أشتري ... أم ... استأجر ؟؟؟

A.S.K @user_4743 · 27-06-2005

تحية صيفية طيبة للجميع...

أود استشارة أخواني في موضوع ترددت فيه طويلا - حوالي شهر -

أملك سيارة أفالون و رغم مرور أربع سنوات من عمرها إلا أنها بفضل الله نظيفة ، و لا أفكر التفريط فيها ،

في هذه الصيفية أود القيام برحلات سياحية عائلية ( كلنا خمسة أفراد ) ...

فكرت في شراء يوكون 2005 ، لكن سيسحب مني مبلغ 117.000 مما سيؤثر على اسثماراتي ....

فكرت في شراء يوكون مستعمل و بعد الإجازة أبيعه ، لكن الوقت الحالي عليها سحب من المعارض يعني غالي و بعد الإجازة راح ينزل السعر ....

فكرت في استئجار يوكون 2005 لمدة شهر ، و راح يكلف 9000 فقط ....

أي اختيار يمكنك أن تساعدني في اعتماده ... ؟؟؟

ماجناوي @user_17968 · 30-06-2005

توكل على الله وخذ السيارة ايجار
وللمعلومية يا اخوان السيارة اذا كانت ايجار لمدة شهر او اكثر الكيلومترات تكون مفتحة مو محددة

اجازة سعيدة

BLACK R/T @user_12164 · 29-06-2005

والله وانا اخوك اقترح عليك انك تروح بالافالون

اول شي السياره انت تعرفها وضامن ان ما فيها خرابات

وبعدين على كلامك انكم خمسه يعني الافالون تشيلكم بالراحه ولا يخفى عليك اذا كانت عائله بيكون فيها اطفال يعني السياره بتكون وسيعه

وبالنسبه للتأجير انصحك تبعد عنه وخذها قاعده ان سيارات التأجير معدومه وبقوه واسأل مجرب (( الا بعض المحلات المحترمه يمكن تحصل عندها سيارات جديده ))

وبدال ما تخسر 9000 تأجير حطها في تغيير كفرات اذا كانت كفراتك معدومه ولا ضلل في كول علشان ترتاح من حرارة الجو والباقي حطه بجيبك

اخوك s.a.3

الصابونة الحمرا @user_10267 · 29-06-2005

ا

الاآآمبراطور

خمسه في افلون

تشيلهم بريح الرراح

خلك من الايجارات لان 9000 في سياره شهر بس والله غبنه
يعني لو افترضنا ان الايجار با 10000 في الشهر يعني بيكسب اكثر من سعره با سنه !!

كلام 100% وصراحة حرام 90000 في شهر

ولا تنسى انك 100% راح تدفع قيمة كيلوات زيادة

Don't try @user_16041 · 28-06-2005

خمسه في افلون

تشيلهم بريح الرراح

خلك من الايجارات لان 9000 في سياره شهر بس والله غبنه
يعني لو افترضنا ان الايجار با 10000 في الشهر يعني بيكسب اكثر من سعره با سنه !!

عذب الاحاسيس @user_15092 · 28-06-2005

غير كذا التاجير ماراح ياخذ بس الايجار اليومي

لك حد يومي من الكيلومترات اذا تعديتها يحسب عليك غير قيمة الايجار اليومي

نصيحة اكرف الافالون والحمدلله

ووفر قيمة الايجار

تحياتي

مطفي النور @user_10866 · 28-06-2005

انصحك يا اخوي لاتستاجر ولا تشتري .. عندك الافلون عطيت الله.. اذا مانفعت الوقت هذا متى تنفعك؟

A.S.K @user_4743 صاحب الموضوع · 28-06-2005

الأحبة الكرام

Caprice / أبـوأسـد / السنيور7

شكرا لمداخلاتكم و إضافاتكم القيمة ،،،

دمتم بخير ،،،

السنيور7 @user_18540 · 28-06-2005

استاجر بس تكون ماشية

اقل من 40 الف عشان الجمس مشاكلة كثيرة في الخط

انتبه للفرامل

سلامي

أبـوأسـد @user_15810 · 28-06-2005

والله أخوي ودي أنصحك بالمستعمل أو الجديد ما أدري
بس أحب أقولك معلومة مهمة جدا وهي
أذا بتدور يوكون مستعمل صراحة بتاخذ وقت طويل على أنك تجد واحد نظيف ولا فيه مشاكل
لان أغلب اليوكون الي في السوق حاليا مهب نظيفة وأذا لقيت نظيف لقيت سعره ناااااااااااااااااار
ويمكن يكون فيه خرابات وكذا وتقعد تصلح في سفرك وتنشغل به يعني أرى أن فكرة الأيجار مدام عليه تأمين ممتازة

