مشكلتي مع السوناتا ,,

سوناتا2005 @user_33782 · 02-01-2007

السلام عليكم ,,,,
سيارتي سوناتا 2006كنت مسافر عليها وكان الجو عج وغبار وكنت أهدي إلى80كم وأسرع إلى120كم

وفجأه طفت:confused: وأنا أمشي100كم , ووقفت وشغلتها مره ثانيه وأشتغلت عادي , لاكن كانت مولعه
(إشارة وجود خلل) CHECk ومشيت تقريبا 50كم وبعدين طفت علامة CHECk .

وش المشكله ؟ وش الحل ؟

هل الغبار وقوة الهواء لها دخل في المشكله (خاصه إنها كانت بعكس إتجاه السياره) ؟
هل السرعه والتخفيف في السرعه يظر السياره ؟
هل إختفاء العلامهCHECkدليل على إنتهاء المشكله ؟
السياره الأن مافيها شي ,
لاكن أنا أسافر كثير وخايف !!!!!
ومحتار أوديها الوكاله أو لا خاصه أنها مازالت تحت الضمان ؟

salehhd @user_17805 · 04-01-2007

السلام عليكم

غالباً سبب الخلل هو دخول غبار الى حساس الهواء الموجود عند البخاخ

ففي حال دخول كمية اوساخ او غبار زيادة عن المعدل الى هذ الحساس يقوم بأطفاء المحرك لحمايتة من دخول هذه الاتربة والاوساخ الى غرفة الاشتعال
وهذي موجودة في السيارات الي دعسبة البنزين اللكترونية

saymyname @user_11518 · 04-01-2007

^^صيانتهم غالية على ايش مادري !!! يعني مقارنة بسعر السيارة اشوفها كثيييير ، حتى الالنترا الصغيرة ياخذون عليها شئ وشويات !!

عبداللطيف جميل كم ياخذ على صيانة الكامري مقارنة بالسوناتا؟

سوناتا2005 @user_33782 صاحب الموضوع · 03-01-2007

مشكورين جميعا على الردود ,,

وديتها للوكاله وسويت لها صيانه شامله ب354ريال

طبعا هي ماشيه17500
وأنحلت المشكله ولله الحمد .

بس ليه يأخذون مني 354وهي تحت الضمان !؟؟

عذب الاحاسيس @user_15092 · 03-01-2007

غير الزيت وفلتر الزيت وفلتر الهواء

شكله انسد فلتر الهواء مع الغبار

تحياتي

مرور الكرام @user_19151 · 03-01-2007

عزيزي صاحب الموضوع أنا أملك سوناتا 2006 فل أوبشن 4 سرندل

وكنت قد سافرت إلى مكة والمدينة وأنا في طريق العودة من المدينة الى الرياض وفي الحناكية تحديداً

وقفت لأزود السيارة بنزين وكان الجو غبار شديد

وبعد أنا تعديت المحطة بمسافة قليلة طفت علي السيارة ..!!!!!!

ووقفت بجانب الطريق وحاولت تشغيلها وأشتغلت وفحصت السيارة كل شي طبيعي ولا يوجد أي تهريب أو أي سي آخر

توكلت على الله ومشيت ولكن المفاجأة أن السيارة لا تتعدى سرعة 120 أي أنها تفصل عند 120

وعند وصولي إلى القصيم أطفأت السيارة لأداء الصلاة ثم عادوت أشغلها وأشتغلت وعاد كل شي طبيعي

حيث أن لمبه في الطبلون كانت مضاءة مثل ما قلت ولكن ناسي وش هي !!

عادي طفت اللمبة والسرعة تتعدى 120 وكل شي طبيعي ..

وواصلت حتى الرياض وثاني يوم الصبح على الوكالة على طول

وقال هذي عادي تصير لما يكون الجو غبار ودخلتها صيانة 10000 وقالوا السيارة ما فيها شي

ولها الآن معي أكثر من السنة والسيارة ماشية زي الحلاوة (ماشاء الله)

وسافرت عليها كم مرة وكل شي طبيعي

ولا أعلم هل السبب فعلاً من الغبار فقط

ولكن دام أنه المشكلة تكررت بكذا سيارة فأعتقد أنها مشكلة عادية

وعلى فكرة سيارتي الآن ماشية تقريباً 35000 كم

وأي استفسار أنا حاضر .......................................................

saymyname @user_11518 · 03-01-2007

نفس المشكلة صارت مع اخوي ، والغريب في الامر ان اول مايغير الزيت تختفي هالمشكلة !!!

وديها الوكالة طبعا واعتقد مرت عليهم هالمشكلة من قبل..

XXXSAMIXXX @user_40685 · 03-01-2007

افحص الكمبيوتر عند الوكالة.

وان شاالله بسيطة.