أصلح سيارتي أو أشتري غيرها

الله يسهل أمورك يا أخوي

السيارة الآن ماشية 320 الف يعني خلاص خدمة وكفت ووفت !!!!

في نظري انك تتسلف من الوالد مبلغ معقول فوق المبلغ الموجود عندك وتبيع الماركيز وتاخذ النترا وكالة ستاندر او من المعارض تحصلها على 57 الف إذا ما خاب ظني !!!!

بس انتبه أهم شي يكون فيها نظام الفرامل ABS للسلامه بعد الله عز وجل

بالتوفيق مره ثانية وإن شاء الله تاخذ السيارة إلي خاطرك فيها في اقرب وقت

بالنسبه لأدرعة النوافذ و للأسف ما حصلت غير التجاري الي يخرب سريع

الله يحيك أخوي MAGNUM_62

أنا ساكن بالقطيف و لا ودي أكلف عليك يا الغالي مشكور و ما قصرت

و الله أنا أغلب مشاوري للدوام لكن الدوام خط الظهران الجبيل

أخوي بشير

مشكور على الروابط بالخصوص حلول الخرابات

سعر اذرعة النوافذ اعتقد لو تسأل عنه في محلات قطع الغيار راح تلاقيه أقل من هالسعر ولكن انتبه من الغش ويعطونك تجاري أو أمريكي

عموما أخوي MAGNUM_62 ماقصر بمشاركته الطيبة خصوصا من ناحية كلامه عن تجديد الاستمارة

وهذه مواضيع مهمة وأتمنى منك قراءتها والاستفادة منها

http://www.assayyarat.com/forums/t156199.html

http://www.assayyarat.com/forums/t263200.html

اهلآ اخي احمد
حياك الله

ان كانك من الدوام للبيت (يعني منت راعي خطوط)انصحك تصلحها مثل ماقال اخ بشير,وبعد ماتتوفق ويتحسن وضعك تاخذ السيارة الي تبيها

فورد قطعها رخيصة لاكن عشان ترجع السيارة مثل او أول بتكلفك,تنفض بطن السيارة-بوية-الكهرب-وغيره بتتعدا 10آلاف ولو تاخذ الصني وتستعملها 3-4 سنوات تكون اشتريت راحت البال

بالنسبة للإستمارة وتجديدها اذا انت ساكن بالشرقية ممكن اخدمك.

موفق

بالنسبة للبيع ما أفكر أبيعها حتى لو شريت جديد

أنا حيرتي أكثر بين تصحليها أو شراء جديد لان السلف شايله من بالي

أنا حسبت أمورها للإستماراه 3600 ريال

النوافذ الأدرعه من الوكاله لما رحت 230 للواحد يعني مع التركيب حول 560 ريال

الكويلات و العضلات حسب الخربان

يعني حول 6000 ريال

و أبي أستخدمها لثلاث سنوات

هل تعتقد انها تسوى...؟

- افهم من كلامك أخوي أنه المحركات بحالة جيدة وكل هذا راجع الى الصيانه الدورية من تغيير (بواجي - فلتر هواء - زيت ....الخ ) والدفرنس أهم شئ مافيه لا ونه ولاتهريب زيت من الكارونه ونصيحتي سواء هذي السيارة أو غيرها لاتفكر تغير زيت الدفرنس سواء كان الشئ لاجراء صيانه كالتغيير صوف العكوس أو مجرد نقص في مستوى الزيت , أما الكويلات أمرها بسيط

- الصدام والرفرف تقدر تعمل لهم رش من جديد بس بشرط يكون الرش عند ورشة محترمه حتى مايكون فرق واضح وكبير في اللون

- عموما أنت حتى لو فكرت تضبط السيارة وتفكر تبيعها فأنا أقولك راح تتعب نفسك وماراح تجيب لها سعر و بالكثير راح يوصل سعرها بحدود 17 ألف ريال أو حوالي هالسعر , أنا أفضل أنك اذا تبي تستخدم تحسب كم راح يكلفك تعديل الأشياء الضرورية والمهمة وبعدها انت حاول تقرر إما تشتري جديدة بالملبغ اللي عندك او تصلحها وتستخدم وتجمع لك فوق هالمبلغ وتشتري السيارة اللي تبيها

شكرا أخوي بشير على الرد

بالنسبة لحالة البويه

الرفرف الخلفي اليسار و الصدام الخلفي صابهم حادث

و رشيتهم في ورشه و الحين تقشر الصبغ

و الأبواب فيها حكات بسيطه ما صبغتها

بالنسبة للمحرك

المحرك قبل خمس سنوات بدلت قطعه بلاستيك في المكينه ما أذكر أسمها

لكن كأداء عزمه ما تغير علي من شريت السياره عدا الفتره الأخيره مع التفتفه

الثلاجه أضطريت أبدلها أول ما شريت السياره لان فيها كسر

و أخترب علي كويل قبل ست شهور فحصتها بالكمبيوتر و بدلته و قالي راعي الورشه راح تحتاج تبدل الباقي قريب لكن ما بدلتهم

بالنسبه للقير

القير ما أدري صراحه عن حالته

لكن ما صابتني مشاكل معاه و لما اشيك على الزيت أحمر نظيف و ما فيه ريحه

بالنسبه للدفرنس

قال لي احد أقاربي في صوت طقه خفيف ممكن ناقص زيت أو فيه شي
و بصراحه انا ما سمعت الصوت
رحت شيكت عليه بالورشه قالوا سليم و مو ناقص زيت

تعليق آخر مهم في الموضوع

حاول أنك ترد على حالة المحركات وبويه - صبغة السيارة لأنها هالأشياء تلعب دور أساسي في موضوعك

أما مسألة المشاكل الموجودة

1- العضلات ( نصيحتي لاتسمع لأي شخص يقولك روح ورشة تربيط وخله يفل جميع عضلات السيارة وتراه الفورد ماركيز ماراح يكلفك شئ هو ليس صحيح أنه تخلي الورشة تغير لك كل شئ لأنه في العضلات أشياء مهمهة التشييك عليها وتغيير التآلف منها والتي من ضمنها ( الأذرعة - الركب أو الاسبندلات ball joint - مسامير التوازن الجلد والربل التألفه خصوصا ربل أعمدة التوازن والمقصات - المساعدات ) وأهم شئ مايكون عندك فضاوة في الدركسون من الدودة

2- التفتفة اذا كانت سبببها مثل ما قلت أنها من الكويلات فأمرها بسيط ولكن اذا سببها شعر وكسر في ثلاجة المكينة فاراح تكلفك والأفضل فحص السيارة بالكمبيوتر وتغيير القطعة المسببه للتفتفه فقط

3- أذرعة النوافذ عطل وعيب معروف في الفورد لها الموديلات خصوصا وطبعا حتى لو ركبت أذرعة أصلية وكالة ماراح تكلفك كثير مع شغل اليد أما التجاري من خلال تجربتي السابقة ابتعد عنه لأنه فتره بسيطة ويمكن لمدة شهر زمان وراح ينكسر ممعاك مره ثانية