أخوك أبوأسد

Caprice @user_9992 · 28-06-2005

استأجر وخل عليه تأمين شامل والزيادة بسيطة (حدود 30 ريال لليوم)
ولكنها تريحك مرررة والمحل مايقدر يفتح فمه بشي اذا رجعتها

وانصحك بالمحلات المعتبرة مثل بدجت والمفتاح وهيرتز

وخاصة بدجت محترمين من جد

A.S.K @user_4743 صاحب الموضوع · 28-06-2005

أخي / أكورد وبس يعطيك العافية ...

معلومة بسيطة عن سيارات التأجير ((((( عليها تأمين )))))

يعني تطلع منها زي الشعرة من العجين - حسب علمي ،

عموما أحد أصحابي الآن مستأجر سيارة من نفس المحل اللي ناوي أخذ منه ..... و بعد ما يرجع نشوف وش يصير ،،،

أكرر شكري و تقديري ....

أكورد وبس @user_7944 · 28-06-2005

لالالالا

فر من الإيجار فرارك من الأسد

الإجار للشغلات البسيطة ممتاز ، يوم يومين ، أسبوع ن لكن شهر ، وسفر ، أحس إنك بتتوهق

لأن أحاب محلات التأجير ما يرحمون ، يقول لك 9000 ، وإذا رجعتها طلع لك ألف مشكلة فيها ودفعك قيمتها ، بالإضافة إلى إنك بتتوهق لو حصل لك عليها حادث لا قدر الله ، مو مثل لو كانت سيارتك

أنصحك نصيحة لوجه الله ، اشتر لك مستعمل ، وبعه إذا رجعت أفضل لك من الإيجار

بعدين ، ممكن يعجبك الموتر ولا تبيعه أصلا

فكر واستخر وشاور ناس أكثر خبرة مني والله يعينك :)

A.S.K @user_4743 صاحب الموضوع · 27-06-2005

الأحبة الكرام

Sclass 4 Ever / MarzoQ / waleed4w / عذب الاحاسيس

شكراً لاهتمامكم و مروركم ،

من خلال طرحكم و آرائكم يتضح أن الخيار المثالي هو الاستئجار ....

أكرر شكري و تقديري لكم ،

عذب الاحاسيس @user_15092 · 27-06-2005

اشتري مستعمل احسلك

بس انتبه انت تبي تسافر بكرة يجيلك يوقف في الطريق وتبتلش

او انك تشتري سيارة عائلية اذا كنت مقتدر

السوبربان 2005 فل كامل ماعدا جلد ب109 الاف

تحياتي

waleed4w @user_18798 · 27-06-2005

والله اشوف لو تشتري واحد مستعمل وتبيعه بعد الاجازه مباشره ماراح تخسر الا 3000 الى 6000 ريال بلكثير

طبعا هذا اذا حصلت واحد نظيف

واذا انت مستعجل وبتريح راسك خذ لك ايجار واعتقد انك بتحصل ب7500 ريال

M.A.D about u @user_4452 · 27-06-2005

انا انصحك تستأجر

اول شي لو تشتريه من الوكاله وتنزله المعارض جدييييييد بينزل فوق 9 الاف

استأجر بس دور موديل جديد علشان ما يبلشك بسفرك

اخووووووووووووووووووك مرزووووووووووووووووووق

Sclass 4 Ever @user_19896 · 27-06-2005

استاجر

لانه لو تشتري يوكون وتبيعة يمكن ينقص سعره اكثر من 9 الاف

او تشتري واحد كرت صعبة عليك زي ما تقول

فكرت في استئجار يوكون 2005 لمدة شهر ، و راح يكلف 9000 فقط <<<< تمام