هل ستكون هوندا في المنافسة ؟ ( أنا حتى الآن أراها خارج المنافسة )

السلام عليكم والرحمه :::
كلامكم جيد ....... الاخ العزيز كلبليتر شركة ميتسوبيشي شركة عريقه وقديمه جدا اول شركه يابانيه متكامله شركة للسيارات للطائرات للمحركات لقطع سيارات اخرى للمكيفات للمصاعد (( تلفريك واللفت )) شركه متكامله والسيارات فرع للشركه قسم السيارات في ميتسوبيشي بالسعوديه ينقصها الدعايه القويه و المواصفات العاليه لسياراتها فقط .
مع العلم ان ميتسوبيشي في الخارج سمعته قويه جدا ولسياراتها مواصفاات راقيه جدا لكن العيب بالوكيل ........
عموما انت تسأل : هههه شسالفتهم مسوين كل شي اجل لو تروح اليابان شتسوي كل الي قبالك ميتسوبيشي حتى الاقلام الي تكتب فيها من شركة ميتسوبيشي , انا اقولكم ياشباااب افتح كبوت الكامري وشوووفوا وش مكتووب في السيور سيور الكامري (( صناعة Mitsubishi company )) شركة ميتسوبيشي تصنع كل شي شركه متكامله , وهذا اهو السبب الي يخلي في بعض الاحيان فساد اداري بسبب كبر الشركة وتعدد مهامها وتعرف وش السرقات الي تحصل محد حولك اللهف وبووق عشان جذي في فتره من الفترات صار لها خساير عاام 92 تقريباا بس عقب محاكمة المشرفين على الخسائر وسجنهم وتغريمهم رجعت ميتسوبيشي الام للشركات اليابانيه للنهوض , وهاهي الاان تنتج احدى اقوى السيارات 4 سلندر في العالم .
ههه ويااأخ كلبليتر من ناحيت لحد يستهين فيها فهو في بعض الناس يستهينون على بالهم ميتسوبيشي = دايو على غفله لكن ترا شركة ميتسوبيشي مارااح تخسر او يضرها شي اذا استهانوا فيها لان ميتسوبيشي يهمها الناس الي يهتمون لها يعني امريكا واوروبا اما الشرق الاوسط قليل الي يهتمون لميتسوبيشي ولا يعيرونه اهميه عشان جذي تشوف سمعت الميتسوبيشي ضعيفه بالنسبه للتويوتا مثلا .
فاللي يبي يستهين خله يستهين من اليوم لين 10 سنين قدام , لاهو بينفعهم ولا هم بينفعونه ولاهم سامعينله ولا شي كلش عااد من يتكلم او يستهين بتطيح سمعت ميتسوبيشي او بتسبب في خساير فادحه ههههههههههه يبووي عااايدي
الشي الاخير ان جميع الشركات اليابانيه في الوقت الحالي قويه يعني احين ماحد يقدر يتكلم على اي سياره يابانيه لان جميعهم بمستوى واحد ميتسوبيشي هوندا سوبارو نيسان تويوتا مازدا والشركات الاخرى سوف تلحق بالركب عن قريب ...
مثلا انا اكره تويوتا كامري لكن بكل صراحه سيااره بكل معنى الكلمه سياره تتحمل جميع الظروف مع انه فيها عيووب بالشكل الجديد ماحسيت انه عملي مثل 2002 وقبله يعني الشكل الجديد حق شكل مو عملي ... بس كامري ))
طولت عليكم بالكلام بس انا يوم اكتب هالرد كنت فااضي على الاخر وزهقان عشان جذي طولت بالكلام ... لووووووول
شكراا

الأكورد سيارة تحمل مفاهيم طيارة بصراحة

الأكورد سيارة تجسد حضارة عند الشباب السعودي خاصة

لا أعتقد إن 105 ألآف ريال سعودي تعني أنها سيارة عادية

الأكورد سيارة ستعد قريبا من السيارات النادرة

ولك التحية,,,

السلام عليكم ورحمة الله وبركاته

الصراحة حبيت أعلق على هذا الموضوع بالتالي:

أولا: ليه ما نشوف هوندا لم يحدث لها خسائر مالية كما حدث مع نيسان أو فساد اداري كما حصل مع ميتسوبيشي ;)

ثانيا: اللي يقول أن نيسان محركاتها أقوى في العزم على الهوندا أقولك كلامك صحيح. لاكن في المقابل هوندا تعطيك استهلاك ممتاز للوقود بعكس النيسان وعزم جيد بالنسبة للسيارة.

