ماهي افضل طريقه لحماية واجهة السياره

الحل الافضل والارخص والاسهل انك تحط فيري وتمشي 60 واول ما توصل تغسلها <<<<< غير هذا الحل مافيه

انا اروح للدوام يوميا 80 كيلو وطريق الدوام دائما عج وغبار

جربت كل الحلول ولاحظت انها ماتنفع الا اذا مشيت 60 بس

اذا بتسرع حتى لو انك حاط فيري او برقع او شحم او تغبيره بتتاثر السياره بتنعج القزازه الاماميه والجنوط والراديتر احتمال ينشق ويهرب

المهم افضل حل هو الفيري واسوأ حل هو البرقع لانك اذا كنت ملبس برقع راح ينعج مكان الشبك لان الرمل راح يمر من البرقع وراح ترمل الانوار لان البرقع يتحرك مع الخط وبيدخل بين البرقع وبين الانوار شوية رمل ومع حركة البرقع مع الهواء راح تصير عملية صنفره للانوار وبالتالي ماراح تكون استفدت شي منه

تحياتي

اخوي المساهم

مركز الجودي في الدمام

وبالتحديد غرب الدمام شارع الضغط العالي عرفته ؟

افضل شي شمبو الشعلان الاحمر

خفيف ولا يشهب بالبويه

تحياتي

الله لا يهينك يافكتوري وين مكان محل الجودي

انا افضل البرقع او الفيري افضل من غيرها

التغبيره تروح من العج وينعدم عليك وجه السياره ولا افضلها وانصح بعدم استخدامها ابداااااااااااااااااااااااااا


اسالوا مجرب ولا تسالوا طبيب

انا الي اعرفه ان الفيري احسن لاكن لا يطول على السياره

يعني اول ما توصل بالسلامه غسله بأسسرع وقت ولا يأكل علييك البويه

من جهتي اشوف انها غالية

يعني كل طلعه تدفع 50 ريال


يعني زي اهل الشرقية معاناه مع الغبار .................

لا شكر على واجب:confused:

الي فهمته منك انك متضايق من البرقع لأنه يرفع حرارة السياره

وبعد من الفيري لأنه يبهت بلون السياره مع الوقت

وبعد الرشه الترابيه الي تغير ملامح السياره وبعد مرور الوقت عليها تضيف بقع صغيررره لكن كثيره على بدي السياره

انا كنت اعاني مثلك الى ان وجدت الحل الفعال والمجرب


الحل : حماية الشفافة ضد الرمال وحشرات الطريق



مادة سائلة شفافة تتحول بعد رشها إلى طبقة بلاستيكية شفافة تعطي حماية للسيارات ضد الرمال، ويسهل إزالتها بالماء أو قشرها باليد.



مميزات المادة:
1. أفضل مادة مكتشفة لحماية السيارة ضد العواصف الرملية.
2. سهولة إزالة المادة بالماء مع أنها تعطي لمعان واضح بعد غسلها، كما يمكن إزالتها عن طريق قشرها باليد.
3. صنعت هذه المادة خصيصا لحماية السيارات من طلاء وزجاج وبلاستيك، وبذلك فإنه ليس لها أي آثار سلبية في الاستخدام.
4. خاصيتها الشفافة تعطي وضوح للرؤية أثناء رشها على الزجاج ولا تؤثر على إنارة شمعات السيارات أثناء القيادة ليلاً. كما لا يتغير الشكل الخارجي للسيارات أثناء رش المادة.

وقيمة رشتها ب50 ريال عند الجودي

اتمنى اني افدتك تحياتي

اخواني بالنسبه للبرقع احسن شي

والي يقول يكتم السيار كيف يكتمها وفيه شبك قماش في وسط البرقع على منطقة الشبك الامامي

والله معي وكل ماسافرت حطيته والله العظيم انه قوي والحرارة نفسها بالبرقع او بدون

الفيري يشهب بالوجهيه والرشه غبيه ولاتسوي شي لانها ماتحمي الا البويه نوعا ما والا الشمعات معرضه للتشهيب



انا معي كامري والله اني احط البرقع زي الحلاوة و ما خليت ديرة والشمعات والله تقول وكاله لانها محميه بالبرقع بالبلاستيك.


واذا بغيت تفصل روح للسماعيل في الغرابي واهم شي يسوي لك ثلاثي على الكبوت عشان يثبت صح

مشكوورين ويعطيكم العافيه

انا بشوف افضل شىء نوع من البلاستك شديد المقاومة للاحتكاك غلى شكل رولات تلصق على اى مكان خارج السبارة بما فيها الزجاج الامامى تنولوجيا حديثة ولاكن مكلفة ولاحظ ال بى أم دبليو الجيب تجى معاها بس نصف الغطاء الامامى وهو نوع شفاف جدا وقد يصعب ملاحظتة ....انا بشوف انة الافضل والاجمل والاقوى ومستمر مع السيارة الى الابد

في ناس يستخدمون شحم او زيت .

وفي ناس يدهنون وجهية السيارة فازلين .

وفي ناس يحطون ملمع البدي الناعم العلبة الصفرا ابو عشرة ريال .

بس مادري مدى جدوى هذي الطرق اللي ذكرتها .

السلام عليكم....................
أفضل حاجة هي البرقع لحماية واجهة السيارة مماثلة لما كانت عليه
ولاكن عيوبه هي الحرارة وخصوصا على الجمس 454 و8100 تشوف عداد الحرارة على 3/4 خصوصا في المدينة وأما في الخط فالحرارة طبيعية فيه
وأيضا تركيبه صعب قليلا
تحياتي

اخوي سمعنا عن الفيري كثير بس فيه اشياء ثانيه تكون مخصصه للحمايه اما الفيري مصنوع لغرض ثاني ومو معقول انه راح يفيد بدون مايضر ولا اتوقع انه راح يعطي نتيجه زي الي مصنوعه للحمايه واتمنى الإفاده.

اخوي وش قصدك ان التغبيره ماتفيد يعني هل وجودها مثل عدمه او انها ماتحمي البويه ؟

وعليكم السلام و رحمة الله و بركاته

هذا الموضوع مشابه لموضوع سابق تناقشنا فيه ولكل حسنات و سيءات و يبقى الصابون الفيري هو الافضل بنسبة لي شخصيا

و الرش بطبقة حتى تجف ومعاودة الرش مرة اخرى شي جيد ويعمل طبقة سميكة

شكرا عاشق الالماني ..

بس انا اسمع ان الفيري او اللوكس يأثر في البوية ولا لا ؟؟