ارجو ممن لديه خبره او دراية بهذا الموضوع ان يدلو بدلوه
بعض السيارات يهوي سعرها بشكل غير معقول بعد البيع مثل الماركيز والبعض الاخر يبقى صامدا مثل الكامري
بيجي واحد ويقول لان الكامري مرغوب اكثر بقوله وقف لحظة وقول لا اله الا الله
فورد ماكيز مرغوب وبقوه ويكفي انك ستجدها في كل حاره وفي كل لفه ودوار وجسر وكبري وموقف سيارات وانا شخصيا عصر هذا اليوم وانا امشي في سيارتي قلت خلني اركز على الشوارع واشوف كم ماركيز بشوف بالشارع وكم كامري ولاحظت ان الاغلبية هي للماركيز خاصة انه فيه شركات عندهم عدد كبير من المهندسين معطينهم سيارات ماركيز لانها تليق بمستواهم اكثر من الكامري او اي سيارة اخرى من تويوتا ما عدا بعض جيوب برادو
طيب لنعمل مقارنة بسيطة بين سيارة ذات وزن وسمعه مثل فورد ماركيز وبين سيارة تسمى اصطلاحا سيارة مثل الكامري
الماركيز اكثر رساوه من الكامري وهذا شيء معروف
الماركيز اكثر راحة واكثر اتساعا بالداخل من الكامري
الماركيز اقوى عزم وهو ذو 8 سلندر والكامري اقل من الماركيز و 4 سلندر
الماركيز اقوى في الهيكل الخارجي من الكامري
الماركيز اقل سعر والكامري اغلى سعر
الماركيز ارخص في قطع الغيار والكامري نار تحرق الاخضر واليابس
الماركيز ذات منظر مهيب وحقت كشخه والكامري تليق بالمراهقين اكثر من الكبار
هذا اللي اذكره على السريع بين الفروق الكبيرة بين الماركيز وبين الكيربي اللي يمشي على اربع تواير المسمى كامري
طيب ممكن تفهموني ليش هذا التناقض
هل هو راجع لثقافة المشترين ام هناك اسباب خفيه لا نعلمها