ثالثا: اللي يقول أن هوندا مالها صوت في أمريكا بأيش يفسر التالي:
أفضل سيارة سيدان رياضية: آكورا TSX اظغط هنا
أفضل سيارة سيدان فخمة: آكورا TL / هوندا ليجيند اظغط هنا
أفضل سيارة سيدان عائلية: هوندا أكورد اظغط هنا
أفضل سيارة رياضية كبيرة متعددة المهام: هوندا بايلوت (MRV) اظغط هنا
أفضل سيارة فان عائلية: هوندا أوديسي اظغط هنا

للمعلمومية هوندا آخذه 5 جوائز من أصل 15 جائزة يعني أغلبية ساحقة

السيارات اليابانية الأخرى التي حاصلة على جوائز هي:
مازدا RX-8
سوبارو فوريستر


أنا أقول هذا الكلام مو لإني متعصب للماركة لكن في مجموعة حقائق ومواصفات عجبتني فيها وممكن غيري ما تعجبة الأشياء اللي أنا أحبها. وهذا لايعني أني أنتقص ذوق الآخريين وأقلل من آرائهم. بلعكس شركة تويوتا ونيسان وبقية الشركات اليابنية جيدة ولكن لكل واحد ذوقه ومواصفاته اللي يحبها.

الرجاء من الجميع احترام أذواق الآخريين لإن الناس مالها ذوق واحد بس ;)

اخوي MITSUBISHI2005
وش سالفة ميتسوبيشي كل مارحت مكان لقيت علامة الميتسوبيشي
مثلا الطائرات والسيارات والكيفات ومولدات الكهرب واجزاء قطع في بعض السيارات يعني مثلا بعض السيارات من شركات اخرى غير الميتسوبيشي وتلقا في المكينه قطع مكتوب عليها ميتسوبيشي وانا سمعت ان تيربو السيات ميتسوبيشي حتى الاقلام الي اشتريها للكليه ميتسوبيشي وهي اقلام معروفه اسمها uni-ball :) تصدق حتى ذاك اليوم دخلت بقاله ولقيت عصير مرسوم عليه علامة ميتسوبيشي وقريته من ورا مكتوب بترخيص من شركة ميتسوبيشي - اليابان

<<<<<<<<<<<< طيب وش دخل هذا كله في الموضوع

على العموم شركة ميتسوبيشي شركة كبيره ولاحد يستهين فيها

لو تجي و تشوف الأكورد عندي حالتها أكرمكم الله مثل النعال , و المشكلة إنها 2003

و تقولون إنها من أفضل السيارات , أنا لا أنقص من مكانة هوندا , لكن أنا ما أشتريت سيارة حتى أستخدمها سنتين و بعد ذلك أرميها في التشليح أو أدفع عليها دم قلبي و أخلص الراتب فيها و أروح الورش كل يوم

نسيت اقولك انت غلطان يالغالي الميتسوبيشي ماله سمعه في السعوديه فقط بس البااااقي مثل الكويت والبحرين والامارات وقطر وعمان بلعكس سمعته عاليه خاصتا في الكويت والبحرين سمعت الميتسوبيشي محبوبه ومرغوووبه انت تشوف السعوديه وبس وياليت ماتعمم على شي ماتعرفه ؟؟؟؟؟؟؟؟ بالمقابل حتى شركة هوندا لها سمعه كبيره لكن التووب القمه هي التويوتا وسمعت السيارات تختلف من دوله لدوله مثلا بالسعوديه يفضلوون تويوتا جميع انواع التيوتا محبوبه في السعوديه والكويت ايضاا الميتسوبيشي له شعبيه وسمعه كبيره كبيره جدا والبحرين ايضا له سمعه وشعبيه لكن مع تنوع السيارات الثانيه مش محصوره على شركه وحده فقط مثل السعوديه يعني كامري وبس ..........

