صار لي حادث وضاع حقي .. لاحول ولا قوة الا بالله

عليكم السلام ورحمة الله وبركاته

اول شئ الحمدلله على سلامتكم والله يعوضك خير

كان من المفترض تنتظر المرور عشان يكون التنازل رسمي اذا اخذت المبلغ كامل لكن قدر الله وماشاء فعل ويمكن انها خيرة

الآن عندك عدة خيارات .. اما انك تطلب العوض من الله وتكمل باقي المبلغ من جيبك وممكن تكون ضروفهم ماتساعد خصوصا اننا مقبلين على العيد وتعتبرها دافعة بلاء

او أنك تتصل عليه من رقم مختلف وتتفاهم معاه على باقي المبلغ وتقوله انك بتقدم شكوى لو حاولوا يتهربون ( وما اتوقع هالطريقة بتفيد معاهم )

الحل الاخير انك تروح للمرور وتقدم شكوى وتعطيهم لوحة سيارته ورقم جواله وربما المرور يماطلون معك لانكم تركتوا موقع الحادث وما انتظرتوا التقرير الرسمي لكن جرب حظك وشوف وش يصير معاك

وبما انه مايرد عليك فاتوقع والله العالم انه بيماطل معاك هذا اذا كان بيدفع

الله يعينك وييسر لك وهونها وتهون ان شاء الله وكل شئ مقدر ومكتوب

ياليت تبلغنا بالي يصير معاك