ناوي جيب 2004 فوش رايكم؟

Ibn Najd · 2003-12-11T15:22:24+03:00

السلام عليييييييييييكم يا شباب انا بديت افكر اشتري سيارة قلت مالي إلا هالمنتدى واعضاءه :) السيارات اللي في بالي الحين: يوكون ----------> لاحس مخي كشكل واسم :) بس الظاهر من جوا عادي تريل بلايزر -----------> أحيانا احس انه احلى من الانفوي واحيانا العكس! انفوي ---------> فخمة من جوا باثفانيدر ------

عاشق اللومينات @user_7403 · 04-01-2004

مرحبا أخوي...اذا انت راعي بر خذ لك جيب لاند كروزر واذا راعي ترسيم الله الله باللكزس...والله يوفقك

أكورد وبس @user_7944 · 02-01-2004

أنصحك بـ

الأول .. نيسان باترول .. فل كامل 4800 ..

مكينته غير طبيعية .. وفخامته رائعة .. بالإضافة إلى إنه رزة وكشخة خصوصا الجديد ..

الثاني .. لاندكروزر .. لا يقل عن الباترول فخامة .. لكن أضعف منه بشي بسيط .. وأكشخ من الباترول ..

الثالث .. باثفايندر .. ما أحد يشتكي منه ما شاء الله .. وشكله جذاب وفخامته معقولة .. يكفي إنه من نيسان اللي تهتم بالفخامة بشكل ملحوظ ..

وفيه جيب حلو .. وأشوف الناس طايحين فيه طيحتن قشرا .. MR-V من هوندا .. بصراحة كشخة ورزة .. ويكفيك إن عليه شعار هوندا ..

إنتعاش @user_2341 · 02-01-2004

لو اللاندكروزر بينهم قلت لك خذه

. . . لكن على الموجود اقول لك خذ يوكون

Yukon4Ever @user_5912 · 02-01-2004

اخوي Ibn Najd

اليوم انا رحت لتوكيلات العالميه ولقيت عغندهم يوكون اس ال تي 2004 وركبت فيه
يااااااسلالالالالالالام
لايفوتك رح شفه

Chevy 4 ever @user_4788 !!! King of Racing !!! · 01-01-2004

كاتب الرسالة الأصلية طايربالعجه
ما فيه مثل التويوتا
وبعده يجي
تريل بلايزر
على فكره ترى المحرك هذه السياره
من افضل عشر محركات في العالم
............
تقبل تحياتي

Yukon4Ever @user_5912 · 01-01-2004

مهما كان يالغالي فهو يكفيك

شبابيه رياضيه عائليه رسميه

Ibn Najd @user_9169 صاحب الموضوع · 31-12-2003

هلا أخوي Yukon4Ever

والله أنا لقيت في الإنترنت من يقول إنه ماراح يتغير قبل 2007 وهذا شي طيب
وتبي الصراحة.. إذا علي أنا والله معجبني 2004 ومتسدح عنده ومايهمني ذاك الزود لو يتغير 2005 لأنه حلووووووووووووو
ومن ناحية السعر معك حق... سعره فيه بس غالي علي أنا...يعني أقل مواصفات للدبل 126 ألف ريال
بس تراه أكبر وأرفع من الكروزر والباترول
يمكن كبر الاكسبدشن

Yukon4Ever @user_5912 · 31-12-2003

اخوي اليوكون بيتعير في 2009

وبنسبه لحجمه فهو طبيعي مثل حجم الكروزر والباترول والاكسبديشن

اما سعره فهذا شيء طبيعي لسياره فائقه الجمال مثل اليوكون

Ibn Najd @user_9169 صاحب الموضوع · 31-12-2003

مرحبا

هلا أخوي Yukon4Ever
والله اليوكون شكله من برى روعة روعة وقاطع قلبي
بس بالنسبة لي عليه ملاحظات منها
1-حجمة كبير جدا... وأنا يناسبني حجم الجيوب الـ 6 سلندر
2-غالي خصوصا الاس ال تي
3-فيه إشاعة قوية إنه بيتغير في 2005، ماله داعي اشتري 2004 وما يمديني افرح فيه الا متغير شكله :(

شكرا على مشاركتك

Yukon4Ever @user_5912 · 31-12-2003

مالك الا اليوكون
بصراحه سياره تغنيييييك عن كل شيء
قويه +جميله+وسيعه+ انيقه+عمليه
راائعه واذا تقولي ماهو فخم رح للوكاله وش الفل اوبشن رهيييييييييب....
لا واذا صار 2004 يطلع مووت
خذلك اس ال تي تجربه قياده
وشوف كيف