المشكله الي صارت على متسوبيشي والمعاقباات الي صارت هذي قديمه وفي الحقيقه هي مشكلتين مشكله للسيارات ذاات الموديلات من عام 85 الي 92 او 93 تقريباا هذي فيها مشااكل مشاااكل ولنوع واحد من السيارات وهي جالانت وبعدها عدلووا المشااكل بسبب النااس الي اشتكوا عليهم على الشركه وصارت الجالانت زي العسل والمشكله الي بعدها صاارت في بعض الشاحنات صاارت خسااير مو مشااكل تصنيعيه بس ؟؟؟؟؟؟
الشي الثاني من افضل خامات الجلووس خامات الي تستخدمها ميتسوبيشي وسوبارو لان الجلوس في السيت مريح جدا وأسوء خامات جلوس هي خامات اللومينا العاديه وخامات لشركة تويوتا الكامري الخامات سيئه جدا الدليل ان الناس يشتكون من السقف خامته تطيح بسرعه هههههه سياره جديده خام السقف يطيح ههههه وحتى الخام الي للجلوس خام سيء جدا والكل عارف ..............

اخيرا كل الشركات تصير لها مشااكل يااأخ اكورد وبس انا في خساير لهوندا وترجيع اكثر من 250 الف سياره اكورد فيها عيب مصنعي واكثر من 250 سياره فقط في امريكاا ..؟؟؟؟؟؟؟؟ عسى مايكون خاج امريكا فيها عيووب بعد ... بس هالشي يدل على اهتمام الشركه باانها سحبت السيارات وحاولت تصلح الخطأ الخطأ مو عيب يالغالي انت تفكر ان الخطأ عيب في الشركه بل بالعكس الاعتراف بالخطأ وتصحيح الخطأ هو الافضل من التستر على الخطأ زي ماسوتها شركة ميتسوبيشي عام 92 حاولت التستر عن الخطأ لكن اليابانيين اعترضوا عليهم بشده طبعا العيوب الي صارت بميتسوبيشي باليابان فقط ..
عموما فهالشي مايدل على عيب في الشركه المصنعه بل يدل على اهتمامها وجل من لايخطأ حتى شركة شفرليت صارت في سياراتها عيووب ورجعوهاا وصححو الاخطااء ...
اخير صحيح ان ميتسوبيشي ماعندهم سيارات فخمه مثل النيسان والتويوتا لكزس او انفينيتي او اكورا لهوندا لكن عندها سيارات جباره ابي اعرف انت هوندا معطينك فلوس وقايلين لك سب في ميتسوبيشي لوووووووووووووووول يااعزيزي الغالي الميتسوبيشي شركه قويه قويه وسياراتها قويه يكفيك اسم لانسر افاليوشن وعندك الماجنا الي لحد الان لا الماكس ولا الكامري ولا حتى الاكورد قدر يطوفه لا قومه ولا خط ومثل ماقلتلك قبل ان خامات ميتسوبيشي خامات اصليه مو خامات خرابيط مثل الكامري اسئل مجرد ولا تسأل طبيب انا عندي شباب وعيال عندهم كوامري اصلا يذمون يذمون في خامات اسيات التويوتا كامري ويمدحون اسيات الميتسوبيشي .......
أختم كلامي كل الشركات اليابانيه شركات قويه ولا يستهان فيهاا يااأكورد وبس

ولا تزعل اكورد وبس والامريكي >>>>

وااااااوك

غبت كم يوم وصارت كل الهوشة هذي :D

دائما إذا رديت وخلصت ورجعت بعد فترة أقرا ردي مرة ثانية أتحسف بصراحة ، لأني أرد وأتعب على حديد وشركات ما عطونا ولا ريال على كلامنا هذا :D

لكن هي حالة تجيني ، والظاهر إنها جايتني الحين

المهم

الأخ الفاضل ( الخبير )

كيف حالك ، بشرنا عنك

أقول يا حبيبنا

حنا نتكلم عن شركات ككل ، نكتلم عن هوندا كشركة سيارات ، وعن ميتسوبيشي كشركة سيارات ، وهكذا

