قناة السيارات
السلآم عليكم ..
.
طلعت مآركيز الحمد لله من الصآلة موديلهـآ 2008 ..
.
ورحت آغير الزيت .. وقآلي الفلبيني لآزم تغير زيت الدفـرنس .. قآلي آسود وورآني آيآهـ .!!
.
وشـفته آسود قلت له غيرهـ .. وحط جهآز عنده ومدري وش يسوي آلمهم غيرتهـ بـ 105 ريآل ..
.
وشفت بعض الموآضيع تقول آنه مآ يغير وبعض الموآضيع تقول لآ يغير ..
.
وآنآ خآيف وآلله ..! هل هو يغيـر ولآ لعب علي الفلبيني ..!؟؟
.
واللهي اخوي اشوف انه ...مايحتاج له تغيير
وشي طبيعي يصير بهاللون
وسيارتك جديده 2008 يعني مايحتاج لها تغيير في هالفتره
اللي اعرفه انه اذا نقص يعني يزيدوه ..بس انه يتغير ماأعتقد
هذا مو زيت مكينه ... هذا دفرنس
في الاول والاخير اطمن اخوي طالما انت غيرته عساه ان شاء الله مايضر بسيارتك
بس هي كم ماشيه ؟ وبيني وبينك هذولي الفلبينين لاتطاوعهم في كل شئ ترى ماعندهم شئ
انا كل مااروح اغير زيت السياره يقعد يحاول يقنعني اسوي غسيل لماكينة السيارة وانا معطيه على راسه
وانت الحين طالما غيرته خلاص لاعاد تغيره مر تانيه بس شيك عليه اذا ناقص زيده وبس
عليكم السلام يا MER
صراحة ما قد سمعت بتغيير زيت الدفرنس
اذا ناقص تزيد عليه
وترى بعض البناشر او الورش تبغى فلوس باي طريقة بداعي ومن غير داعي
وطبعا كله من ظهورنا
وطالما غيرته اكيد مافي اي ضرر، كل مافي الموضوع حطيت زيت دفرنس جديد
لكن انا مستغرب ان السيارة موديلها 2008 يعني غالبا عمرها في حدود ال سنتين
ليش لونه اسود غريبة .. يمكن ما شية كثيييير ؟!!
عموما سويت طيب انك غيرته اكيد انه مفيد وما راح يضر
ومبروك عليك السيارة والله يعطيك خيرها ويكفيك شرها
عادي لو غيرته ما عندك مشكله
لاكن تأكد من نوع الزيت اللي غيره لك لازم يكون مطابق لمواصفات الزيت الأصلي
للأسف الشديد عند الاغلبه نظرية في زيت الدفرنش انه فقط يزاد عليه وهي للأسف نظريه خاطئه
والسبب ان كل زيت له لزوجه معينه وتنتهي ويحتاج تغيير بشكل الزامي
مثل ماتفضل فيه الاخ وكلامه صحيح ان الزيت لازم يكون نفس درجة لزوجة الي موصى فيها المصنعالمشاركة الأصلية كتبت بواسطة abo shLsh
ويغير كل 50 الف كيلو حسب لزوجة الزيت
طبعا السعر مقارب لأن الزيت قيمته 35 ريال وسيلكون غطاء الكارونه 20 - 25 ريال
وشغل يد لا يتجاوز 30 ريال لا غير
أخوكـ
بالنسبة لزيت الدفرنس لازم كل 30000 ألف يتغير وأنا مغيره بالتشارجر على جدول الصيانة على 30000 ألف بالوكالة قالو كل ثلاثين لازم يتغير مأدري عن الماركيز أما بجدول الصيانة لازم يتغير على 30000 ألف
هذا بالقير الأتماتيك لكن بالعادي يزود تزويد
وعلى فكرة عندي السوبربان حق الوالد ماشي 160000 ألف كيلو وباقي حق الوكالة وكل مرة يصينه بالوكالة يقولو مايحتاج تغير
والأقاويل كثيرة ولا تخاف المهم الزيت يكون وكالة وفي النهاية ترى تغير الزيت مايضر السيارة بس المهم يكون وكالة 100%
الكثير من الناس يقولون يتغير والكثير كذلك يقولون لايحتاج لتغيير .!!
لكن هل رأينا أي مشاكل من سيارات تجاوزت 200 ألف كيلو بدون تغيير زيت دفرنس؟؟؟؟؟
أبدا لايوجد أي مشاكل تستحق الذكر
لذلك أعتقد انه لاداعي لتغييره ..وبما انك غيرته فهو أفضل .
موفق
