خلااااااااااااص بشتري الماني بعد ما رجيتو راسي فيه

ههههههههههههههههههه

فعلا كم انا متواضع :smilie16:

كلام مشرفنا العزيز سهيل


هو الاصح وكلامه ميه على ميه ... تحياتي

انا قلت الحين الرجال قرر يشتري ألماني ويستمتع شوي الا 30 الف


الله يصلحك اخوي بس

موفق بالشراء

هلابك اخوي ,, والله يوفقك ان شا الله وتحصل اللي خاطرك فيه

وبخصوص المرسيدس ، انا حاليا معاي فياجرا 2002 لارج 320 ..
صراحه السياره ممتعه بالقيادة وفعلا الالماني سواقته غييير عن السيارات الثانيه خاصتا اني كنت املك ماركيز .

وبالنسبه للخرابات ، السيارة كانت مع اخوي قبلي والحمد لله ما اشتكى منها ابد وبالعكس قطع غيارها جدا رخيص " الاستهلاكيه " زي الفحمات وغيرها ,, وبعض القطع تقدر تركب عليها قطع الشبح القديم "زي البواجي " وغير كذا قطع الفياجرا لها اكثر من درجه واكثر من نوع وجودتها كويسه ،، يعني على حسب ميزانيتك واهمية القطعه اختر الدرجه المناسبه من قطع الغيار .
والهيدروليك ,, السياره لها مع اخوي سنتين تقريبا ولها معي كم شهر . اخوي غيرمساعد هيدروليك مره واحده اول ما شراها ، لانها كانت موقفه لفتره ,, والى الآن ولله الحمد ما اشتكت المساعدات ، بس للامانه بقدر المستاع احاول اني انتبه من المطبات والحفر وما عليك ان شا الله ..

هذا اللي حبيت افيدك فيه ,, والله يكتب للجميع اللي فيه الخير ..

المرسيدس C تحصلها بحدود الـ 30 الف , موديلات 2003 ـ 2006
اما اللكزس GS , فهذه سيارة ممتازة جداً :)

انا حاب اغير عن الفورد
يعني لو اخذت تاون كار 2003 سواقة الماركيز و كل شي زيها
و انا غسلت يدي من الفورد نهائيا مافيه رساوة و غالبا تلاقيها مهربدة

المرسيدس c من 2003 الى 2006 اسعارها من 40 الف الى 50 الف

افكر باللكزس GS 2003

شكراً يا سوبر سفاري على التوضيح :)

انا أنصحك يا صاحب الموضوع بـ لنكولن تاون كار شاص طويل 2003 أو 2004
( تحصلها بحدود الـ 30 الف )

و المرسيدس S 1999-2000 تحصل النظيف و الشاص الطويل ب حدود الـ 30 ـ 35 الف ريال

BMW الفئة الثالثة ما أنصحك فيها , و الـ مرسيدس C ممتازة , خصوصاً موديلات 2004 ـ 2006
و تحصلها في حدود الـ 30 الف ريال

انا اقولك تاون كار 2003 شاص طويل و نظيف , السيارة ممتازة في كل الاستخدامات :)

و أي سؤال , انا حاضر

الأودي سلمك الله لو خرب فيها شيء فإن التكلفة لو قلت لك مثل المرسيدس ثلاث مرات فربما لم أبالغ! أسعار قطعها خارج المعقول! و أنا أستغرب هذا الشيء من كل سيارات مجموعة فولكسواجن (أودي - سيات - سكودا - فولكسواجن - بنتلي - بورش) تشوف أن سيارة صغيرة منهم قطع توضيبها مثلاً يجاري توضيب مكينة الفئة السابعة من BMW أو S من مرسيدس و لا أتكلم من فراغ!! شفت الورشات.
أنسب شيء مرسيدس و بي إم. و على فكرة: البي إم عملية و أطول عمرًا افتراضيًا من المرسيدس , بس أصعب في الصيانة ,, بس هذي سلبيتها , و لا هي أحسن و أمتع في القيادة.