ولو بغينا نتكلم عن السوق الخليجي كان شفت لهوندا نصيب قوي من السوق مع إن ما لها إلا وكيل واحد في السعودية على سبيل المثال

وهل - في رأيك - ميستوبيشي وإلا مازدا تنفاس هوندا في السوق الخليجي ؟

الظاهر ما طلع مازدا بالشكل الجيد اللي نشوفها عليه الآن إلا شركة فورد ، الشركة الأم لمازدا الآن ، ومع ذلك قوة الهوندا في الخليج أقوى من المازدا بكثير ، بل إن عامة الناس لو قلت له إنك بتشتري مازدا قال لك ( يكفي إن اسمها مازدا ) يعني حتى الآن سمعتها عادية ، طبعا هذا كلام عامة الناس اللي ما يفهمون بالسيارات بشكل كبير

وميتشوبيشي ما لها ذلك القوة في الخليج بصراحة ، وشي طبيعي إنها ما يكون لها قوة ، تصاميمها عادية ، وخامتها الداخلية عادية ، وفخامتها عادية جدا ، حتى ما أذكر إن فيه سيارة فخمة من ميتسوبيشي عندنا ( ما أدري عن الخارج ) ولا أظن إن لها فرع فخم أصلا مثل اللكزس والإنفينيتي والأكيورا

وما زلت أحتاج لتفسير سبب معاقبة شركات السيارات اليابانية لميتسوبيشي قبل فترة بسيطة ، وكلكم يعرف الخبر هذا ، وهو نازل في المنتدى

وشي معروووف ، إن هوندا هي الشركة الثالثة في اليابان ، مع إنها شركة تعتبر حديثة مقارنة بالشركات الأخرى ، لكنها فرضت نفسها وصعدت إلى المستوى هذا

أما بالنسبة لمحرك الأكورد والليجند ، فالمحرك أصلا شبه جديد وشلون يصير متميز لفترة 11 عام :D

وأما محرك النيسان المعروف ، فهو محرك واحد ، كان 3.0 وتطور وصار 3.5 ، يعني لا تخليها محركين

وأيضا ، أنا ما تكلمت عن نيسان ، محركات نيسان معروفة ، بالإضافة إلى إني ألاحظ إن محركات هوندا بأنواعها تاخذ نفس الجائزة في عدة سنوات ، مثل محرك الأكورد 6 سلندر ومحرك الليجند ومحرك الـ S2000 ومحرك الـ RSX Type-S ، وهذا إنما يدل على جودة المحركات بشكل عام

وبالنسبة لانتشار الإم آر في ، فهذا شي مشاهد في الرياض ، أنا كل يوم أشوفها ، وبشكل متكرر ، خارج الرياض ما أدري عنه ، لكن في الرياض منتشر بشكل عجيب بالنسبة لسيارة جديدة مثل الإم آر في ، وبالنسبة للباثفايندر والبرادو ما تكلمت عنهن أبدا ، ولا أنكر إنها أفضل من جيب الهوندا ومنتشرة بشكل أكبر

وبالنسبة للسيفيك ، أشوف إنها في السنوات الأخيرة في الرياض انتشرت بشكل أكبر من الصني ، بل في أمريكا لا تقارن مبيعات الصني بمبيعات السيفيك ، بل السيفيك من أكثر السيارات انتشارا في أمريكا ، أما الصني ما لها ذكر في القائمة هذي ، وبصراحة السيفيك والكورولا أفضل من الصني بكثييير

وبالنسبة لليجند ، صحيح إنها أخذت الجائزة هذي في بلدها ، لكن لاحظ إن السيارة اللي بعد الليجند في نفس التقييم هي من سيارات فلوكس واجن ، يعني التقييم على كل السيارات ، بما فيها اللكزس

أما غلاء القطع ، فأنا أقول لك رح للوكالات وقارن وجب لي النتيجة :)

وممكن تفسر لي ، ليش الخطأ التصنيعي في الألتيما في القير ؟ وهو يعتبر خطأ فادح وفي شي أساسي في السيارة ، أما الأكورد جب لي عيب تصنيعي أساسي !!



