زيت الدفرنـس .!

[MER]

السلآم عليكم ..

.

طلعت مآركيز الحمد لله من الصآلة موديلهـآ 2008 ..

.

ورحت آغير الزيت .. وقآلي الفلبيني لآزم تغير زيت الدفـرنس .. قآلي آسود وورآني آيآهـ .!!

.

وشـفته آسود قلت له غيرهـ .. وحط جهآز عنده ومدري وش يسوي آلمهم غيرتهـ بـ 105 ريآل ..

.

وشفت بعض الموآضيع تقول آنه مآ يغير وبعض الموآضيع تقول لآ يغير ..

.

وآنآ خآيف وآلله ..! هل هو يغيـر ولآ لعب علي الفلبيني ..!؟؟

.

[E.X]

واللهي اخوي اشوف انه ...مايحتاج له تغيير
وشي طبيعي يصير بهاللون
وسيارتك جديده 2008 يعني مايحتاج لها تغيير في هالفتره

اللي اعرفه انه اذا نقص يعني يزيدوه ..بس انه يتغير ماأعتقد
هذا مو زيت مكينه ... هذا دفرنس

[S N E E K]

في الاول والاخير اطمن اخوي طالما انت غيرته عساه ان شاء الله مايضر بسيارتك
بس هي كم ماشيه ؟ وبيني وبينك هذولي الفلبينين لاتطاوعهم في كل شئ ترى ماعندهم شئ
انا كل مااروح اغير زيت السياره يقعد يحاول يقنعني اسوي غسيل لماكينة السيارة وانا معطيه على راسه
وانت الحين طالما غيرته خلاص لاعاد تغيره مر تانيه بس شيك عليه اذا ناقص زيده وبس

[hayoulek]

عليكم السلام يا MER

صراحة ما قد سمعت بتغيير زيت الدفرنس
اذا ناقص تزيد عليه

وترى بعض البناشر او الورش تبغى فلوس باي طريقة بداعي ومن غير داعي
وطبعا كله من ظهورنا

وطالما غيرته اكيد مافي اي ضرر، كل مافي الموضوع حطيت زيت دفرنس جديد

لكن انا مستغرب ان السيارة موديلها 2008 يعني غالبا عمرها في حدود ال سنتين
ليش لونه اسود غريبة .. يمكن ما شية كثيييير ؟!!

عموما سويت طيب انك غيرته اكيد انه مفيد وما راح يضر

ومبروك عليك السيارة والله يعطيك خيرها ويكفيك شرها

[abo shLsh]

عادي لو غيرته ما عندك مشكله

لاكن تأكد من نوع الزيت اللي غيره لك لازم يكون مطابق لمواصفات الزيت الأصلي

[M~أمير بكلمتي~M]

للأسف الشديد عند الاغلبه نظرية في زيت الدفرنش انه فقط يزاد عليه وهي للأسف نظريه خاطئه

والسبب ان كل زيت له لزوجه معينه وتنتهي ويحتاج تغيير بشكل الزامي


عادي لو غيرته ما عندك مشكله

لاكن تأكد من نوع الزيت اللي غيره لك لازم يكون مطابق لمواصفات الزيت الأصلي

مثل ماتفضل فيه الاخ وكلامه صحيح ان الزيت لازم يكون نفس درجة لزوجة الي موصى فيها المصنع

ويغير كل 50 الف كيلو حسب لزوجة الزيت

طبعا السعر مقارب لأن الزيت قيمته 35 ريال وسيلكون غطاء الكارونه 20 - 25 ريال

وشغل يد لا يتجاوز 30 ريال لا غير

أخوكـ

[أبو بدور]

بالنسبة لزيت الدفرنس لازم كل 30000 ألف يتغير وأنا مغيره بالتشارجر على جدول الصيانة على 30000 ألف بالوكالة قالو كل ثلاثين لازم يتغير مأدري عن الماركيز أما بجدول الصيانة لازم يتغير على 30000 ألف

هذا بالقير الأتماتيك لكن بالعادي يزود تزويد

وعلى فكرة عندي السوبربان حق الوالد ماشي 160000 ألف كيلو وباقي حق الوكالة وكل مرة يصينه بالوكالة يقولو مايحتاج تغير

والأقاويل كثيرة ولا تخاف المهم الزيت يكون وكالة وفي النهاية ترى تغير الزيت مايضر السيارة بس المهم يكون وكالة 100%

[أنـــــس]

الكثير من الناس يقولون يتغير والكثير كذلك يقولون لايحتاج لتغيير .!!

