و الحل مع السائقين الصغار ؟!!

لا اؤيد ابد على ايامنا قبل عشر سنين و ما نرض الا 18 الحين لازم فوق 18 بعد
وش 16 سلامات حتى لو معه جميع الاهله

ليس كل ذكر بالغ رجلاً! فكم من ذكرٍ عمره 40 سنة و يفتقد الرجولة! فاللفظ ليس قويًّا لا سيما في هذا الزمن. و لا يُعمم , لكن هذا الغالب.
و ليت كل الناس مثلك أنت و أخوياك متربيين :xyxthumbs:.

السلام عليكم ..

والله يخوك أخطأت بالتعميم خطأ فادح

أنا عمري 16 سنة .. وبديت السواقة تقريبا قبل سنة..

الحمد لله عرفت وين الخطأ فيه .. في الأهل والتربية فو الله اللي مربيهم على التصرفات الصحيحة فهذا أتحداك يسوي شيء بالموتر درفت وغيره..

عندي كم واحد من أخويائي معهم مواتر الحمد لله مضبوطين ...



شطحة : إذا كان أبو 15 أو 16 سنة طفل .. فمن الرجال ؟؟

ألفاظك قوية شوي

شكرا لك :)

انا عمري 14 واسوق واروح على كيفي طبعا الطرق الرئيسية اخوي ولا ابوي
واوقات انا اذا الفجر او الظهر اروح على بالي

عادي يسوق ويتعلم

السبب الاول يعود الى الاهل . لابد من التوعيه و الحرص على الابناء .

السبب الثاني : لا توجد عقوبات صارمه من المرور في مثل هذا الوضع .

السبب الاخير : اختبار الرخصه قمة في المهزله لا يوجد اي تعليم يذكر للأسف الشديد !



ما اقول الا الله يحفظنا ويبعدنا عن الحوادث

اسمع افرشه وخذ سيارته :smilie16:
الله يعيين على الاطفال سببو حوادث للناس واجد خطاء يعطونه سياره وهو باقي ورع

شكراً على موضوعك حبيبي ..
واساساً مافي شي اسمه سن 16 سنه ؟!!
اقل شي 17 سنه ..

والله يعيين ع الاطفال والله ..
المشكله تلاقي عمره 14 و 15 واهله يمسكوه سياره ..
قبل فتره انا فـ الدوار خش عليا بزر عمره مايتعدى الـ 15 وصدم الرفرف عندي
انا داخل الدوار وفي طريقي الا واخونا فالله يجيني من بعييد طاير ويصدمني ..
لا والمشكله معاه اهله وامه .. الولد نزل يبكي وامه نازله سامحنا سامحنا..
طفل يخلوه يسوق سياره ولمن يصدم يجلسوا يبكوا.. :mad1:

ولايهونون الشيبان والسواقين طبعا مو كلهم بس اغلبهم مفهي

-----
طيب إخوي- هالحيـن
انت تفكر لاوديته للضآبط يبي يصير شي؟
مجرد مخالفة مرورية عدم وجود رخصة بمبلغ مآلي
وإن تكررت نفس الشي
حتى وصلت عندك 100 مخالفة عدم وجود رخصة
ماهو صآير
شي
يعني بالعـربي فية فئة ماتردعهآآ إلفلوسسسسسسس-
إشوووووف انه لو يخلون نظام المخالفات المروريه فية سجن يكون إفضل بالنسبة
لللآشخاص الي من الفئة هاذي -0-

يعني الصراحة هو شي مو حلو
بس وش نسوي لاكان ابونا جاي من الدوام تعبان واخونا الثاني لاهي مع ربعه ؟!!
نخلي ذا البزر يسوق على الأقل أحد نقدر نفرض سيطرتنا عليه ويطيعنا
صح هو شي مو زين لكن للضرورات أحكام وبعدين كيف يتعلم اذا ما ساق قبل
لازم يتعلم يشوف الناس وش تسوي ويسوي زيهم
الله يعين على كل حال
موضوع موفق أخي .....استمر

اقول انتم على الاقل تهون بلاويكم على اللي عندنا حنا بالشمال بالجوف اللي عندنا اغلبهم سياراتهم تايوتا هايلكس وفوق السرعه والاستهتار يجونك فاكين اللوحات الجانبيه عشان يطلع منظرها احلى على قولتهم


لا ومن صف اول متوسط لازم يداوم على الهلي ولا خوياه يسحبون عليه

لكن يازين من شرا جمس رفرف واللي يستهبل اصدمه ولا اطق له خبر

هاذا خالي وهو رايح للبحرين تعب وخلا زوجته تسوق بداله
يعني تخيل الحريم عندهم كلهم يسوقون بعبايه
المهم المرور شافو اللوحه وعلى طول وقفوها قالو ساجنينها ساجنينها
نظامهم ما ردهم بعد الله الا امير عندهم صديق لخالي توسطلهم عند السجن
يعني شوف النظام عشان شكو ان ما عندها رخصه وقفوها
فما بالي بالي عمره تحت ال17 ويسوق!!
^^^
عمره 17 وكم شهر هع

هههههههههههههههههههههه ياكثر هالدلوخ اللي يقولون هالكلام :bigggrin:

بس انتبة ياخوي اذا معك عيالك واهلك لاتوقف ولاتفكر تتحارش مع هالاشكال

وابعد عن الشر وغني له :wink:

يا رجل خلها على الله

المشكلة الآن حتى أبو 20 و 25 يطير ويسرع ويقطع الإشارة

وأحيانا ًيخالف ويغلط عليك في السير 100% وفوق هذا يزعل :confused1:

وشوي و ينزل يطقك بعد :smilie20:

قبل كم يوم أمشي أنا وعيالي بوسط الدوار في أمان الله إلا ذاك اللي داخل علي باغي يااكل جنب السيارة كله ومسررررع !

طبعا ً أحقية السير لمن بوسط الدوار بس من تعلم :blue:

شوي ألا ويوقف من بعيد بعد ما شفته في المرايه ووقفت !

قال لي بصوت عالي أنت عميان ! ما تشوف :a120(115):

الأخ شين وقوي عين بعد لكن كبر أخوووي الكبير هذا وش أرد عليه وش أقول له ؟!

نصف سياقة الشعب رايحه فيها والمصيبة ما هم عارفين أصلا ً أنهم يسوقون غلط

وفي نظر كثير منهم أنك أنت الغلطان عليهم

المشكلة وأنا أخوك في المرور عندنا ... والله لو عندنا مرور صاحي وقيادته حازمه مثل مرور دبي وبعض دول الخليج

ما شفت مثل هالفوضى والحوادث وعدم المبالاة بالنظام

لكن الشكوى لله

تحياتي لك

^ياليت علشان نفتك من السرعة في خط خدمة :a1120(82):

لا أويد قيادة الطفل (و أسميه طفل لأن الأصل هو التمييز و ليس السن) الي عمره 16 سنة.
السبب هم المرور المهملين. فالحين بس بنظام ساهر لأنه مصدر دخل مخالفات مضمون ؛ لأن الأفراد من جنبها. هكذا افراد المرور , هم سبب تفلت النظام!
ليتهم يحلون مشاكل ثانية غير السرعة مثل قيادة البزران مثلاً , تعدي خط الإشارة و هي حمراء , التوقف مع إغلاق المسار الأيمن في الإشارات... أشياء قد شعر راسك يعني.
ما ودي أشعّب الموضوع , لكن ليت كامرات ساهر يصنعوا منها كاشف بزران.
تصور البزر , و ترسل إعلام مخالفة على جوال ولي أمره بـ 1000 ريال أقل شيء.