وش أكثر سيارة كورية (ماشية) تعرفها بدون مشكلة قير أوماكينة؟

^ضيف عندك كادينزا 2011 وصلت 180 الف كيلو و صاحبها اعرفه شخصيا و يمسكها خطوط يوميا للدوامه .. 200 كيلو ماشاء الله ماقالت اح كارفها كرف ..

الكووري اثبت جودته لكن وين الي يجرب

ازيرا خويي موديل 2012 طلعها في اواخر 2011 يعني لها تقريباا سنة و شهرين .. 159 الف كيلومتر
ماشاء الله ماشاء الله
ولا اي مشكلة لا قير لا مكينة لا داخلية
البانوراما سليمة مافيها طقطقة مع انه اكل كثير حفر " كان عنده سيارة من شركة قوية وعريقة ويابانية مابي اذكر اسمها مع بداية ال 45 الف كيلو بدات تطلع طقطقة البانوراما :) "

رجله حارة
عدل على المكينة " حق مقاومات و سباقات " ممكن شهرين كان بس تدعيس و كرف ام امها وبعدين رجعها وكالة

ماكل مليون حفرة :bigggrin: وارجع واعيد الداخلية للحين متمااسكة ماشاء الله تبارك الله
طبعا حقته فل 2012 يعني شاشة و ذاكرة مقعد وحساسات امامية كل المواصفات سليمة وما جتها اعطال
مو مظلل السيارة ولا منجد الداخلية والجلد لسا للحين وكالة !
طبعا المنطقة جيزان واللي ساكن بجيزان اظن يعرف حرارتها بهالأيام توصل الحرارة 34 بالظهر هذا وهو شتاء :)

واخيرا كل القطع اللي غيرها استهلاكية من فحمات وكذا ... الشيء االوحيد انه منتظم بالصيانة مع انه كارفها بس وقت الصيانة يدخلها ما يتاخر
وسيارته بعد ما شفتها شجعتني اخذ الأزيرا وما شاء الله كارفها اكثر منه وما اشتكت من شيء للحين ..

جدي الله يرحمه كان معه جمس وهذا الكلام في الاربيعينيات والخمسينيات وما استلم وكالة الياباني في ذاك الوقت احد ابد كان تعاملنا كدولة سعودية هو مع الامريكان مباشرة

في اواخر الستينات وبداية السبعينات جت تويوتا والكل دخل عليها وصار عليها اقبال كلي والكل يذكر الكلام هذا عندك نيسان داتسون وعندك تيوتا هايلوكس وتويوتا كرونا وبعده جت الكورولا والكرسيدا

والكل يشهد لها بالقوة من ذاك الوقت

من قال انه بدا بسوق قوي !!
روح اسئل جدك و قل له على وقتكم وش كنتو تشترون ..
كانو يقولون لك لا تشتري الا امريكي انت صاحي تشتري ياباني مايشد معك !!
الياباني وقتها كان رخيص رخص التراب وقتها و جودته مش ولا بد لين ما اثبت نفسه اواخر الثمانينات و حاليا الجوده في هبوط مقابل ال$$ الكاش و الربح السريع على حساب ظهور المستهلكين بحجه الشعار " السمعه " انها صاحبه جوده و هي جودتها بالنازل

عندنا سوناتا 2010 مدري 2009 ماشيه تقريبا 95 الف
خراباتها ماوصلت للقير والماكينه واعتبرها خرابات لاتعيب السياره
تحتاج مساعدات وواضح ان مساعدااتها مهيب مثل الياباني تتحمل
وكان فيه تنسيم في المكيف ومايبرد وتم تغيير اللي
غير كذا امور السياره تمام ورساوتها حلوه افضل من الجيل الحالي بمراحل

بس ملاحظتي عليها سوء الخامات المستخدمه

غلطان الياباني بدأ قوي في السوق السعودي والخليجي والسوق الامريكي

اول ما غزو به السوق الامريكي كان تويوتا كورونا واول سيارة اجتازت قانون البيئة الامريكي في السبعينيات كانت الهوندا سيفيك وكانت ذات اعتمادية كبيييرة جدا

+1
كلام سليم .. لكن يحتاج فتره .. مثل ايام اجدادنا يوم كان الياباني مثل سمعه الكوري حاليا عند البعض
الكوري صناعته متطوره جدا .. وجودتها ممتازه .. ومافيها تلفيق قطع صيني واسترالي وغيره
الحين بنظري علامه كيا وهوانداي اصبح لها هيبه بالشارع مثل الـ Gmc و تويوتا
لكن بكون محايد واقول برضه .. ان الكوري لايخلو من العيوب والاعطال مع الاستخدام السيئ والقاسي كبقيه السيارات والماركات
بالنسبه لتجاربي مع الكوري كلها :xyxthumbs:

الكوري عملي محد يقدر ينكر
بس جودة المواد الداخليه يبي لها تطوير

اخوي معه انترا2005 خبط عليه القير مرتين مره ماشي 32 الف ومره على 90 الف
وخبطة المكينه على 111الف تقريبا
بس هو مراهق ولا ينقاس عليه

فان هونداي 134 الف بدون مشاكل في قير او مكينه ..
كيا كادينزا 107 حتى الان مافي مشاكل في قير او مكينه .. بالرغم اني اقاوم فيها و رجلي حارره جدا :)
+ مغير بواجي و سير و بكرات شداد يوم وصلت ميه

هونداي النترا 2008
460 الف كيلو متر .. خبط المكينه يوم وصلت 425 الف كيلو متر و توه مغير مكينه جديده

سوناتا 2008 125 الف بدون مشاكل في قير او مكينه

الكوري يحمل جوده ممتازه في القيور و المحركات لكن وين الي يجرب ..!!

عموما الكوري في السنين الاخيره اثبت نفسه و ما ينكر ذلك الا مكابر او جاهل

ولد عمي معه سوناتا ٢٠٠٦ماشية ٣٤٠ الف بدون مشاكل ما شاء الله

ابوي معه سوناتا ٢٠٠٩لمشاوير الرياض ماشية ٢٥٠ الف بدون مشاكل ما شاء الله


هي على الاستخدام الحلو لو صيني يعمر معك

وياما شفنا هليات بسنة تخبط وهي اكثر السيارات صبر

موفق*

النترا 2007 مكينة 1.6 قير عادي مشت 282000 بدون مشاكل ماعدا تغيير 2 كويل مع بواجي

بالنسبة لي جودة المكاين تحتاج تطوير لاني قريت كثير مكاين سوناتا مخبطة على 150 و 200 الف

لكن لا يمنع ان تكون واحدا من ملاكها فتحسنت كثير عن اول

ممشاي عادي ولكن رجلي حارة جدا 2007 أزيرا 3300قوة المكينة الممشى 160000 ألف وأتذكر واحد كتب تجربته اكسنت مشت 400000 بدون مشاكل بس ما أتذكر الموديل