لكن هل رأينا أي مشاكل من سيارات تجاوزت 200 ألف كيلو بدون تغيير زيت دفرنس؟؟؟؟؟

أبدا لايوجد أي مشاكل تستحق الذكر

لذلك أعتقد انه لاداعي لتغييره ..وبما انك غيرته فهو أفضل .


موفق

[forgivable]

أخوي على حد علمي أنه مايتغير

[hayoulek]

للأسف الشديد عند الاغلبه نظرية في زيت الدفرنش انه فقط يزاد عليه وهي للأسف نظريه خاطئه

والسبب ان كل زيت له لزوجه معينه وتنتهي ويحتاج تغيير بشكل الزامي

أخوكـ

كلام منطقي بصراحة


الكثير من الناس يقولون يتغير والكثير كذلك يقولون لايحتاج لتغيير .!!

لكن هل رأينا أي مشاكل من سيارات تجاوزت 200 ألف كيلو بدون تغيير زيت دفرنس؟؟؟؟؟

أبدا لايوجد أي مشاكل تستحق الذكر

لذلك أعتقد انه لاداعي لتغييره ..وبما انك غيرته فهو أفضل .


موفق

وكلامك كمان صحيح وما عليه غبار

-------------------------------------

يمكن تكون النتيجة النهائية
(( يفضل متابعة زيت الدفرانس بصفة دورية .. اذا في نقص يتم الاضافة عليه - واذا كان اسود او مستوى لزوجته غير مطمئنة يتم تغييره))
والله اعلم

[أبو ماجد البشري]

زيت الدفرنس لايتغير حسب الممشى ممكن حسب الزمن اللي مر عليه لأن له صلاحيه معينه كباقي الزيوت ’انا اواجه ناس معهم موديل 2000 لم يغيرون زيوتها ولم يحدث اي شي وترا كثير من زيوت السوائل غير ملائمه الزيوت الأساسيه هي الأصليه ,اما السيارات الحديثه مثل اليوكن والتاهو لها زيوت من الوكاله وقيمة العلبه 43 او 45 ريال وسعتها لتر واحد ..
اما الزيوت العاديه دمار على الدفرنس ,عموماً انا اتوقع انه إذا لم يمضي عليها كثر من 10 سنوات فلا داعي لتغييرها اما اللي يقول الوكاله ينصحون بتغييرها عند مسافه معينه ’هل هم يغيرونها مجاني؟ إذا كان كذا مافيه مشكله اما إذا كان بفلوس فأن الهدف الكسب المادي فقط,..

بالتوفيق للجميع

[MER]

يعني آن شاء الله مآ فيه خوف ..

.

بروح لمه بكرآ وبشوف وش نوع الزيت اللي حطه لي ..!

.

وممشى السيارة ،، تمت آليوم 90 آلـف كيلو .!

[ابو سعود 1]

ناس تقول يتغير وناست تقول لالالالالا
وهذا من جرت العادة
الزيت يتغير بس وقف وش نوع الزيت الي تحطة
اغلب السيارات الحديثة لها زيت تروس خاص وبالأخص زيت الترس الصناعي والموجود بالأسواق زيوت تروس عادية
يعني الفورد فية انواع للزيت التروس موتر كرفت 75دبليو90
80 دبليوا 90
75دبليوا140
وكلها جي ال5 زيوت صناعية خاصة تختلف عن الزيوت العادية فلو صببنا زيت عادي لحدث تأكل يزداد ببطء مع مرور الوقت لهذا تطلع عندنا اصوات في الدفرنس ونقول لاتغير زيت بس زد وهذا خطء
اذا وكيلك مايأمن زيت المصنع المذكور هنا لالالالالالالالالالالالالاتغير
اما اذا يوفرها فغيرة وبستمرار كل 20 او30 او 40
الدفرنس لايتقبل اي زيت الا بنفس المواصفات وهذي من باب الأحتياط يازيت المصنع او لاتغييييييييييييييييييير

[الخيال111]

حبيبي زيت الدفرنس لازم يتغير كل 50000كلم اذا تبي تحافظ على سيارتك وشكرا

[فورد الغامدي]

انا كل 6 اشهر اغير زيت الجربوكس ووجه الكارتير واسوي للمكينة زيت غسيل ولا فية اي مشكلة والحمد لله