كابرس 90

هلا اخوي
لم يتم اصلاح المشكله كامله
بس حبيت اسال المتخصصين في الكابرس بخاخات على عمل تصفيه كامله للمكينه لانه ينتفض على خفيف وش القطع المطلوبه

ودمتو سالمين

وعليكم السلام ورحمة الله وبركاته
الحمد لله على اصلاح الخلل
بارك الله فيك اخوي الكريم على هذه التوضيحات حتى يستفيد باقي الاخوة
تحياتي

السلام عليكم
طلعت المشكله من حساس الهواء وواحد من البخاخات ما يشتغل والشاكوش مع غطاء الديلكو
فقلت انا ابغى اسويلها تصفيه كامله لان اذا عشقتها على R اوDتنتفض فقلت
بغير حساس الهواء وحساس الابنص وانظف البخاخات واغير البواجي في شي ثاني انا ناسيه ذكروني فيه
سمعت ان في ورش تنظف البخاخات بالكميوتر هل هذا الكلام صحيح


ودمتم بالف صحه وعافيه

الله يعطيكم العافيه جميعا وبيض الله وجيهكم
أنا راح أجرب اللى وصيتوني فيه واخبروكم بالنتيجه
بس تذكرت حاجه امكن تفيدكم في حل المشكله اذا وقفت عند اشاره صوت المحرك ما هو ثابت على صوت معين يعني الضغط (ار بي ام) يرتفع وينخفض ان شاء وضحت لكم


دمتو بالف صحه وعافيه

الله يعافيك يا استاذنا الغالي فورومولا ون أنت كذلك أخوي كل الأشيء اللي ذكرتها صحيح وتعمل على عدم تشغيل السيارة ماعدا شئ واحد فقط وهو حساس الكرنك لأنه لا يوجد بالسيارة (الكابرس 90) حساس كرنك والا هو بالأساس يعمل على عدم اشتغال السيارة ولكن كل تشخيصاتك صحيحه وأنا أقول انه حتى البلاتين الخاص بالديلكو اذا كان خربان وبه مشكله السيارة لن تعمل ولن تشتغل أبدا وكذلك الكويل اذا كان خربان يعمل على اطفاء السيارة لأنه هذي السيارة يجئ بها كويل واحد فقط وأنا اكرر مره ثانيه من الأخ ملك الفن اول شئ يعمل على فحص جميع الحساسات وبعد ذلك يرد هل حصل حل للمشكلة او لا

الله يعطيكم العافية اخوي الكريم < عبد العزيز 8 > واخوي الكريم < بشير حسن > ردودكم الحلوة وحشتني .
الحمد لله انكم دخلتم على الموضوع للتوضيح اكثر وارشاد اخوي الكريم صاحب المشكلة لان اطلاعكم وخبرتكم بالسيارات الامريكية افضل مني وفيكم الخير والبركة .
ما زلت متواصل مع هذه المشكلة ومتابع لحين ايجاد الحل المناسب , والتسهيل من رب العالمين جل في علاه .
دمتم في امان الله وحفظه
اخوكم

أخوي ملك الفن اقرأ هذا الموضوع بشكل جيد http://www.assayyarat.com/forums/thread261314.html وراح تلقى الجواب الشافي والحل الأكيد والأمثل باذن الله تعالى مع انه حسب قرائتي لمشكلتك أقرب شئ أنه المشكلة من حساس منظم الهواء اللي نسميه بالعاميه ب (حساس الريس) ومايحتاج اضع صورة له لانه موجود في الموضوع بس انا ما اقدر ااؤكد لك انه السبب منه لأنه لابد ان تشيك بنفسك انت وترى الشئ سهل ومافيه أي صعوبه عرفت أخوي واذا شيكت على جميع الحساسات المذكورة ونظفتها او غيرت اي حساس يحتاج الى تغيير و ولا انحلت المشكلة فالرجاء انك تعطيني خبر

اخوي فورملا ون الله يعطيه العافية ريحنا بمقطع الفيديو واختصر علي الاجابة
شوف مقطع فيديو اخونا فورملا ون في الثانيه 49 بالضبط وقف الصورة فيه حساس الماف سنسر اللي يأشر عليه الرجال وموقعه بين مساحات زجاج السيارة جنب دينمو المساحات في النصف بالضبط
هذا الحساس فيه انبوب (هوز) للهواء هذا الحساس اذا كان انبوب الهواء مفكوك منه او من طرفه الآخر في البخاخ اذا فيه تهريب للهواء السيارة على طول تطفى شيك عليه.

وايضاً شيك على فيوز طرمبة البنزين تلقاه خلف البطارية فيوز صغير مشبوك داخل علبه تفك من اسفل وتنزل معك الفيوز

