وش أكثر سيارة كورية (ماشية) تعرفها بدون مشكلة قير أوماكينة؟

فيه مواقع تختص بصرفية السيارات,
الكوري أقل صرفية من الياباني إذا كانت المقارنة قير تروس,
لكن مع السي في تي الياباني أقل صرفية

داخل المدينه يالمزيون .. الاكورد تمشيني من 680 الى 740
ومره قلت ماراح اتعدى 120 (داخل المدينه) مشاني التانكي يوم ولعت اللمبه 820 كيلو

بخصوص الصرفيه
الكادينزا مميزه بالبنزين و صرفه
مسكنا خط الدمام الرياض 130 السرعه مشانا تقريبا نصف التانكي
400 كيلو .. اذا غبيته كامل يعطيني بشاشه المعلومات من 500 - 600 داخل المدينه

اليارس اذكر يمشيني 450 490 زي الكورورلا

انت جبت طاري التقليد ي قلبي ! :bigggrin:

بالنسبه للصرفيه .. مانب مفتي بالكوري

لكن الامريكي معروف بالخط مايصرف ابد .. اذكر رحت من القصيم لمكه بتانكي واحد

وباقي فيه ربع يوم وصلت .. وفرق يوم تمشي 120 والضغط 1,5 وبين الضغط فوق 2

وفرق بين مكينه سعه عاليه + حجم كبير يرد الهواء ويزيد الصرفيه واشياء كثيره ضده

مع 4 سلندر وسعه صغيره .. وانسيابيتها افضل .. ودفع امامي

ومع ذلك المكاين الامريكيه تعجبك بالصرفيه :xyxthumbs:

لكن عيبها الوحيد بنظري لاجيت تعبي تدفع شوي عكس ام 20 ريال :bigggrin:

^^

انت ماسك خط اكيد ماتصرف ي المملوح انت

انا اتكلم عن وسط المدينه و الزحمات

اقر زين يالمملوح 500 كيلو نص التانكي

الكوري مآيصرررررررف

بعكس الامريكي تمآماً يمزمز ع البآنزين دآيماً

^^

تسولف الله يصلحك ,

تعال فيه انترا ,

يعيبها بـ 18 ريال فل كآمل , تمشيه 550 كيلو !!

سوناتا بـ22 ريال تمشيه في حدود الـ520 كيلو

الكورلا بـ19 لكن تقعد 450 او حولها فقط ,

التقليد اللي يخدمني ويطورني مهوب شيء عيب
ترى اليابانيين ماعرفوا يصنعون سيارات الا لما خذوا سياره امريكيه وفككوها وفهموا كيفية التصنيع .. وطلعوا طلاب يدرسون في المانيا

هونداي اللي اعرفه ان مكاينها القديمه مكاين ميتسوبيشي والحين متفوقه على الميتسوبيشي مهوب عيب !!!!
بس نظرتنا يالعرب انها عيب


وكلامي عن الممشى مهوب المقصد ان ممشى الياباني افضل من الامريكي في الراحه والرساوه .. لا !
قصدي ان اليابانيين قدروا يصنعون سيارات مكاين صغيره تنافس في تسارعها الامريكي ابو 8 سلندر !!

اما صرفية البنزين والله يالامريكي والكوري مع احترامي له يبطي يجي مثل صرفية الياباني .. عندنا ياباني وكوري وامريكي ماتكلم من فراغ

اكورد 2012 طوروا صرفية البنزين فيها والله اني ماشي بها 500 كيلو على سرعة 120 ان التانكي بقي فيه النص !! وصرفيتها ازين من اكوردتي 2009 نص التانكي يمشيني 420 تقريبا

الدفع امامي تكلفته التصنيعيه اقل من الدفع الخلفي علشان كذا الشركات تلجأ له الحين

^

هههههههههههه تقليد اجل .. قصدك منافسه ..

