محتار و آبي شوركم

[D7EM]

السلام عليكم ورحمه الله وبركاته


انا انسان ما اعرف للمقدمات
بس بصراحه بصراحه المنتدى آبهرني بالاعضاء اللي فيه
و والله اني ما سجلت الا عقب ما شفت وتصفحت قسم (( نادي السيارات الألمانية والأوروبية ))

حسيــــت بجد انكم بتنفعوني وبتقنعوني لانكم ناس فاهمه وتتكلم عن تجربه << عرفت هالشي من خلال تصفحي للمواضيع

فإليكم ما سأخبركم به:

انا انسان معي 240 الف
و ابي سياره بشرط تكون فل كامل
وفي بالي مرسيدس ولا ادري اي نوع لاني للحين ما رحت للوكاله بس بسالكم عن CLS 350

و jaguar xf 2012 << هذي يقول اللي في ناغي طريق الملك فهد انها بتنزل في شهر 11 بس مدري هجري ولا ميلادي

و bmw 5 series << وهذي مدري الصراحه احس ما خشت مخي احس بالاستحقار اذا شفت الـ 750

و الطوارق << معليش احس انه خاش عرض بس استحملوني

وطبعاً لو فيه سيارات ثانيه قريبه من سعري غير اللي قلت ما يمنع تقولون لي..


واللحين ابي رايك..؟؟


* للمعلوميه فقط تراني سنبوكه في السيارات يعني ما اعرف شي

احس اسم الموضوع سامج وينفع لعالم حواء خخخخخخخخخخ

[porsche fan]

هههههههههههههههههههههههه , شوف يا عيوني اول شئ يا عيوني <- كل تبن يا فوزية الدريع

المهم ناخذها حبه حبه

وفي بالي مرسيدس ولا ادري اي نوع لاني للحين ما رحت للوكاله بس بسالكم عن CLS 350

الـ CLS 350 الضاهر حتى الستاندر ما تجي بهالسعر , اقل نوع من الـ CLS الضاهر بـ 400 الف مدري ب 390 , المهم ان مستحيل تلقى CLS جديدة بـ 240

و jaguar xf 2012

والله السيارة أوكيه وانصحك فيها بكل شئ صراحة , واشوفها افضل سيارة بهالفئة بعد الأودي A6 طبعاً , سيارة فخمة جداً وشكلها رياضي ومميز ويكفيك انها بريطانية وشروها هنود هههههههههههههههههه

و bmw 5 series

شوف يا الغالي , الفئة الخامسة الجديدة سيارة فخمة وشبابية وجميلة جداً , لكن بما انك مو مقتنع فيها ما انصحك تاخذها , لأن اهم شئ قناعتك الشخصية قبل كل شئ , لو تشوف رولز رويس واكسنت وما عجبتك الرولز رويس وما اقتنعت فيها وعجبتك الاكسنت واقتنعت فيها خذ الاكسنت خخخخخ , لأن عن تجربه اذا انت مقتنع بالسيارة تماماً وحابها راح تتحملها وحتى وان استهبلت من فترة لفترة راح تصبر عليها لأنك تحبها ومعجب فيها

و الطوارق

الطوارق اوكيه والله , بس اشوف دامك دافع هالسعر ما ودك سيارة فخامة وشكل وتكنلوجيا واسم ؟ انا ما يرفع ضغطي بالطوارق الا سعرة الي فوق الميتين وهو يبقى فولكس واجن , مافيها شئ الفولكس واجن سيارة ممتازة لكن الي يدفع 60 الف يجيبها والي يدفع 200 يجيبها ؟ احسها قوية شوي


شوف يا الغالي انا لاحظت ان كل السيارات الي ذكرتها بالموضوع اشكالها رياضية , فواضح انك تبي شئ رياضي وفخم بنفس الوقت صح ؟ وكأنك ماتبي الكوبيه


طيب شوف يا الغالي , عندك اول شئ الأودي A6 واشوفها ملكة هالفئة لعدة اسباب , الاوسع خلفياً بفئتها , ومقاعدها اريح من المنافسين , الجلود المستخدمه فيها مريحة أكثر من المنافسين والكلام عن تجربه






هالسيارة لازم تروح الوكالة وتركبها حتى لو ما بتشتريها بس عشان تعرف وش معنى الأودي ومدى ابداع الألمان بصناعة السيارات , عطها فرصة ورح اركبها وصدقني راح تقتنع فيها قبل كل شئ



اذا ما عندك مشكلة بسيارات الكوبيه عطني خبر , وبهالمبلغ الي معاك تطلع سيارات كوبيه ورياضية مجنونة

[حازم HZM]

^^^^^

عطاك الزبده ومو اي زيده الا زبدة لورباك الاصليه ام 4 ريال ونص

http://t1.gstatic.com/images?q=tbn:A...FVBWMsuq4OWIUQ

[D7EM]

ياا عيووني شكلك خشيت جوو مع عاالم حوااء ههههههههههههههههه
بعدين يا كرهي لذا الانسانه..

الـ CLS 350 الضاهر حتى الستاندر ما تجي بهالسعر , اقل نوع من الـ CLS الضاهر بـ 400 الف مدري ب 390 , المهم ان مستحيل تلقى CLS جديدة بـ 240

مثل ما قلتلك تراني سنبوكه ما ادري وين الله حاطني فيه ولا لي في السيارات
بس ما فيه شي من مرسيدس بهالسعر..؟؟

والجاكوار هي اكثر شي خشش مخي وبعمق صرااحه تحس بالفخامه داخليا طبعا وخارجيا حلوه بعد

والـ BMW شلتها من راسي لانها كانت في طرف مخي ومسحتها عقب كلامك الجميل
بس اهنيـــــك على التشبيه..


الطوارق انا من البدايه قلت خشه بايخه فاعذرني

A6
جميله الصراحه ويبيلي اشوفها

شوف يا الغالي انا لاحظت ان كل السيارات الي ذكرتها بالموضوع اشكالها رياضية , فواضح انك تبي شئ رياضي وفخم بنفس الوقت صح ؟ وكأنك ماتبي الكوبيه

لا عاادي الكوبيه ليه لا وانا ودي بصراحه بس اخاف اطفش لان توني شبااب ولا ورااي بزراان اظفهم معي..

اذا ما عندك مشكلة بسيارات الكوبيه عطني خبر , وبهالمبلغ الي معاك تطلع سيارات كوبيه ورياضية مجنونة

حمستني يا الدكتوره فووز.. قل وش السيارات

وشااكر لك تجاوبك حبيبي..

[D7EM]

^^^^^

عطاك الزبده ومو اي زيده الا زبدة لورباك الاصليه ام 4 ريال ونص

http://t1.gstatic.com/images?q=tbn:A...FVBWMsuq4OWIUQ

مدام انها لورباك ما ابيها دنيماركيه..خخخخخخ

[porsche fan]

شف أول شئ يقولون بيبيعون سيارة غزال بـ 200 الف لكن بعد خمسين سنة وش رايك تصبر وتشوف ؟



والله شوف بالنسبة للمرسيدس , بهالسعر راح تجيب المرسيدس E واتوقع تقدر تجيب الـ E350 فل لكن بدون كت الـ AMG , مثل هذي






طبعاً المرسيدس E هي منافسة الـ A6 من أودي , طبعاً كل وحدة تتغلب على الثانية باشياء , الأودي A6 افضل من المرسيدس E بالمساحة الخلفية ومقاعد الأودي A6 انعم واريح من مقاعد الـ E , طبعاً هذا ما يعني ان الـ E مقاعدها قاسية , حتى مقاعد الـ E مريحة لكن مقارنتاً بالـ A6 فـ الأودي A6 أنعم , طبعاً المرسيدس E تتغلب على الـ A6 بمدري ايش , لكن اعتقد المرسيدس E تتغلب على الأودي A6 بالمحرك والله اعلم !
رأيي الشخصي انصحك بالـ A6 , لكن شوف الـ E بالوكالة وشوف وش تميل له اكثر



بالنسبة لسيارات الكوبيه فقول بسم الله ان بيغما عليك خخخخخخخ ..

أول شئ عندك الكبيرة والعملاقة والمميزة والفاخرة والجميلة والمبدعة والانيقة <- ،، البورش كايمن



هالسيارة بالذات بالذات الصور تظلمها , لازم تشوفها بالوكالة وصدقني راح تنسى كل سيارة ببالك , سعرها بالميزانيّة الي معاك ولا تفوتها , حتى داخليتها ممتازة لازم تركبها وتشوفها , واضافة الـ LED على الخلفية طالعة وحش اقسم بالله

واذا انت من عشاق السيارات المكشوفة , عندك البورشه بوكستر سبايدر ( لا تفهم غلط )




وفيه عندك يا الغالي من الاودي , الأودي TT








طبعاً فيه المزيد لكني تعبت , خلني اخذ نفسي وارجع لك خخخخخخخ
مبدئياً انصحك تروح وكالة الأودي وتشوف الـ A6 والـ TT
وتروح وكالة البورش وتشوف السيارات اعلاه

[D7EM]

يمممممه انت ما تمزززح ابدد

معليش بس توني ادري ان فيه انواع بورش بهالاسعار
والله انك فناان
البوورش شايفه شايفه الله لا يعوق بشر

والاودي TT حلوووه من جوا بس يبيلي اشوفها على الطبيعه اكيد لان في الصوره صاير شكلها غبي..صايره مفعووصه

بس تبي الصدق ولا ولد عمه توني اتاكد ملياار في الميه اني سنبوكه
توني ادري ان المبلغ هذا يجيب سيارات محترمه (( بما ان مالي في السيارات طبعاً ))

porsche fan انت احسن شي في الدنياا..

[porsche fan]

ترى الـ TT الي نزلت لك صورها موديل 2009 او 2010 ماني متأكد , طبعاً الداخلية الى حدٍ ما تشابه الـ 2011 , لكن انصحك تروح وتركبها ويمكن شكل الديكورات فيها ما يكون جيد لكنها مريحة بالجلوس , لكن من رأيي اهم شئ تشوف البورشه بالوكالة لأنها افضل من الـ TT بالاسم وبالشكل وبالاعتماديّة اهم شئ

بالتوفيق , واي استفسارات احنا حاضرين