تجربتي بعد 3 سنوات مع قير CVT

انا من الناس اللي كان وده يشتري ماكسيما الجديده وكل مانويت عليها تذكرت CVT وخفت بسبب مشاكل القير لأنه بصراحه من كثر مشاكله يخوف خصوصا للي ماجرب نيسان قبل كذا

قهر والله حسبي الله عليهم هم وقيرهم البايخ

والله مدري وش يقول الواحد لكن الله المستعان

معوض خير ياغالي وحسبي الله ونعم الوكيل

شخصيا ماشفت هالقير كثير على سيارات سيدان الكبيره بأستثناء نيسان وسوبارو

سوبارو وضعها عندنا بالسعوديه مزري جدا ووكيلها ناجح بدعم وتسويق Isuzo

لكن نيسان كل سيارات السيدان بكل أحجامها بقير cvt حتى الكروس أوفر صار كله بـ cvt

والباثفندر صار له إستدعاء للأسف بسبب رجه بالقير على كلام بعض ملاكه

والله يستر من الجيل الجديد من cvt بمسمى xtronic وهو نزل على الماكسيما 2016

والأيام تبين لنا هل كل جيل من cvt له مشاكل أو راح تتوقف مع الجيل الجديد .

Reference to your below email, please note that any repair after the warranty period has expired will be on chargeable basis. Kindly refer to our Local Dealer if you would like to proceed with the repair.

We apologize for any inconvenience caused and we regret that the resolution offered was not up to your expectations.

Should you require any further assistance, please do not hesitate to contact us at (971)


هذا رد الحراميه نيسان الشرق الاوسط من خلال الايميل

حسبنا الله وكفى نصيحة لله واقسم بالله

انحاشووو عن نيسان لا CVT ولاغيره
وكالة فاشله وقطع غيارها نار وكل شوي وكيل والان طالع لنا بترومين التابع للحراميه الثانين ترايستار

للاسف كنت من عشاق النيسان والماكسيما والان والله اكرههم كره بسبب الحركات البايخه والظالمه

الله المستعان والله يعوضنا خير

اذا موديل 2013 فهو موديل تقريبا كل السيارات فيه قيورها مضروبة و بعض دفعات 2014

الدفعات 2015 وفوق الله اعلم

عموما فيه نسبة فيها عيوب مصنعية

بعد هالشكاوي شكلي أبصرف النظر عن الماكسيما أو الألتيما :smilie16:

ماني بفاضي أركض وارء أعطال السياره لأني أبيه تخدمني موب أخدمها

وعليكم السلام ورحمة الله وبركاته

بصراحة شيء يضيق الصدر وما أقول إلا اعانك الله على هذه المشكلة

تغيير قير كامل بقيمة 37 ألف واضح وضوح الشمس أن الوكالة ماتبي تكلف عناء البحث عن المشكلة او تقليل تكاليف أصلاح المشكلة

متأكد ان بيع السيارة بيكون ارخص من قيمة تغيير القير ولا انا غلطان؟! ماش وش هالكلام من الوكالة

ما أقول إلا الله يرحم حال نيسان كان أدارة نيسان الشرق الاوسط ووكلائها خلوها ضايعة وهونداي أستغلت الوضع

رغم أن لي اعجاب بقير CVT لكن لم يعد لدي أي ثقة بقيور CVT الخاصة بنيسان من فترة ليست ببعيدة فأعتماديتها لم تعد تعجبني بالاونة الاخيرة واستدعائاتها كثيرة بالمواقع الامريكية واضافة إلى ماركة عندنا ضايعة سمعتها من ناحية خدمات مابعد البيع

مالك حل اخوي إلا انك تبحث عن مراكز صيانة خاصة بقيور CVT ولو تكلم حساب تويتر حق نيسان الشرق الاوسط على كلام الورشة الي قالولك لعلهم يخافون على سمعتهم ولو قليلاً ويتحركون يشوفون وش هالخرابيط الي ماعندهم غير تغيير القير كامل؟!

انا دايم افضي السيارة مع نزلة القدية ولاخرب شي
اتوقع الولد كسر سسته او مسمار التعشيق شوف الفديو هذا
https://www.youtube.com/watch?v=etXdUP8v6DU

.السلام عليكم ورحمة اللة وبركاته
قدر الله ان قير الماكسيما يتعطل علي

الموضوع

كنت ماشي بسرعه ١٢٠ تقريبا ومعاي الاهل وواحد من الاطفال الله يشافيه ويصلحه ضغط على القير وتحول من D الى N المهم هديت ووقفت بجانب الطريق وضغطت على الD السياره ماتتحرك ضغطت على R نفس الشي ماتتحرك السياره

المهم اخذتها سطحه ووديتها وكالة العيسى مخرج ٢٥

قالو بنفحصها ونكلمك

كلموني قالو للاسف القير تعطل ولازم نغيره جديد بمبلغ ٣٧ الف ريال
قلت هل فكيتوه وفحصتوه قالو لا احنا مانفك القير بس نغير قلت ماكشفتو عليه من الداخل ممكن حساسات والا اي جزء متعطل ممكن يتغير قالوا لا احنا نركب قطعه كامله هذا نظام نيسان

وش الحل بنظركم للي يمدحون CVT

مع العلم اني محافظ على السياره ولاأعطيها احد يستخدمها وانسان هادئ لاتفحيط ولادعسات قويه ولاشئ

مادام سيارتك على الضمان راسل نيسان الشرق الاوسط واشرح لهم الوضع وحملهم مسؤلية تخبيط القير اذا انتهى الضمان انك ماراح تدفع ولادرهم

وقولهم في شخص خبط قيره بعد ماخلص الضمان وتذكرون موضوعه من اسبوعين وحملتوه جزء من المبلغ

تصدق عاد، مشكلتك بالضبط نفس مشكلتي ، ويوم قلت لهم كنت اشتكي لكم بعدم التوازن بين سرعة 40~60 قالو وش نسوي الخلل ماظهر بالكمبيوتر ذيك الفترة، ما يعني ان القير كان سليم

يعني طلع بعد ماخلص الضمان !! سبحان الله

عموما انا واثق ان القير حقك يحتاج تبديل

خبرهم اعملو فحص كمبيوتر على القير وعطوني تقرير مصدق انه سليم

وانتبه تعمل الصيانات خارج الوكالة لان ممكن اي لحظة يخبط عليك وان رجعت لهم قالوا لك انت تسوي صيانة بره احنا مومسؤلين

للاسف توقعنا نيسان حلت المشكلة بعد 2014 بس الظاهر همها تبيع وتحقق رقم مبيعات على خرطي

عموما انصحك تمدد الضمان اعتقد لازال في مجال اذا ماوصلت 30 الف ، ادفع للتمديد وحسبك الله

لايوجد خيار ثاني ، اكرر مدد الضمان لان اذا خبط عليك سعره 27 الف درهم والتمديد يمكن يبون منك الفين درهم

والله مصيبه! سيارات جديدة قلقانين على قيورها تخبط لهالدرجة :a120(89):

تحياتي



.

حياك الله جميعا صاحب الموضوع الأخ / Wget من البحرين وليس من السعودية

وسبق وان تكلم كم واحد من البحرين يشتكون وكلائهم واخر مرة اذكر كانت في وحدة من البحرين هنا تكلمت عن مشكلة في فحمات سياراتها المازدا 3 من وكيلها بالبحرين ويقولون سيارتك سليمة

زبد الموضوع نفس اللي صار للاخ Wget صار لخال خويي في وكالة BMW الناغي

السيارة تحت الضمان سليمة ومافيها اي مشكلة لكن اذا خلص الضمان تطلع 1000 علة بالسيارة وهذه شغلة وكلاء الخليج

حاولوا العيسى يسونها معي نفس الطريقة لكنهم فشلوا وسويت عليهم انقلاب بالاستدعاء


اختم كلامي

الوكلاء يسون الحركة هذه علشان يسجل بقائمة الشركة انه وكيل ممتاز ولا احد يشتكي منه بالاضافة ان السيارات المباعة تكون سليمة
خلال فتترة الضمان بعد الضمان ينعكس كل شى

.السلام عليكم ورحمة الله
الاخوة الكرام
سجلت في المنتدى بهدف طرح تجربتي وتعميم الفائده حول موضوع جير ال cvt في سيارة نيسان التيما من 2013-2016
امتلكت سيارة نيسان التيما موديل 2015 ولا ازال امتلك السياره وهي كاملة الموصفات بمحرك ستة سلندر ، ولقد تم الشراء من الوكيل بالامارات.
وخلال اول 5000 كيلومتر ، لاحظت ان تبديل الجير في السرعه ما بين 40-60 كيلومتر/ساعه غير متوازن ومتردد (تنتع باللهجة الاماراتيه) كانك قمت بتعشيق السياره في غيار اعلى من الغيار المطلوب مما يجعل السياره تنتفض ، علما بأن هذا الموضوع لا يظهر بشكل يومي ، ولكنني لاحظته عند اللفات او عند التسارع الهادئ بالسياره.
وعند اول فحص خرج معي الفني ، وظهر العيب ، وقال انه بيعملون برمجه للجير ، وبعد استلام السياره ما زالت المشكله نفسها . ورجعت السياره على صيانة ال10000 وال15000 ، وفي كل مره يماطلوا انه الجير ما فيه شي وان كل ما في الموضوع هو احتياج الجير لبرمجه.
وعند البحث في الانترنت تبين لي وجود عدد كبير مثلي ومثل كاتب الموضوع ، يعانون من نفس المشكله والتي انتهت بالبعض مثل كاتب الموضوع بالحاجه لتبديل الجير . http://www.carcomplaints.com/Nissan/Altima/2013/transmission/CVT_shuttering_vibration_hesitation_running_roughly.shtml
لذا يلزم تنبيه الجميع من هذا الامر حتى لا يقع احدنا ضحية ويدخل في معاناه مع الوكالات والكراجات.

وفقنا الله واياكم لما يحبه ويرضاه.

عزيزي صاحب الموضوع

هاليومين الناس طايحين بطريقة محترمة في أخذ حقوقهم عن طريق الفضح وممكن ياخذون أكثر من حقهم

نظام وقف السيارة قدام الوكالة وأكتب عليها الوكالة سحبت عليها ومدري ليش نظام قديم ومخالف بالنفس الوقت

فأنا اقصد افضل طريقة والي الناس طاييحين فيها هي



أحسن شيء تكلم في تويتر الحساب الشخصي لأدارة نيسان الشرق الاوسط والعيسى أو بترومين الي ساحبين عليك بسبب أن السيارة خارج الضمان ولم يتم ارسال رسالة لك بخصوص العيب المصنعي كذا ممكن الشركة يدورون حل باي طريقة لانهاء المشكلة وممكن (أقول ممكن مو اكيد) يصير لك مثل ماصار مع العم معيض الكل تسابق يسوون دعايات وعروض علشان ينتشر سالفته فانت مثلا لو تسوي تغريدة بلحساب الاصلي لادارة نيسان الشرق الاوسط وتربط حسابات الوكلاء الاسيويين واليابانيين بالمشكلة متأكد بتشوف عروض من المنافسين والوكيل ممكن يحاول حل المشكلة باي طريقة لو على حسابه لتنبين حسن تعامله لان الموضوع صار عام! مو خاص عادي يطنشونك

