جميل جدا و لكن ظروف دول الخليج لا تسمح للـلون الاسود

و انصدمت بسعرها المغري في حين ان كنت ساير وكاله اللكزس و شفت لكزس GS بسعر اغلى 50 الف و الان ارتفعت الاسعار عندهم يمكن وصل الفرق 60 و حسيت بالفرق الساشع بين الاثنين


بعض الصور لها

http://www.assayyarat.com/forums/thread233883.html

ادخل الموضوع شوف m56s تصوير بوكالة السعودية

أتمنى أفدتك:xyxwave:












مــقــاطــع مــفــيــدة:
http://www.youtube.com/watch?v=xIU005QCnio


أتمنى أفدتك:xyxwave:

[D7EM]

^^^
اليــــــــمه خصووصاً واجهتها وحششش
بس انت كذا خليتني احتار اكثر
بس بشوف البورش والاودي
وبخلي هذي من ضمن الاختيارات ان شاء الله

الله يعطيك الف عافيه وخيارك كان شي جميل بصراحه..

[سدير20]

^^^
اليــــــــمه خصووصاً واجهتها وحششش
بس انت كذا خليتني احتار اكثر
بس بشوف البورش والاودي
وبخلي هذي من ضمن الاختيارات ان شاء الله

الله يعطيك الف عافيه وخيارك كان شي جميل بصراحه..
هلا اخوي الله يعطيك العافية واجبنا
لاكن انا بقولك كم شي عشان عالأقل تروح المعرض تشوفها
انت تعرف ان اودي بورش بي أم ممكن ماتكون بها نص المواصفات هاذي والسيارات اللي بسعر اللي لديك تكون اقل فئات الشركة
الانفنتي هي أفضل سيدان لهم
وتتغلب عالأنفنتي fx35:bigggrin:

طبعا بنظري أبعد عن الكوبية معقولة ماعندك اخوياء تبون تطلعون وتفلونها سوا ماعندك اهل ممكن يقولولك بنسافر شي مشوار
انا اشوف الكوبية أمر يعني بنظري غلط بغلط يصلح يكون مثلا عندك سيدان جيب وتكون هي يعني سيارتك الشبابية تكشخ بها اما يكون موترك بس لامايصير أبد

انت بكيفك....

أنصحك تمر على كل الأقسام لاتثبت على هالقسم 250 مو لعب بزران وانا اخوك
وبس..:xyxwave:

واذا تبغى الجيوب الشبابية مثل

lincoln mkx
cadiilac srx turbo
infiniti fx35

[porsche fan]

بالنسبة للكايمن S بلاك اديشين
السيارة مافيه منها الا 500 نسخة , اذا قدرت على وحدة خذها وانواع التميز


طبعاً الكايمن ار ما انصحك تقرب منها كونها النسخة المخففة , مافيها مكيف ولا راديو او شاشة

اذا ما لقيت الكايمن s بلاك اديشين خذ لك يا الغالي الكايمن S , ابداع والله
وحاول تاخذ تيست درايف منهم وان شاء الله يوافقون

[D7EM]

هلا اخوي الله يعطيك العافية واجبنا
لاكن انا بقولك كم شي عشان عالأقل تروح المعرض تشوفها
انت تعرف ان اودي بورش بي أم ممكن ماتكون بها نص المواصفات هاذي والسيارات اللي بسعر اللي لديك تكون اقل فئات الشركة
الانفنتي هي أفضل سيدان لهم
وتتغلب عالأنفنتي fx35:bigggrin:

طبعا بنظري أبعد عن الكوبية معقولة ماعندك اخوياء تبون تطلعون وتفلونها سوا ماعندك اهل ممكن يقولولك بنسافر شي مشوار
انا اشوف الكوبية أمر يعني بنظري غلط بغلط يصلح يكون مثلا عندك سيدان جيب وتكون هي يعني سيارتك الشبابية تكشخ بها اما يكون موترك بس لامايصير أبد

انت بكيفك....

أنصحك تمر على كل الأقسام لاتثبت على هالقسم 250 مو لعب بزران وانا اخوك
وبس..:xyxwave:

واذا تبغى الجيوب الشبابية مثل

lincoln mkx
cadiilac srx turbo
infiniti fx35

الله يعطيك العافيه وما قصرت
و بالنسبه للكوبيه يالغالي ودي بها بصراحه بس ما جاء في بالي ان هالشركات عندهم كوبيه بهالاسعار
والكوبيه اللي اعرفه ذا اللي ماليه الرياض كمارو وموستنج وكورفيت وذا الشله ولا ابغى ولا وحده منها
ويوم شفت اسعار البورش انذهلت بصراحه وفي النهايه (( بوورش ))
والاودي خشت في بالي الـ A6 اكثر من الـTT

اما من ناححيه عشان اخويا ولَّا اهل بصراحه ما فكرت ولا اتوقع اني راح افكر
الاخويا يا بتقابلهم في مكان ولا اني بركب معهم والاهل ما فكررت فيهم وبقوه لان فيه جمس في البيت وناوين يشترون سياره ثانيه صغيره يعني اقدر اخذ سياره البيت واوديهم وفوق كذا فيه سواق..

وفي النهايه انا شباب ابي اوسع صدري قبل ما اتزوج واضطر اشتري سيدان

وشاااكر لك حبيبي على النصيحه..:smile:

[D7EM]

بالنسبة للكايمن S بلاك اديشين
السيارة مافيه منها الا 500 نسخة , اذا قدرت على وحدة خذها وانواع التميز


طبعاً الكايمن ار ما انصحك تقرب منها كونها النسخة المخففة , مافيها مكيف ولا راديو او شاشة

اذا ما لقيت الكايمن s بلاك اديشين خذ لك يا الغالي الكايمن S , ابداع والله
وحاول تاخذ تيست درايف منهم وان شاء الله يوافقون

يعني البلاك بس فرق التميز..؟؟
اجل ما راح اخذها لان الداخلي اذا كان اسود يجيب ضيقه الصدرر

وحتى انا ناوي لو بشتري شي سبورت ابي اللون يكون شاطح
مثل الاصفر هذااا رااائع

بس ما قلتلي هل قطع غيار البورش غاليه ولا نفس اسعار البي ام والمرسيدس والاودي..؟؟

وان شاء الله انا بسيير عليهم واشوف

[porsche fan]

والله هي اغلى من قطع غيار المرسيدس والبي ام , لكن ماهو بفرق كبير جداً , بفرق بسيط :)

[GHOST_]

^
يعني مافيه CLS بـ 240 ؟ طيب هذا الي قاعد اقوله يا الغالي :bigggrin:

يعطيك العافيه حبيبي واعتذر منك بس كنت اقصد ان في CLS سعرها اقل من 400 الف

[سدير20]

ايوه كذا وضحت لنا الصورة :a1120(82):
أنا بنظري انت مايصلحلك ألا كوبية
لاكن أياني وياك تشري كمارو موستنج والشلة هاذي ماتسوى كل من جاه مع قريشان نط شراها:smilie20:
البورش حلو جدا صراحة والـTT الواقع جميلة انت أستخر وأدع ربك يكتبلك فيه الخير وخذ بالأسباب أطلب تجربة والله يوفقك أنشالله:xyxwave:

[a.a.o]

هلا اخوي

بس حبيت اعطيك معلومه بخصوص الكايمن سواء العاديه او اس

و بصراحه انصحك فيها لابعد درجه موتر اعتمادي و جودة و كلشش ماشاءالله

بس ! الاسعار الي حطيتها انت هذي اسعار الستاندر بمعنى انك تحط المواصفات الي تبيها و تفصل السياره من و الى و بيزيد السعر و من اسبوع تقريبا سعرت الكايمن اس فل اوبشنز طلعت 300 الف بس هذي مواصفات الوكاله للي مايبي ينتظر 3 شهور للمواصفات الي يحطها الشخص و بالاخير اقولك لا تفوتها ابد موتر ابداع

و اي خدمه تحت امرك

.
.

[D7EM]

ايوه كذا وضحت لنا الصورة :a1120(82):
أنا بنظري انت مايصلحلك ألا كوبية
لاكن أياني وياك تشري كمارو موستنج والشلة هاذي ماتسوى كل من جاه مع قريشان نط شراها:smilie20:
البورش حلو جدا صراحة والـTT الواقع جميلة انت أستخر وأدع ربك يكتبلك فيه الخير وخذ بالأسباب أطلب تجربة والله يوفقك أنشالله:xyxwave:

هههههههههههه حلوه كل من جاه قريشات نط وشراها
بس بجد حامت تسبدي من كثر ما اشوفها
صايره كثيرالوان و اشكال
ايه لابد من التجربه والله يعطيك العافيه حبيبي..

[D7EM]

هلا اخوي

بس حبيت اعطيك معلومه بخصوص الكايمن سواء العاديه او اس

و بصراحه انصحك فيها لابعد درجه موتر اعتمادي و جودة و كلشش ماشاءالله

بس ! الاسعار الي حطيتها انت هذي اسعار الستاندر بمعنى انك تحط المواصفات الي تبيها و تفصل السياره من و الى و بيزيد السعر و من اسبوع تقريبا سعرت الكايمن اس فل اوبشنز طلعت 300 الف بس هذي مواصفات الوكاله للي مايبي ينتظر 3 شهور للمواصفات الي يحطها الشخص و بالاخير اقولك لا تفوتها ابد موتر ابداع

و اي خدمه تحت امرك

.
.

انا ان شاء الله بروح للوكاله و بشوف كلش
وبشوف وش الفرق بين الساندر والفل
ومشكوور وما تقصر يا بعدهم..