كلبليتر ، يعجبني أسلوب ، وأشكرك على تصحيح المعلومات ، لكن أنا حدي معلومات بالعربي من جرايدنا ، وهذا اللي قريته وقرتوه انتم بعد ، تلومني ؟

لكن بالنسبة للماكس ، من واقع مشاهدتي للي حولي ، فيه ناس تكرف معهم الماكس كرف الحمير ، وفيه ناس والله يشتكون منها بشكل غير طبيعي ، واحد أعرفه خبط معه القير والسيارة شبه جديدة ، وخربت عليه بعض الأشياء الأساسية ، وأكثر من واحد هنا في المنتدى يشتكون من الماكس ، وبالعكس ناس يمحدونها مدح غير طبيعي ، يعني حالها حال الأوبل مثلا ، ناس تمشي معهم صح وناس تخرب معهم

أما تصفير الفحمات ، فهذا شي طبيعي ، ولاحظ في الكتلوج مكتوب إن التصفير يكون شي طبيعي نظرا لظروف الجو المتقلب ، لكن الناس هنا توسوس

وأما الرجة اللي مع الوقوف ، فهذي في موديلات 2003 مع وضع D أثناء الوقوف ، رجة بسيطة تعتبر طبيعية في كثير من السيارات

أما التنسيم اللي مع الدرايش ، أنا معي السيارة لها سنتين ، وأمشي بها أحيانا 220 على خطوط سريعة ، ولا شفت اللي تقولونه !!

جربوا الأكورد ولاحظوا الفرق اللي حسيت به أنا بنفسي :)

اخوي الهويشل ابو مطر وش جاب الاكورد للافالون....
اذا الاكورد عليها حجز والوكالة مهي ملحقة تجيب سيارات فهذي مشكلتهم
لكن تعال قارن مبيعات الاكورد بالكامري هنا تكون المقارنة صحيحة 100:%
و اذا على قولة بعض الاخوان كل ساعة تباع فيها اكور فالكامري تباع في كل دقيقة واحدة
اما بالنسبة للي مو ملحقين فهذي مشكلة مخازنهم ما اتشيل الا سيارتين وتضيق عليهم....

اخوي ميتسوبيشي....مع احترامي لك بصراحه......من وين جبت هالكلام ان الزوم اقوى من الاكورد؟؟ عشان قومتها؟؟؟ والله انك تمزح ههههههههههههه....اقول بس لاحد يسمعك ويقول صدق...

الله يخلي خفة وزن المازدا 6 ..

ولا لو وزنها مثل وزن الأكورد .. راح نشوف مين يطوف الثاني :)

ثانيا بصراحة اشتري سيارة 4 سلندر وأقاوم فيها ؟؟

صاحب المقاومات لا جا بيشتري سيارة .. بيشتري أٌقل شي 6 سلندر ..

مو شاري سيارة قوتها 175 حصان |243|

اخوي MITSUBISHI2005

انا اشتري السياره علشأن ادائها وثباتها في الطريق وجودتها وعوامل السلامه المتوفره فيها

يعني ماابي اشتري السياره علشأن اقلب الشوارع حلبات سباق :D

وصدقني لو هوندا وضعت تركيزها في الأكورد على عامل السرعه والقومات.....ماكان طافت المازدا 6 ولا غيرها (هذا اذا طافت اصلا :) )

يااحبيبي شدعوا تتهربوون من الحقيقه ..... الحقيقه ان مازدا 6 زوم اقوى من الاكورد ......