والله يوفقك

Ibn Najd @user_9169 صاحب الموضوع · 30-12-2003

مرحبا

حياك أخوي النايم
ترى محاكيك مافي راسه بر وطعوس
أنا أبي جيب لأني أحب مركب الجيب جوا المدينة وعلى الخطوط
ومشكور على المشاركة

# OMAR # @user_7317 Banned · 30-12-2003

نصيحتي لك ..
ابتعد عن اي جيب امريكي و هذي نصيحة مجرب ..
لان الامريكي حق دلع مهوب حق طعوس او سياة للعمر تعيش معاك ..
اذا تبي موتر صح مالك الا الياباني ..

Ibn Najd @user_9169 صاحب الموضوع · 27-12-2003

مرحبا

أخوي مجنون البرادو
مشكور على المشاركة
ياخي اللكزس فخامة من جددددددددددددددد
بس لا جيت لحجم الموتر تراه مهوب شي
بالنسبة للبرادو
تبي الصراحة هو أول جيب فكرت فيه أول ما نزل الشكل الجديد
بس بعدين كرهته بسبة انواره الخلفية
شكلها ماله داعي ابدددددددد
وترى سعرة مبالغ فيه إذا قارنته بالباث فايندر

مشكور

مجنون البرادو @user_9510 · 27-12-2003

إما تاخذ RX330
وهذا يعني انك بتعيش في فخامة مترفة لابعد الحدود

أو خذ لك برادو تراه طيب.

Ibn Najd @user_9169 صاحب الموضوع · 18-12-2003

مرحبا

أخوي Dead شكرا على النصيحة
أنا مقتنع إن ما فيه خيار صحيح 100% ولا فيه خيار موحد ينطبق على كل شخص
لكن الإستفادة من تجارب الآخرين شي جيد

عموما إن شالله ما راح أشتري سيارة إلا من السيارات اللي ذكرت وبتعيش باذن الله 5-6 سنوات :)
عشان كذا انا ما حبيت أتفلسف في السيارات الغريبة والجديدة على السوق

مشكورين

فواز @user_561 · 18-12-2003

اخوي لا انا ولا فلان ولاعلان راح نعطيك الرأي الصحيح ... انت الوحيد اللي تقدر تختار اللي يصلح لك

باختصار نصيحتي لك روح لكل وكالة من السيارات اللي ذكرتهم وجرب سواقة كل سيارة وشوف مواصفاتهم وافضل سعر يصلح لك وصدقني بتلقى سيارة بتعجبك اكثر من الباقين وعلى فكرة كل السيارات اللي ذكرتهم ممتازات وبيعيشون 5 الى 6 سنوات بالراحه

بالتوفيق وبحفظ الله :)

Ibn Najd @user_9169 صاحب الموضوع · 18-12-2003

وعليكم السلام ورحمة الله وبركاته

البرنس277
الشيروكي العادي ماله طعم بصراحة
لكن شيروكي جراند روعة روعة
مشكلته اني اعرف اثنين معهم موديلات 98-99 طلع ريحتهم لين باعوه (شوف عيني:()
ياخي يقولون تبلش ماتلقى احد يعرف يصلحه
وخرابات واصوات ما يدرون وش سبتها
انا سمعت ان المودلات الجديدة تحسنت كثيرررررررررر
بس الى الحين ما تاكدت من هالشي وخايف منه
لذلك قلت ماله داعي أخاطر

مشكور اخوي على التفاعل

البرنس277 @user_6519 · 17-12-2003

السلام عليكم...
طيب ليه ماتخذ شروكي جراند ولا عادي افضلك والسعر مناسب...بس عارف انك تبي تقول خرابت لالالالالا حبيبي اي سياره اذا لعنتها تخرب بس اذا حافظت على الموتر ماراح يجيه شي .
تحياتي........

Ibn Najd @user_9169 صاحب الموضوع · 17-12-2003

مرحبا

اخوي لاندكروزر vxr
والله من ناحية اللكزس زي ما ذكرت سابقا عيبها حجمها
اما الانفوي فعلا رسمية وحلوة
بس سعرها غالي اذا قارنتها بالتريل بليزر من نفس المواصفات

حمد

لاندكروزر vxr @user_910 · 17-12-2003

أخوي لاتفكر

السيارة الرسمية الجميلة من اللي ذكرت هي RX330

وبعد الانفوي

تحياتي لك