اشتريت ساب 93 موديل 2000 4سلندر
استخدمتها 5 سنوات ونصف ومازالت
العداد 260,000كم يعني اكثر من ربع مليون
لفيت دول مجلس التعاون الخليجي المشترك لدول الخليج العربي
ملاحظاتي على السيارة بعد العشرة الطويلة
1- ما فيها شريط كاسيت :( فقط سي دي
هذه الملاحظة الوحيده التي لاحظتها وعانيت منها ايما معاناه بدون مبالغة
والاااااان
المميزات في نظري الشخصي وليس بنظر الوكالة:-
1- السيارة اقتصادية بالبنزين (65 لتر ) فقط يمشيني اكثر من 800 كم
وهي ميزة مهمة للذين ينتظرون الراتب اخر الشهر بفارق الصبر والالم امثالي
2- زيت مكينة السيارة كل 20 الف كم اغيره مره واحده!
نوع الزيت موبل ون w40
3- اذا ركبتها ما ودك تنزل منها فيها جني
وتعرف طعم القيادة الحقيقي خاصة للذين كانوا يستعملون الياباني والامريكي
بل ان قيادتها تتفوق على البي ام دبليو الفئة السابعة ( ادري ما راح تصدقون ) لكن والله حقيقة!
4- ثابته على الخط مثل ما يقولون :ياجبل مايهزك العجاج
5- الحرارة ثابته ما تتحرك صيفاً وشتاءا وخريفاً
مره تركت الاهل جالسين بالسيارة الساعة 2 الظهر ( عز القايلة ) في شهر 7 في دولة الكويت العظيمة
عظيمة بحرارة جوها توصل بالشمس فوق 86سيليزية ودخلت الجمعية ( البقالة ) لأكثر من نصف ساعة
وانا قايل لهم : دقيقتين فقط :D
والله العظيم رجعت السيارة لقيت الاهل نايمين
شتبون اكثر من هذي الدعاية بعد
6- فيها ميزة غريبة شوي انها ماتخرب |11|
والله بجد السيارة والحمد لله فيها متانة عجيبة
ولم احتاج اي قطعة غيار ماعدا السفايف وسعرها معقول جداً
فيه معلومة بس حبيت اضيفها واحتاج تاكيد وهي اول سيارة تدخل نظام الاتصال اللاسلكي ( البلوتوث ) وبعدها تبعتها السيارات الاخرى مثل البي ام وغيرها.
ملاحظة: السيارة شريتها مكفولة 6سنوات كفالة غير محدد المسافة
6 سنوااااااااااات !!!!!!
ياكبرهااااااااااا
والله قوية هذي
واتحدى اي وكيل يعطي هذه الكفالة
سألت الخبير السويدي في الساب ( مستر بير ) يعرفونه اهل الكويت عن اقصى سرعة تتحملها المكينة فقال :
اذا انت حافظة عليها بامكانك توصل اكثر من 500 الف كيلو متر
لانها ساااب
بخصوص سؤال الاخ عن سبب وضع المفتاح ( السويش) اسفل:
سمعت من خبراء ان السبب هو:
كانت ساب تشارك في الرالي لسباق السيارات ايام الخمسينيات والستينيات وكانت غالباً متصدرة
وكانت تجرى استبيان، تسأل السائق ماهي ملاحظاتك حول السيارة
فكان اكثر السواق وهم من العمالقة الالمان يشتكون ان (السلف ) ( المفتاح ) كان يضايقهم وخاصة في المنعطفات
شركة ساب شركة لصناعة السيارات و الطيارات فهي ذات خبره ويعود فضل نجاح السفتي في أكثر سيارات جنرال موترز لها
ولكنها لم ترضى بانزول الذي وقعت به في المبيعات فقدم أعضم خطوه لها بعد مساعده من شقيقتها في جنرال موترز سوبارو
فهذه كان الأخرى كان أهتمامها السفتي و توربو المكينه و العملانية على خلاف السيارات اليبانيه الأخرى فبعد أعمال سوبارو و ساب المشتركه أتونا بعدة تصاميم قادتهم إلى أرتفا جيد في المبيعات حيث أعلنت شركة ساب أنها باعت 4000000 مليون سبارة من سيارتها ساب 9/3 في سنه واحده فقط هذا الرقم كبير جدا و هو يهدد أولا مواطنتها فولفو و يوضح لنا ما يخفي هذا الصانع الماهر للسيارات من خفايا بعد الدعم الذي أعيد على على أساسه هيكلة الشرك من جنرال موترز.
أنا أقدر هذه السيارة لسببين
لأن فيها الرفاهه و القوة الأوروبية و الراحة و العملية الأمركية
بس الساب مشكلته بقطع الغيار هذه مشكلة من زمااااان لأن وكيلها
السابق تعبان و وكيلها الجديد المفروض يتحمل قطع الغيار لموديل 95
و أنا انصحك انك تشتكيه في الغرفة التجارية لأن الهوب المفروض يكون متوفر
لأنه من القطع الاستهلاكية
تحياااااتي للجميع
غريبة والله ..
الوالد عنده ساب موديل 98 مع الوكيل القديم الى الان ماصارت لنا مشكلة عدم توفر القطع ..
لكننا الى الان ماتعاملنا مع الجميح ..
وبعدين بيني وبينك مادام السالفة ثلاث شهور خله يجي الشرقية ويشتري القطعة في وكيل هنا عنده اغلب القطع واذا مالقاها يروح البحرين .. ولايقعد ثلاث شهور مع الجميح الزفت ..
مشكور أخوي النايم. بس عند واحد من أخوياي ساب 95 إيرو موديل 2002 خربان عليه الهوب و بكرة زجاج السائق وقالوا له راح نطلبها طلبية ماهى متوفره عند الجميح علما انها راح تستغرق وقت مابين شهرين الى ثلاثة .
فيه نقطة كان وكيلها السابق بدران اما الان فهو الجميح.
MAXIMAM SPEED
قطع الغيار متوفرة بوكالتين الحاج حسين علي رضا والجميح ..
وان كانك من الشرقية عندك خيار ثالث وكالة البحرين بس ان اسعارهم برضه غالية ماتفرق عن وكالاتنا ..
اما غلاء القطع فكل الوكالات كذا اذا استثنيت بوجميل ..
اشكر كل اللي مروا عالموضوع ..
الذئب العربي :
شكرا عالمقطع الحلو ..
وبالنسبة للمفتاح فهذا تصميم جميع سيارات ساب من اول سيارة انتجتها الشركة الى الان ماعدا موديل واحد قديم (( 9000 )) ..
السبب بالضبط ماادري ليش لكن البعض يقولون لانها بالاساس شركات طيارات فصممت اول سيارة على يد مصميين طيارات ودرجت بعدين على كل سيارات ساب ولم تعدل الى الان وهي عالعموم تعطي ساب طابع مميز .. (( ماعدا اذا كان عندك بزر قاعد قدام وطفا عليك السيارة وانت تمشي 120 ))