اولا / ارحب فيك يا حبيبي ميستوبيشي 2005

ثانيا / أحصنة اكورد 4 سلندر 175 حصان وليس 160 حصان

ثالثا / مسألة قومة السيارة وتسارعها وانطلاقها هذا أمر تافه

والمفروض نشوف لقوة الأداء والفاعلية والرفاهية وعوامل الأمان والسلامة

ههههههههههههههههه يحليلكم وانتو معصبين . خخخخخخخخخخخخخخخخخخخ لوووووووووووووووووووول
----------------
اكورد وبس ههههههه شكلك منقهر من متسوبيشي ومازدا ليه ههههههههههههههههههه
اصلا اول شركه يابانيه تشارك في ارتفاع اقتصاد اليابان بعد الحرب العالميه هي شركة ميتسوبيشي وأول شركه يابانيه تصنع السيارات والمكيفات والاجهزه الالكترونيه وغيرها هي شركة ميتسوبيشي وأول شركة قامت بتصدير السيارات لخارج اليابان ميتسوبيشي وبعدها بوقت وجيز شركة هوندا . بصراحه انت ياااكورد وبس نزلت من مستوا ميتسوبيشي سويته بالحضيض . لكن انا اقول ان شركة هوندا سيارات الوحوش اليابانيه وماحد يقدر يتكلم على هوندا هوندا شركه عظيمه ويكفيك انها صنعت الروبوت الرقمي المتطور وتفوق على الصناعات الامريكيه للروبوتات طبعا روبوت هوندا موجود باامريكا . روبوت(( رجل آلي يقون ببعض مهام الانسان كالحراسه وغيرها)) .
طيب مع كل هذا احنا مانقول ان مازدا وميتسوبيشي تفوقوا على هوندا في الوقت الحالي لكنهم ماشين معاها بالركب يعني هوندا ماراحت بعيد عن ميتسوبيشي ولا مازدا انت لو تروح خارج السعوديه راح تعرف منهي وشنهر شركة ميتسوبيشي وشنهي شركة مازدا انت استهونت فيهم كثير كثير لكن بقولك شي أن نظام السيفتي (( السلامه والأمان )) لسيارت جالنـــــت الشكل الجديد 2005 الي راح يجينا عام 2006 متفوق على نظام السيفتي للأكورد 6 سلنــــدر وهذي دراسه مع تجربه موجوده في موقع ميتسوبيشي للسيارات الرسمي العالمي انا تأكدت وشفت اختبار فيديو وشرح للسلامه في السياره قبل تقريبا شهرين عموما وكمثال بسيط ان الجالنت 6 سلندر تجي بمحرك 3800 سي سي هههه يعني محركها ينافس اللومينا اس والاكورد لحد الآن على 3000سي سي ياخي حتى الكامري راح يكورونه ويكبرون المحرك الكامري الي هي خرطي ولا شي قدام الاكورد طيب والماجنا الي تتفوق على الاكورد في القوه بمحرك 3500 سي سي هذا اكبر فارق يخلي السياره تتفوق على الاكورد ثاني شي الماجنا 260 حصان في 6000دوره يعني باقي 300 دوره والشخص الي قال ان الماجنا 230 حصان كلامه صحيح لكن 230 حصان في 5000 دوره فقط .
اخيرااا اخواني الكراام : شركة هوندا لها ميزانها في الدول ولها وزنها في المجتمع وشركة ميتسوبيشي لها القوه والعراقه بين الناس وشركة مازدا النجل الاصغر للسيارات اليابانيه المتطوره والمتفوقه دائما وكلهم يابانيين وعيووونهم مشخطه وكلهم خواان لوووووووووووووووول .
انا عندي كلام كثير جدا لكن ان تكلمت اكثر من جذي رااح تقولون لحوووول وشذاا الغثه الي ماخلص كلامه لووووووووووول
شكرا وآسف على الاطاله

اول شي مشكور على الكلام الحلو

ثاني شي من قال ان شركة فوجي شركت طائرات بالاساس (( يعني نسبت ربحهم بالطائرات تفوق نسبت ربحهم في السيارات ومولدات الطاقه ووو ...... الخ ))
يعني بإختصار نسبت ربحهم وانتاجهم للسيارات اكثر من الطائرات ومولدات الطاقه والاجهزه الطبيه ........

يعني افهم من الكلام ان الشركة بالاساس شركة سيارات

حتى لو تدخل موقع شركة فوجي على الصفحه الرئيسيه بتلقا يكتبلك في اسم الصفحه فوق SUBARU
وبتلاقي علامة السوبارو فوق ومنت بلاقي شي عن الطائرات الا بصفحات فرعيه من الموقع
هذا يعني ان الشركة بالاساس شركة سيارات وليست طائرات ولاكنها بالوقت نفسه تصنع طائرات
وهذا موقع شركة فوجي ادخل وشف بتلقا نفس الكلام الي قلته
www.fhi.co.jp


