المرة هذي أبكتب رد مناسب لك ، مع إنه ما له داعي ، بس عشان ما يقولون إني ما عندي سالفة
سياسة الشركات ما تعني إني لازم أنزل سيارة إذا نزلوا الناس سيارة
وكون هوندا ما عندها سيارة جديدة سيدان بين حجم الأكورد والليجند فما له داعي إننا نقول ليش ما تنزلون سيارة !!
عجيب والله ، ا يعني بالغصب يغيرون شكل الأكورد الحين وإلا يخترعون سيارة مثل الأفالون
هذا شي ، الشي الثاني ، عبدو هاشم مسوي عروض على السيفيك استعدادا لتنزيل الشكل الجديد والجيل الجديد من السيفيك ، مب لازم في نفس الوقت اللي نزلت فيه وكالات ثانية سيارات جديدة ينزل عبدو هاشم سيارة مثلهم ، وإلا أنا غلطان
الشي الثالث ، لو نظرنا للشركة ككل ، كان لاحظنا إن عبدو هاشم نزل الشكل الجديد والجيل الجديد من السيارة العائلية التحفة ، أوديسي ، وهذا بحد ذاته شي جديد في الوكالة ، وسيارة جديدة لها وزنها السابق في السوق
وإلا لازم المنافسة تكون في السيارات الشبابية :D
أمر آخر ، بعد سنة تقريبا ، راح تنزل الليجند الجديدة إن شاء الله ، وإلا لازم تنزل الحين عشان الحمراني وأبو جميل نزلوا سيارات جديدة :D
أمر أخير ، الوكالة لا تعتمد على بيع السيارات الجديدة فقط ، لكن لها خدمات صيانة متفوقة حتى على أبو جميل ، بشهادة أصحاب سيارات تويوتا اللي جربوا عبد الله هاشم ، ولا أدل على ذلك من برنامج الصيانة المجاني السنوي
أنا متأكد إنك بتنسف كلامي على جنب وتقول ، لكن لازم عبدو هاشم ينافس الوكالات الثانية ، وش نسوي لك