.شكلكم ماقريتو ردي السابق
اقسم بالله عند اخوي التيما 2008 من ايامها لها 9 سنوات وماشيه حول ال280 الف وقيرها مافيه الا العافية لانتعه ولا رجه
وعندنا سيارتين cvt غيرها ومافيه الا العافية ماشاء الله تبارك الله
ترى القير قديم نازل مع المرانو من عام 2003
اما بالنسبة لسيارتك عيب تصنيعي وسو لها استدعاء طبيعي يصير في اي شركة واي سيارة حتى في اللكزس المشهور بالجودة ابو نص مليون فيه عيب بالقير ابو 8 نمر !!
https://www.youtube.com/watch?v=JvOG5GCeSNg

اشبه حالتك مثلا اطلع اكوورد 2015 وتخبط علي اقول مكينة الاكوورد فاشلة وتعبانة ومكاين الحقن المباشر تعبانة وغير اعتمادية
وتعقيد على الفاضي الخ رغم ان الوكيل سو استدعاء بالكامل ويغير المكينة بالكامل

اذن الجيل السابق فيه مشاكل (الجيل الثاني) ليه ما اعترفت نيسان !!

والجيل السابق على فكرة بينه وبين الجيل الي تقول عنه 3 سنوات اذا كل 3 سنوات بينزل جيل فهذي تخبط مابعده تخبط واسمح لي شغل بوكلام فاضي بيطلع القير

السؤال المهم اذا في جيل جديد يعني اعتراف ضمني بمشاكل بالاجيال الي ماقبل الجيل الجديد ، طيب عوضوا اصحاب الجيل الثاني. وهل الالتيما حقتك 2017 عملوا الضمان لها اكثر من 3 سنوات؟

انا مع CVT قلبا وقالبا اذا كان عليه ضمان 5 سنوات فاكثر

غير هذا القير بوكس يعد وضعه مريب وشراء سيارة بهذا القير مغامرة

يجب ان تغير نيسان سياسة الضمان الخاص بالقير والمكينة

وعلى فكرة يوم اشتري سيارتي دخلت موقع نيسان وكان فيه بهرجة اعلامية وفيدوهات وكلام طويل عن CVT (شغل تسويق) واقتنعت واشتريتها

وانت عارف السوق يعني بنسبة 20% السيارات CVT غير كذا تقليدي ، فشوف اختياري كان مومع الاغلبية كان مع الاقلية ظنا اني كسبان بس للاسف ...

فلايغرك الرابط وجيل جديد ، لاخلص الضمان مالك الا تجهز الدراهم

.
طيب وش رايك عندنا لاند ماشي ٥٠٠ الف بزيت الوكالة
وفيه عندنا سكويا ماشي ٢٨٠ الف
وفيه لاند ٢٠١١ ماشي ٣٢٠ الف
وكالة الساير ما يستبدلون زيت القير يفحصونه ويزيدونه فقط

.مع كل جيل جديد تدعي نيسان بإنه إنسى مشاكل القير القديم مع الجيل الجديد وبعد سنة او سنتين او ثلاث تسمع بالمصيبة
وللأسف البعض ينجر ويسوق للشركة بترديده الدعايات الفارغة اللي تأتي مع كل موديل جديد ومنها تم تحسين العزل بنسبة كذا وزيادة صلابة الهيكل بنسبة كذا وتقليل إحتكاك الأجزاء الداخلية بنسبة كذا ثم بعد ماتجربها الناس فترة تكتشف انه مثل سابقتها اذا ماكان أسوأ

النقطة الأخرى اللي يروجون لفكرة إنه قير CVT أطول عمرا وأسهل صيانة من القير التقليدي إنما يستحمرون العقول بقصد أو بغير قصد

إيجابيته إنه أحسن من ناحية استهلاك الوقود وليس بذاك الفرق الكبير

المعذرة اول مشاركة لي وبدرعم في وسط الموضوع انتو تتناقشون في شي صار من الماضي
https://www.nissanusa.com/blog/xtronic-cvt-continuously-variable-transmission

التيما و الباثفايندر 2017 بتنزل بالجيل الثالث من القير الCVT

شوفو الرابط

ان شاء الله يوم الخميس او الاثنين الجاي ان شاء الله بستلم التيما 2017

اعطيكم التقرير بعد اسبوع