مشكور اخوي على الصور الروعه
الامر جدا بسيط بس بالخليج مافيه محلات توفر هالامور ولافيه ناس تشتري
وعلشان تركب كفرات كبار من غير ما تأثر على جودة القيادة لازم تحدد ايش المقاس اللي تبيه مثلا اذا بتركب 33 انش بتحتاج
1 - Body Lift 3 inch رافع بودي 3 انش
2 - مساعدات نوعية قوية
3 - تغيير نسب الدفرنش الخلفي والامامي
و..... بس
ولكن لو تبي تركب شي فعلا قوي وبتركب مثلا 35 انش او 36 انش
بتحتاج
1 - Body Lift 3 inch رافع بودي 3 انش
2 - طقم هيئة امامية يجي عدة كاملة من شركات كثيرة مثل رانشو او برو كومب او فابتك ... اهم شيء تعرف كم تبي يكون ارتفاع السيارة
3 - تغيير نسب الدفرنش الخلفية والامامية او تغيير الدفرنش الخلفي بالكامل اذا كان حجم الاطار كبير جدا يعني 38 انش مثلا
افضل اطارات تركبهم هم الغوديير عن تجربة انا كنت مركب مقاس 305/70/16 فعلا اطار محترم طبعا تاخذ نوعية لجميع المواسم وكذلك سعره زين بحدود 500 ريال للاطار الواحد
بعدين تركيب الاطار فوق السقف ماتحتاج اختراع ولا شيء مجرد سلسلة خاصة لتثبيت الاطار على سلة السيارة وانتهى الموضوع :)
وعلى فكرة الامريكان يحبون يرفعون سياراتهم ويركبون كفرات كبيرة لأن عندهم اوحال وطين وهالامور تحتاج ان تكون السيارة مرتفعة
بحفظ الله :)