الله يهديك ياأكورد وبس :) تقول كلام ماأدري من وين تجيبه والله اني احب الاكورد واحب كل السيارات اليابانيه وبالذات السوبارو والمكسيما بس انت تقول كلام مهو صحيح تجبرني اني ارد

وبالنسبه لـ



اخوي اكورد انت على حق ان الاكورد تصبر اكثر من الالتيما بس ليش لأن الالتيما وارد امريكا
بس لو جينا نقارن المكسيما (( وارد اليابان)) بالاكورد (( وارد اليابان ))

من ناحية نظري ان الماكسيما تصبر اكثر من الاكورد لأن الاكورد الجديده ماأدري فيها اشياء غريبه مثلا صوت تصفير الفحمات وبعض الاكوردات في رجه اذا وقفت ويقولون انها تطلع صوت في الدرايش في السرعات العاليه
اما الماكسيما انا اعرف كثار معاهم مكسيما وشي الخرابات الي يعانون منها يعني مثلا الفحمات يغيروها كل سنتين او اكثر <<<<<< وهذا لا يعتبر خراب
واشياء زي هذي تستهلك ويغيروها

المهم كل سياره في عيب بس تقل العيوب كلما اتجهت الى اليابان <<<<<<<<< حكمة اليوم

والاكورد والماكس وارد اليابان

ههههههه

يقول المثل ( تف عليتس .. حامضة )

:D

ممكن تفسرون لي إن الأكورد والسيفيك من أكثر السيارات انتشارا في أمريكا ؟

وممكن تفسرون لي ، وش معنى إن هوندا تاخذ محركاتها جائزة أفضل عشر محركات في العالم لسنوات طويلة ؟ لا محرك الأكورد ولا محرك الليجند الجديد ، كلها أخذت الجائزة هذي

وممكن تفسرون لي ، وش معنى إن أي واحد يجرب سيارة من سيارات هوندا وبعدها ما يغير لأي شركة يابانية في الغالب ؟

وممكن تفسرون لي معنى إن الـ MR-V انشر في الرياض بشكل فاق التوقعات ؟

وممكن تفسرون لي معنى إن السيفيك تعتبر المنافس الوحيد في الخليج للكورولا ، من ناحية انتشار السيارة ؟

وممكن تفسرون لي معنى إن الليجند الجديدة أخذت جائزة أفضل سيارة في اليابان لعام 2005 ؟

الواحد إذا بغى يسب الهوندا قال قطع الغيار غالي ، وما يدري المسكين إن قطع الماكسيما أغلى من الأكورد في أغلب الأحيان ، هذي مشكلة الناس اللي ما جربت ولا تعرف بالسوق ولا سألت عن أي قطعة من قطع الهوندا

لا .. وجايبين المازدا والميتسوبيشي يقولون إنها أفضل من الهوندا ..

ما تدرون إن اليابانيين معاقبين ميتسوبيشي قبل عدة أشهر لسوء إنتاجها وتسويقها



أخوي كلبليتر

كلامنا من اليوم عن شركة سيارة صنعت طائرة ، مو شكرة طائرات صنعت سيارة ، ولاحظ الفرق ، وبالنسبة لمعلومتي حول الطائرة فحدي فيها الخبر اللي قريته في الجريدة فقط ، وأشكرك على تصحيح بعض المفاهيم :)




الهويشل أبو مطر ، لا تتعب نفسك ، الواحد منهم حده يشتري سوناتا وإلا زوم |4|


mind655

أنت تقول ( و أنت تبكي جنبها تقول ليتني أشتريت تويوتا أو نيسان ) وأنا الحين أبكي لأننا اشترينا ألتيما ، ونحمد ربنا على إننا اشترينا سيارتين أكورد ، أنا كرفت مكينة سيارتي كرف لو أكرفه بالألتيما كان خبطت ، والحمد لله إن الأكورد ماشية زي العسل ، الله يتمم عليها

بس تبي الصراحة ، أحسن كلمة قلتها ( هذي فلوس ماهي بورق A4 ) لأني ولله الحمد خليت فلوسي على قدها ، مو A4 :D





أنا ليش أتعب نفسي مع هالخرابيط هذي !! :confused: