قناة السيارات
السلام عليكم ورحمة الله وبركاته
اسأل الله أن ينفع بكم
أخواني معي سيارة كابرس ماشية 155 ألف
لها سنتين احس التبريد ماهو قد كذا
وديتها كهربائي هاليومين استعدادا للصيف
قال الكمبروسر فيه صوت خفيف لازم تغيره
سؤالي الحين هل فيه قطعه او زيت فالكمبروسر ممكن تكون خربانه
بدل ما أغيره بمبلغ وقدره ويكون مافيه شي !
وكيف أتأكد فعلا انه خربان الله يرضى عليكم
وكم أسعاره فالسوق لو اضطرينا
ولو فيه ورش معروفة فالرياض ولا الخرج تزيل الشك عني
رحم الله والديكم ..
بداية ::: افحص يمكن المشكله نقص فريون .
وبرايي اذا المكيف شغال تمام فلا داعي لتغييره .
التعديل الأخير تم بواسطة اهلا اهلا ; 12-02-2015 الساعة 10:50 PM
هلا أهلا أهلا وسهلا
اليوم رحت لمهندس سوري معروف
ونقض كلام المهندس الأول
قال الكمبروسر سليم وقاس الضغط يقول طبيعي
وفعلا لاحظت يوم رحت من عنده صار يبرررد وفرق معي !!؟
بالرغم انه ماسوى شي بس شبك الساعة لقياس كمية الفريون والضغط
ونسم فيه شوووي !
مسكآت مكيف الكابرس
الله يجزاك خير على الافادة
لتعرف اذا كمبريسر مكيف السياره بالفعل فيه خلل او لا :
طبعا بداية يتم الفحص اذا يوجد فريون بكمبريسر
مكيف السياره بواسطة ساعات فحص ضغط فريون مكيف السياره
واذا لايوجد يلزم اضافة فريون من اجل اجراء الفحص السليم
لمعرفة اذا كمبريسر السياره فيه خلل او لا , وبعد ذلك :::
1- يتم تشغيل زر ال A/C الموجود بمقصورة السياره
طبعا وسويتش تشغيل السياره مفتوح على الطقه الثانيه
اي عندما تكون لمبات طبلون السياره مضاءه دون تشغيل السياره
او يمكن اجراء ذلك ومحرك السياره شغال للفحص بشكل اكيد .
2- يتم الفحص بواسطة لمبة فحص كهرباء السيارات اذا عند تشغيل زر ال A/C
ومحرك السياره شغال كما ذكرت اعلاه ... اذا بالفعل يصل لكمبريسر المكيف
تيار كهربائي او لا يصل , هنا : اذا يصل تيار كهربائي لكمبريسرالمكيف لكنه
لا يشتغل مع ان زر ال A/c شغال ولمبته مضيئه اي لمبة ال A/C مضيئه وال A/C هو زر تشغيل مكيف السياره ,
اذا في هذه الحاله يصل تيار كهربائي
لكمبريسر مكيف السياره لكن الكمبريسر لا يعمل ...
هنا يمكن القول بان كمبريسر مكيف السياره فيه خلل
وطبعا يمكن اصلاحه او استبداله باخر جديد ذات نوعيه وجوده جيده ,
واذا لايصل تيار كهربائي لكمبريسر مكيف السياره
هنا يتم الفحص يمكن يكون فيوز المكيف فيه خلل
ويلزمه تغيير او اي سبب اخر يمكن فحصه لدى ورشه
كهرباء سيارات مختصه بكهرباء السيارات .
لكن هي تلك اعلاه( برايي ) الطريقه الصحيحه والسليمه
للتاكد اذا كمبريسر مكيف السياره فيه خلل او لا .
رد مع اقتباس