حياك الله اخوي الكريم
تعبك راحة , انت تامر
في الفيديو المرفق تلاحظ الثروتل بدي عن يمين الثروتل يوجد انبوبين معدنيين لنقل الوقود واحد في الاعلى والآخر في الاسفل متصلين بالثروتل بدي وبينهما لي اسود للهواء .
احد هذين الانبوبين هو لنقل الوقود القادم من خزان الوقود والآخر هو لنقل الوقود الفائض اي الراجع الى خزان الوقود , وحين الفحص يجب ان تفتح الانبوبين لتعرف بالضبط من فيهما هو الانبوب الناقل للوقود القادم من خزان الوقود , ويجب ان تكون حذر جدا حين الفحص حتى لا يحصل حريق لا سمح الله .
اذا وجدت اي صعوبة في فتح هذه الانابيب فالافضل هو حقن كمية بسيطة من الوقود داخل الثروتل بدي بعد ان تفنح عتلة الصمام الخانق ومن ثم شغل المحرك فاذا اشتغل المحرك فمعناه ان الوقود لا يصل الى البخاخين < الحلابات >

http://www.youtube.com/watch?v=TDbRw-xEtyI

بالتوفيق

والله وانا اخوك ما اعرف في البخاخات شي أنا عمري كله على كبريتر
حتى أفكر احوله من البخاخ الى كبريتر وارتاح من الحساسات حقتها
المهم اليوم عبيت بنزين صارت السياره تدق سلف بدون ما تشتغل
وياليت توضح الانبوب الموصل من التانكي الى البخاخ واذا فيه صوره له أكون شاكر لك
وسامحني يا أخوي أتعبتك معي

اخوي الكريم : هل قمت بالاختبار الذي اوصيتك به وهل فحصت الفيش ؟
تستطيع ان تفحص الطرمبة كما وضح لك اخوي الكريم < عبد العزيز 8 > بارك الله فيه اما بجلب الفني ومعه جهاز الفحص وعن طريق تشغيل السلف يتم الفحص حتى وان لم يشتغل المحرك .
او ان تقوم بفصل اللي او الانبوب القادم من تانكي البنزين الى مسطرة البخاخات ووضع هذا اللي داخل علبة مياه معدنية فارغة ويقوم شخص آخر بتشغيل المحرك فاذا لم يخرج بنزين فاعلم ان الخلل في احد القطع التالية :
1- عطل حساس الكرنك او قطع في توصيلاته
2- عطل كتاوت او فيوز مضخة الوقود او قطع في توصيلاتها الكهربائية
3- عطل مضخة الوقود او انسداد في مصافي الوقود او انسداد في مجاري الوقود
ملاحظة : هل فحصت الشرارة الكهربائية في اسلاك البواجي ؟
تحياتي

يعطيك العافيه أخوي
بس كيف أفحص الطرمبه وهي ما تشتغل


دمت بالف صحه وسلامه

اذا السيارة فيها كتمه وضعف بالعزم اضافتاُ للطفيه فأرجح الخلل من طرمبة البنزين عليك بقياس ضغطها

بالتوفيق

انتبه اخوي لما اقوله لك : البخاخات لا تستطيع ان تحقنها بالبنزين , الذي اعنيه هو فتح الهوز الاسود الكبير المتصل بالثروتل بدي ومن ثم تفتح صمام الخانق او البوابة وتحقن بنزين بداخل البوابة ومن ثم تربط الهوز وتعيده الى مكانه وتشغل المحرك , هذا هو الاختبار الذي عنيته .
بالتوفيق

وفي الشهر امشيبها مشوار حول 10 كيلو واعبيها بنزين وارجع اوقفها وافصل اصبع الموجب البطاريه ومن شهر 12 الى الاسبوع اللى راح تمام
بس المشكله امس مادرى وشفيه

السياره بخاخات
السياره توني شاريها في شهر 12 ومن ذاك اليوم الى يومك هذا ما تتحرك كثير بس كنت أشغلها في الاسبوع مره عشان المكينه ما تتضرر وامس جيت أشغله في البدايه قعدت دقيقتين ثم انطفت ورجعت أشغله ثانيتين ويطفي
البواجي وأسلاكها سليمه
انا متوقع من البخاخات او أحد الحساسات لاني ما عندي علم في البخاخات والحساسات
أنا بكره بزودها بنزين واحقن البخاخات شويه بنزين واخبرك بنتايج

دمت بالف صحه وسلامه

الله محييك اخوي الكريم
شوف اخوي : اول شيء نظف اصابع البطارية ومن ثم افحص الفيوزات ونظف الفيش الموجودة في المحرك مثل فيشة الديلكو والكويل وباقي الفيش .ان توسخ الفيش او عدم تركيبها بشكل محكم قد يؤدي الى تعطيل عمل قطع مهمة في المحرك .
بعدها اختبر المحرك فاذا لم تتحسن الحال افحص الشرارة الصادرة من اسلاك البواجي فاذا كانت مضبوطة لا يبقى الا فحص الوقود والتاكد من وصوله بشكل صحيح الى المحرك
ملاحظة : هل سيارتك بخاخات ام كربريتر ومتى عملت اخر صيانة دورية للمحرك ؟
ملاحظة : اذا تاكدت من صلاحية اسلاك البواجي وان الشرارة تصل بشكل صحيح , اعمل الطريقة التالية :
حاول ان تحقن بنزين داخل الثروتل بدي او الكربريتر مقدار البنزين يكون بقدر مليء حقنتين طبيتين ومن ثم شغل المحرك فاذا زادت مدة اشتغال المحرك فمعناه ان الخلل في عدم وصول البنزين بشكل صحيح الى المحرك < كن على حذر حين تطبيق هذه الطريقة >
بالتوفيق
ارجوا ان تزودني بمعلومات وافية عن المحرك

حياك الله أخوي
البنزين على النصف
صفايه البنزين انا مغيرها قبل فتره لكن الهواء مادرى عنه
جربت حركه السويتش خمس مرات والنتيجه انه ثانيه ويطفي علطول بس فيه نفضه بشكل فوي (ينتفض بقوه خلال ثانيه ويطفي)
مع العلم أني أفصل أصبع البطاريه الموجب فقط.
ويعطيك ألف عافيه