ولا لو ترجع ورا تلقى شركه كاديلاك عندها صناعات لولاها مافيه سيارات متطوره الحين

والحين كل الشركات الكبيره والصغيره ماتصنع سيارات الا فيها .. هل هذا تقليد ؟

وهل هم قلدو على قولتك عشان ممشاها ولا الصرفيه ؟

مع ان الثمانيه سلندر حاليا تحصله اطلق من صرفيه الاربعه سلندر ياباني بنظري .. خصوصا مع نظام تحويل الاربعه سلندر

من ناحيه الصناعات صح .. وكل شي قديم تحصله للحين عايش .. بس يبون يكسبون من قطع الغيار الحين

ماقصد مواصفات السياره
اقصد الروادو من اول والمكيفات في البيت والتلفزيونات القديمه كلها يابانيه ولا يبون الا ياباني .. عندنا مكيفات يابانيه 100% ماركة توشيبا وبناسونيك لها فوق 22 سنه والله تبريدها احسن من مكيفات الحين وماتخرب

بس في السيارات وضع الراحه الامريكيه والمكينه اكبر ويشيل اكثر كان فارض نفسه لكن مايعني ان الياباني ماكان اعتمادي لكن ماقدر ينافس الامريكي لان الناس تهمها الراحه والموتر الكبير في ظل رخص البنزين عندنا

بس كانت السيارات اليابانيه تجي 4 سلندر وفي الممشى مثل الامريكي ابو 8 سلندر :confused1:

حتى كانت فيه مقوله قبل تقول حصان ياباني = حصانين امريكي
واكبر دليل على تفوق الصناعه اليابانيه هو تقليد الامريكي للياباني الحين صار اغلب الامريكي دفع امامي و4 سلندر لانه اقتصادي وممشاه زين

صح صح

خالي يقول مآكآن عندنا الا الجموس , والكوابرس وكم سياره امريكيه نسيت اسمها


يقول الي معه ياباني كان الفقير بلنسبه لهم ,

ماعدا الددسن

ويقول حتى الهآيلوكس مآكآن له قيمه ولا يعترف به ابد ويهربد




الموآتر القديمه كلها 8 سلندر ,

ويوم جاء الياباني ابو 4 سلندر , قامو يضحكون ويمصخرون الي يشترونه وكانو قله الي يآخذون ياباني

^

طبعا الكلام في حدود الـ30 سنه

وحنا من اهل الرياض

يمكن من منطقه لمنطقه تفرق

^

اللي اذكر المواتر الكلاسيكيه تجي بمواصفات ماتتوقعها

تأكد اخوي .. عكست السالفه انت

^^

كانوا يضحكون على اللي يشتري ياباني مهوب انها صناعه رديئه وانت اخبر مني ان التكنولوجيا هاك الوقت كلها ياباني من رادو ومكيفات وغيرها ويبحثون الشيبان عن الصناعه اليابانيه وقتها
بس كانوا يحقرون الياباني ويسمونه قوطي لانها سيارات صغيره مقارنه بالامريكي اللي يجي كلاسيكي ومريح لكن الياباني كان اعتمادي وبقوه

^

والله بيني وبينك ماتأكدت .. لكن هذا كلام واحد عمره فوق الـ 80 سنه

يقول اول مانعرف الا بهباني وفورد وبيوك .. الياباني نضحك عليه وعلى اللي يشتريه

والياباني دخل السوق بقوه صح , لكن ماقدر افيدك اكثر من هالشي ..

سالت ابوي وقال لي حرفيا في الرياض اول ما نزل الياباني الناس اكلتها اكل النيسان 200 ال كان اسمها الطيارة الى منتصف الثمانينات والكرسيدا كانت روعة طبعا الهايلوكس والددسن كان ماشي سوقها اول ما نزلت في السبعينات

من يضحك عليهم خبرني يا اخي

السوناتا (من موديلات 2005 الى 2010 )
وما عندي خبرة كبيرة بخصوصا 2011 وفوق
لكنها من 05 الى 10 مواتر كرررف وتتحمل
قير ومكينة على مستوي عالي

اللي يبي يشوف أرقام فلكية يمر على تكاسي المطار(زورونا الشرقية ترى الجو الحين ما يتفوت وعدت موجة الصقيع بسلام:bigggrin:)
أعرف "شايب" الله يحفظه عنده سوناتا 2010أوتو ماشية 500ألف ولازالت بحالة ممتازة ما شاء الله
طبعا غير قطع أساسية قبل فترة مثل السلف والدينمو وليات الرديتر وغيرها بالإضافة للقطع الإستهلاكية المعتادة
لكن المكينة والقير والعكوس والمكيف والمراوح وكذلك الديكورات والأزرار...إلخ تمام الحمد لله
ومثله الكثير عدوا 400ألف وغالبا قيادتهم هادئة ويحافظون على تغيير الزيوت فما يضر سياراتهم الممشى الكثير
وخصوصا أن السيارات عمرها أقل من خمس سنوات