شكرا جزيلا على الافادة
و انا اشوف ان الفئات الصغيرة مثل c200 او bmw m3 بموديلات 2002 - 2004 افضل من الفئات الكبيرة مثل s او mbw m7 موديلات 95 - 2000

ان شاء الله حتما حامتلك سيارة المانية عريقة

الا اقولكم - ما كناكم نسيتو الاودي >> مشورتكم

إذا الميزانية 30 ألف ريال و تحت , فإن الموديل و حجم السيارة سيحكمك.
و الناس الي تجيب أي يسارة وكالة و تستخدم 5 سنوات و بعيدن يبيع.. هذول الناس ما تقدر تأخذ منهم كلام ؛ لأنه حتى لو جاب كوري بيقولك لك: مية مية ما يخرب نهائيًّا. لا تنسى أن العمر الافتراضي يتفاوت ما بين الأوربي و الآسيوي. فانتبه لمسألة موديل السيارة و كم ماشية.

أنا أقول مثلاً من هالمبلغ تقدر تجيب الفئة E موديل 2002 و ماشية تقريبًا 200 ألف ك. يعني هذا تقديري.
و أنا أنصحك بالفئة E بالذات لكونها تجمع ما بين الحجم المعقول و قلة تكاليف الصيانة في حال لو صارت صيانة.
الفئة S خصوصًا الفياقرا من 99 و حتى 2003 كانت هذه الدفعة قد صُنعت بدون فترة اختبارية. مما أدى إلى بيعها بدون معرفة العيوب و قد حصلت العيوب. بينما لا تجد كثرة الشكوى من الجيل الجديد (البانوراما).
أكثر شيء في ذا الموديل هو الأعطال الكهربائية , و الأشهر من ذلك: الهيدروليك الذي لا يخفى على أحد حتى غير ملاك مرسيدس. بينما الفئة E أقل أعطال و أهون في سعر القطع و حجمها زين لعائلة متوسطة. و لا تشيل هم لو جبته 200 أو 320 يعني ستى سلندر , ترا كله عملي و لا تخاف من الستة سلندر. بس أن القطع الإلكترونية في مرسيدس غالية شوي , بس ما هي حساسة و لا تخرب بسرعة.

شطحة صغيرة:
أخوي (حياة التميز) -الألتيما أو أي أي سيارة يابانية أخرى- لا تٌقارن بالكامري علشانها نفس الفئة , حتى لو أخف وزنًا , ليس الوزن هو عامل الرساوة! البي إم الفئة الخامسة مو بعيدة بالوزن عن السيارات اليابانية المتوسطة.
أحد الأقارب ماشي على ألتيما 2010 بسرعة 140 على خط سفر و ضرب الكفر الخلفي , و فعلاً ما حس بشيء إلا سماع الصوت فقط. ترا الأكورد -بجانب الألتيما- هندسة نظام التعليق فيها ممتازة مو زي الكوري أو التويوتا. يعني الرساوة بهالسيارتين تعتبر الأفضل في الآسيوي و رائع جدًّا , لكن بالطبع مو زي الأوربي.
و معليش للخروج عن الموضوع.

ماشاء الله تبارك الله

الفياقرا داخلة مزاجي بقووووووة بس السعر :blue:
اما البي ام فالموديلات القديمة منها غالبا تلاقيها مبهذلة و شكلها لك عليه :wink:

طبعا سالفة مطب على 140 هاذي من نسج الخيال و اللي ديورر على 260 هاذي مستحيلة لكن انا قاعد اوصف قووووووة مدح الناس في الالماني

يعني برايك اخذ ياباني او امريكي 2003-2007 او الماني 90 - 2000

مع اني خايف من الخرابات :blue:

الزبدة دام فيه مرسيدس s 99-2000 بسعر 20.000 - 30.000 فهي الخيار الاول
لكن الاعتمادية و العملية ما اتذكر ان الماركيز ارتفعت حراتها يوما او خلتني اصفط على جنب او خربت خراب يكلف اكثر من 300 ريال :xyxthumbs: ( ماركيز 2009 )

طيب ايش رايك بي ام 3 او مرسيدس c يكون موديلها اجدد شوية :wink: