*-* قائمة ملاك هيونداي ازيرا *-*

الله يعطيك خير ويكفيك شرها


مبروووووووووووووووووووووووووووك



تحياتي لك

طيب ياشباب ياليت واحد يعطينا أنطباعه في هذا الموضوع
http://www.assayyarat.com/forums/showthread.php?t=82347

طيب أنا معي ماكسيما ماينفع أنظم ألى القائمة


.

السلام عليكم............
مبروك عليك جوهرة هيونداي
بس الظاهر أنت الوحيد بالمنتدى عنده أزيرا
المهم كيف الثبات معك
وخصوصا بالطريق السريع يعني الشاحنات تأثر فيك زي الياباني ولا ماتأثر زي الألماني؟؟؟؟؟بصراحة
وكيف نظام ESP عندك كذا أكيد عندك مشكلة فيه
على العموم إذا طفيت النظام وكتمت الدعسة هل السيارة تحفر في محلها؟؟؟؟؟؟
أخوك أبو عبدالعزيز

السلام عليكم..........
الله يوفقك فيها
بس عندي كم سؤال أخوي:
1- هل الدركسيون إلكتروني مثل كيا أوبيروس؟
2- هل توجد ستائر خلفية جانبية؟
3- هل يوجد صندوق تبريد؟
4- كمدة كفالة السيارة؟
5- أخيرا هل توجد شاشة معلومات مثل الأوبيروس؟
اخوك الطروقي

كامريو الله ياخوك مهيب اول سيارة اشتريها ترى :D اعرف اذا كان النظام مصكر و الا لا اذا كان مصكر يطلع عندي بالطبلون (ESP Off) شكل سيارتي فيها لحسه

EF Sonata
امم اعتقد انه صوت الهواء اللي يضرب بالسيارة .. بس عموما هو الصوت مو محسوس فيه

تويونداي
و عليكم السلام ورحمة الله وبركاته
ودي اقول لك في البداية ان اسمك فله
شف من ناحية السيارة تخشش المخيخ فيه تخش و تسرق المخيخ يعني اول ما شفتها عجبتني و مسحت الافالون من راسي لاني كنت حاجز افالون اسود .. عموما نصيحتي لك شف اللون الاسود الجديد اللي في الوكالة خيااال و افضل بكثير من العودي (حقي) حتى الجلد من داخل لونه اسود و تخشيبته مرره حلو رح للوعلان على الدائري الشمالي بتحصل هناك ازيرا لونها اسود و بصراحه خطيره

شف منب كاذب عليك ابد الافضل انك تطلب تجربها قبل ما تشتريها رساوتها ممتازه ما اقول لك مثل الفولفو او البي ام لكنها ممتاز و صوت المكينة بدون اي مبالغه مثل اللكزس LS و المثل يقول (اسال مجرب و لا تسال طبيب) و زي ما قلت الاربعين الف خلها للزوم العرس :D

saymyname ssو الله ياخوك ما ادري بس يقول لي واحد في الوكاله ان الامارات و الكويت نزلوا ازيرا بالنسخة الامريكية

و الله اعلم

و اعذروني على التاخر بالرد

لاحظت ان النسخة الامريكية اقوى من الي عندنا....محركها 3.8 لتر V6 وبقوة 263 حصان...وحسب ماذكر السيارة تسارعها جبار من 0-100 في 6.5 ثانية

السلام عليكم

تويونداي --->اختصار تويوتا+هونداي (لزوم اللي يستغرب الإسم ويقول من وين مألف هالإسم) :rolleyes:

يسعدني مشاركتم في هذا المنتدى المفيد.

بداية أشكر الكاتب AZERA على هذا الموضوع لأنه دق على الوتر|6|

حاليا اخوكم يدور له سيارة مريحة وجذابة وآمنة بعد حفظ الله وكان راسه الا يطلع أفالون بسبب لا يخفى على الجميع وهو توفر جميع الميزات المرغوبة من جاذبية وقوة وامكانيات مما جعل الجميع يصنفها ضمن السيارات الفارهة والعجيب رخص ثمنها تقريبا مقارنة بمثيلاتها. (ولو أني أشك في ذلك حاليا ماعدا سيارة واحدة ;) )

أثناء زيارة خاطفة لهونداي فوجئت بالجوهرة الملقبة بأزيرا ؟! (قلت انا بهونداي والا غلطان :eek: ) قعدت اناظر واتفحص واسأل عن هالسيارة فوجدتها بالفعل منافسة وبقوة من جميع النواحي. جاذبية, تصميم, وسائل امان عالية, قوة, سعة, والأهم من ذلك رخص الثمن (فل كامل تفرق 40 ألف عن الأفالون) لكن ينقصها كمبروطر:rolleyes:(كمبيوتر)

