القراند شروكي جنني ):

[jeep2001]

السلام عليكم ورحمة الله وبركاته
اخواني الكرام

عندي قراند شروكي 2001 أمريكي من فترة صار يطفى وهو ماشي واشغله يشتغل على طول واستمريت لفترة ثم صارت السيارة تطفى وماتشتغل مباشرة الا بعد 4 الى 5 محاولات .

تركت السيارة 7 شهور تقريبا ثم غيرت لها بطارية وشغلتها واشتغلت من بعد ثالث محاولة لكن مشكلة الطفيه لازالت فحصتها كمبيوتر عند المطيويع قال : حساس الكرنك + حساس الماب + تشييك على الضفيرة وتحتاج فقط 650 ريال شغل يد . تركته ورحت أخذت حساس كرنك فقط بــ 400 ريال أصلي وركبته عند ميكانيكي صديق لي .
وبعدها عبيت بنزين ( 91 ) وقبلها كنت اعبي ( 95 ) وبعد ماعبيتها امبير ساعة البنزين صار بالعكس يعني نزول لأقل من E رحت للبيت وطفيت السيارة وبالليل جيت اشغلها مااشتغلت وسمعت صوت قربعه من داخل الكبوت وتركت السيارة لليوم الثاني وشغلتها واشتغلت من 3 محاولة لكن فيها تفتفه ورجه وتحس المكينة بتطلع من مكانها .. واذا دعست للسيارة تخف قليلا التفتفه ..
وديتها لنجوم الفاو فحصتها كمبيوتر وطلع حساس الكرنك وحساس الماب والكويلات وقالي اتركها نشيك عليها ونعطيك الخبر الاكيد .
من بكره اتصل فيني وقالي البوجي الرابع عليه زيت خفيف ولازم تغيير جلد البلوف وراح تكلف 1800 ريال ويمكن برضه الشنبر يكون فيه مشكلة !!!
لكني ما ارتحت لتشخيصهم طلعت السيارة من عندهم والحين محتار هل كلامه صحيح او لا ؟
مع العلم :
1 - اني ماغيرت حساس الماب للحين .
2 - آخر مرة غيرت فيها زيت حط الفلبيني 5 علب ونصف مع السيفون وان كنت شاك في العدد انه 5 علب فقط .. فهل لزيادة الزيت دور في نزول الزيت للبوجي؟!! (( السيارة 6 سلندر )) .

ارجوا اني الاقي الحل لاني تعبت من مشاكل الشروكي :mad1:

[sr20de]

حساس الكرنك فعلا يسبب مشكله الطفيه.
اما تشخيص السياره للمره الثانيه غير صحيح و فيه خطاء.
لانك لما غيرت حساس الكرنك كان يفترض انك تمسح الكود من كمبيوتر السياره و تجربها و تشوف اذا رجع مره ثانيه كود حساس الكرنك معناها في مشكله في الظفيره حقت حساس الكرنك.
اما موضوع التفتفه قبل ما نقول فيه مشكله في الكويلات لازم تصلح تهريب قازقيت غطاء البلوف لانه ينزل زيت على البواجي و هذا يعطيك نفس مشكله الكويلات و السبب ان الزيت يعزل الشراره و ما توصل الى المكينة.
يعني عشان نتاكد من مشكله الكويلات الافضل تصلح تهريب الزيت اول.
حساس الماب يسبب تفتفه و يسبب مشكلة الطفيه و يسبب مشكلة ضعف العزم و يسبب مشكله تاخير التشغيل.
عشان كذا يفترص ان اللي فحص السياره يسجل كل الاكواد اول شي بعدين يمسحها و يطلع يجرب السياره و يشوف اي حساس اللي رجع و اعطى كود.

[Laramie]

2001
الحين حنا في 2015
يعني الموتر له 14 سنة
الحين عرفت الي يقولون جيب كله خرابات

[just chevro]

طيب اخوي تأكد من طوبة البنزين والحساس حقها

[sr20de]

2001
الحين حنا في 2015
يعني الموتر له 14 سنة
الحين عرفت الي يقولون جيب كله خرابات

عندي رانجلر 2014 ماشي 9300 ميل دخل الوكاله 3 مرات
1- حراره و مالها حل الا لما شريت جهاز البرمجه من ديابلو سبورت و برمجتها بنفسي.
2- وحده من البكرات ضرب فيها البيرنق
3- قبل ثلاث ايام خرب حساس ضغط زيت المكينه و دخلتها قبل امس و استلمتها امس.
السياره شاريها وكاله على ايدي شهر 12 السنه الماضيه و انا مقيم في امريكا يعني مافي حر و غبار و سرعه و استهبال عشان تقول اني جالد السياره لاكن هذي هي زبايل منتجات كرايسلر.
و عندي مكسيما 91 عمرها الحين 24 سنه ماشيه 129 الف ميل و الحمد الله ماخليت مكان في امريكا ما رحت له و اسبوعيا اضرب فيها مشوار 130 ميل رايح و 130 ميل راجع ولا اشتكيت من شي. غير السفر مشاوير 12 ساعه من ولايه الى ولايه.
مدري تكبر و تبطل عقلك الطفولي هذا و تترك عنك التعصب.
السياره اذا جودتها سيئه لو تجلس تمدح فيها من اليوم الين 100 سنه ماراح تقدر تغطي الشمس بمشخال!!!

[jeep2001]

حساس الكرنك فعلا يسبب مشكله الطفيه.
اما تشخيص السياره للمره الثانيه غير صحيح و فيه خطاء.
لانك لما غيرت حساس الكرنك كان يفترض انك تمسح الكود من كمبيوتر السياره و تجربها و تشوف اذا رجع مره ثانيه كود حساس الكرنك معناها في مشكله في الظفيره حقت حساس الكرنك.
اما موضوع التفتفه قبل ما نقول فيه مشكله في الكويلات لازم تصلح تهريب قازقيت غطاء البلوف لانه ينزل زيت على البواجي و هذا يعطيك نفس مشكله الكويلات و السبب ان الزيت يعزل الشراره و ما توصل الى المكينة.
يعني عشان نتاكد من مشكله الكويلات الافضل تصلح تهريب الزيت اول.
حساس الماب يسبب تفتفه و يسبب مشكلة الطفيه و يسبب مشكلة ضعف العزم و يسبب مشكله تاخير التشغيل.
عشان كذا يفترص ان اللي فحص السياره يسجل كل الاكواد اول شي بعدين يمسحها و يطلع يجرب السياره و يشوف اي حساس اللي رجع و اعطى كود.

جزاك الله خير على ردك الجميل والواضح .
انا كنت بصلح القازقيت لكن الفني خوفني وقال يمكن الشنبر يطلع فيه مشكله بعد .. وانا بصراحه ماودي اخسر فيه زياده .
وبالنسبة لزيادة الزيت نص علبه هل ممكن يكون هو سبب وصول الزيت للبوجي ؟! لان اخر مرة البنشري حط 5 علب ونص وهي 6 سلندر .

[jeep2001]

2001
الحين حنا في 2015
يعني الموتر له 14 سنة
الحين عرفت الي يقولون جيب كله خرابات

صحيح انا في 2015 .. لكن ما يمنع وجود سيارة بموديل قديم وصاحبها محافظ عليها .
وسأكتفي برد الاخ sr20de كفى ووفى وما قصر الله يعطيه العافيه ..