الصراحة خشت عرض بالمخيخ بالرغم من التخوف من اسم الشركة ولكن قلت خل عنك كلام الناس هالشركة مستقبلها زاهر والدليل انها السنة الماضية كانت أكثر السيارات مبيعا في أمريكا وحصلت على جائزة الأمان فضلا عن سمعتها الحسنة خلال السنتين الماضية وقلت خلني اوفر 40 ألف للزواج;)

و لكن من باب اسأل مجرب ولا تسأل طبيب أتمنى إعطاء فكرة واضحة عن السيارة بصورة عملية رساوتها وقوتها وهل هناك مشاكل حتى الآن؟ أرجو الإجابة منك أو ممن يمتلك هذه السيارة قبل لا نخربها و نحجزها.
ووش رايك باللون الأسود اللي بالعرض وخاصة انه موضح خطوط الكروم والجنوط وتكون الداخلية بيج وتخشيبة عودي فاتح, وأخيرا ودنا لو تنزل لنا صورة اللون العودي اذا ما عليك كلافة لأنهم يقولون هاللون أفضل.

وشكرا

صوت تنسيم ولا صوت الهواء إلي يضرب بجسم السيارة ؟؟؟ لأنه في فرق بينهم :)

ماقلت لنا اش هالطلبات البسيطة ؟

وهل بمقدورك طلب السيارة مع شاشات ولا صعبة !!

aboodzz
الله يبارك فيك .. و بالنسبة لسعر السيارة اخذتها بـ82 الف ريال من الوعلان مع طلبات بسيطه :) حجم مكينتها 3,3 لتر

كامري
هلا و غلا
الله يبارك فيك و تسلم على دعاءك .. بالنسبة لسؤالك الاول و الله السيارة من ناحية المطبات مريحه للغايه و من ناحية السيارة ممتازه و مالها صوت ولا حس يعني لدرجة بعض الاحيان يكون معي بعض الاصدقاء وانا مشغل السيارة يقولون لي وراء ما تشغل السيارة :D (ما شاء الله)

بالنسبة لمشاكلها و الله لحد الآن ما واجهتني مشاكل غير في جهاز الإنذار ما ادري ليش ما يشتغل احتري الصيانة الجايه تجي عشان اخليهم يشوفون وش مشكلته ؟!! و فيها مشكلة غريبه صراحه انه اذا كنت مهدي و كنت مشغل نظام التراكشن (ESP) و دعست البنزين على الاخر مره وحده تبدا تروح السيارة يمين و يسار شوي لكن اذا فصلت نظام الحماية تمسك خطها و ما تلف لا يمين ولا يسار !! (غريب صح ؟!!)

اما تنسيم الهواء خفيف مرره و كان عندك مرسيدس شبح فهو نفس العزل الصوتي حقه تقريباً يعني تنسيم خفيف مره و ما تقدر تلاحظه لو كنت مشغل المسجل و حاطه على درجة 1 يمكن لان مسجلها قوي ما لاحظت ما ادري الله اعلم |5|

و ان شاء الله قريبا انزل لكم صور السيارة و قومات لها مع كراون فكتوريا سبورت (معدل) و لكزس ES300 و كم سيارة بإذن الله تعجبكم :)

اخوكم
Azera

الف الف مبروك ويعطيك خيرها ويكفيك شرها يقولون السيارة ممتازة بس من عيوبها انها فيها تنسيم هواء خاصة مع السرعات العالية هل هذا موجود وياليت تحدد حجمة يعني مقبول او مزعج شوي او مزعج مرة وتقبل فائق احترامي وتقديري

مبروك على السياره ولا تسرع مرة ثانيه
بس كم سعرها ؟ وش حجم مكينتها ?<<<<<<يبغى يشتري سياره ..

جزاك الله خير اخوي سراب الود

و الله يبارك فيك ان شاء الله

بالنسبة للزجاج الملون يعني اذا جت الشمس على السيارة يتغير لون الزجاج تقريباً للون ثاني مثل الشبح و الفياجرا و هذي السيارات

اما السرعه ما عليك خلاص توبه :)

الله يعطيك خيرها ويكفيك شرها
والف الف الف مبرووك سياره حلوه
وحبيت استفسر عن الزجاج الملون وش لون يعني؟؟؟؟
ولا عاد تتعودها السرعه مافيها خير !!!!!
اخوك
سراب الود