وكلاء السيارات في الخليج -= أدخل وشارك =-

احسن و كيل عبد اللطيف جميل هو وشلته ( يعني ولد عمه و نسباته )

و اسوأ وكيل هو الجفالي ... لأن الجفالي ما يهتم الا بالامراء و الشخصيات

و اعتقد انه يقول .. ليش اتعب نفسي و ارضي الناس و العملاء و انا سيارتي ماشية في السوق ......




و اصلا الجفالي ما نشوف له دعايات للسيارات ... بس شوية لأنه ضامن انه يبيع

و لو تشوفون قطع الغيار كيف اسعارهم ما تنامون .. واذا وديت سيارتك الصيانة على الضمان و هي ما فيها شي يلعبون بسيارتك يخلوك ما تجيبها على الضمان مرة ثانية

غير توكيلات الجزيرة لا تدور خدمه راقيه أخوي شاري من عندهم كراون فكتوريا صدق بالله يدقون عليه على الجوال يذكرونه بمواعيد الصيانه وإذا رحت لهم أنواع الحفاوه به والخدمه الجيده والسريعه في نفس الوقت

أسوء وكاله هي الجميح والزاهد وافضل وكاله تويوتا ولكزس ..

انا سياراتي طلبية وبس هعهع
مع تحياتي

السلام عليكم

شكرا أخي DEAD لطرحك هذا الموضوع الجميل لشفاء غليل بعض الأعضاء

الناس هنا كلها متشائمين من الجميح طيب ليه تاخذ من الجميح؟؟؟؟؟

اللي يبي يشتري لومينا أو كابريس ياخذ من التوكيلات العالمية للسيارات أفضل من

الجميح بكثير بس العيب الكبير فيه أنه لايوجد الا مكتب استقبال واحد يستقبل الناس

فيه بينما وكالة عبداللطيف جميل توجد 3 مكاتب استقبال لسيارات تويوتا و مكتب واحد

لسيارات لكزس.

وهناك عيب كبير في التوكيلات أنه اذا أردت ان تصلح صدمة دفرنش قير و و و

يجب ان ان تأخذ سيارتك الى الدمام (في المنطقة الشرقية) والا المعاملة الحمد لله

تمام مافيها شيء.

نأتي لوكالة عبداللطيف جميل :

طبعا اللي عندنا بالأحساء هو ال TOP لانه اكبر فرع في الشرق الأوسط على كلام

مندوب المبيعات عندنا بالأحساء ماشاء الله ماخذ نصف قرية المطيرفي

يوجد معامل صيانة كثيرة في عندنا تقريبا 3 قاعات وكراج كبير للصيانات الخفيفية

كتغيير الزيت والفرامل ووزن الكفرات ...الخ

عيب كبير موجود عندنا ايش هو؟؟؟؟؟؟

الزحمة زحمة يانــــــــــــــــــــــــــــــــــــاس ماتتصور الزحمة على الرغم من أنه

أكثر الوكلاء لديه مكاتب استقبال للصيانة (نسيان والعيسائي والتوكيلات و الكفاح للهوندا كلها مكتب واحد) بينما التويوتا كما ذكرت سلفا 3 مكاتب لتويوتا وواحد للكزس

كل السيارات تويوتا>>>>>>>>>>> هذي المشكلة

والحمدلله التعامل لبق كما ذكرتم سابقا

وكالة الجبر

ما أدري ليش ذامين هالوكالة

أنا عندي وكالة نيسان الجبر ثاني احسن وكالة بالاحساء >>(الظاهر لأن عيال الجبر
بالأحساء وراعيها موجود عندنا) ماشاء الله تنسيق وترتيب وتنظيم ويعطيك الوقت
بالتمام وترى مهو غالي في الصيانة ومشاكل السيارة مقارنة بالوكالات الاخرى

؟؟؟؟؟

ميتسوبيشي

طبعا حرمنا من العيسائي وجانا وكيلين من أزفت مايمكن

(محد معطي الأحساء قدرها غير عبداللطيف جميل)

فرعين متنافسين في الاحساء

1- الخواجة ميتسوبشي
2- العبدالقادر ميتسوبيشي

وأكره شيء في الوكالتين

انه تبي تشيك السيارة فيها مشاكل كهرباء ميكانيكية على طول يقولك مقولته الشهيرة:
رح للعيسائي بالدمام

وين اودي سيارتي للدمام ؟؟؟؟؟؟؟

بسطحة وانا وش ذنبي اوديها (وهذا من أسباب قلة سيارات ميتسوبيشي لدينا)

ويكفيك أسعار قطع الغيار جات فترة كان سعر كرسي الماكينة الواحد للباجيرو

بــ2000 ريال؟؟؟؟؟ ياعالم من يشتري سيارة سعر قطعها بهذا الشكل

يقولون الحين سوو تخفيض بنسبة 60%

هوندا

وفي العادة ( محد معطي الاحساء قدرها)

حرمنا من عبدالله هاشم ما عندنا وكيل رئيسي

من وكيل الهوندا ؟؟؟؟ هو نفسه وكيل الكيا والدايو

الوكيل هو شركة الكفاح ؟؟ من اصحابه ؟؟؟ أسرة العفالق

وطبعا وكيل موظفوه لاينتمون الى عالم اللباقة بشتى الصور

عند دخولك اليهم هدفهم الرئيسي المادة ( حياك تفضل شف هالسيارة عندنا خصم عليها )
والا السيارة لاخصم ولاشيء ما عنده ما عند جدتي

لا ولجيت مرة ثانية تسال عن سيارتك وصلت والا لا

يقول: لاتجي ( يزمر ) وبعدين يقول أنا بأدق عليك ( ونفسه في خشمه)
قفلت معاي لو موجود الهندي كان لعبت بذاك لعب السبلة

وطبعا الصيانة عندك صدمة عندك قير على طول المقولة الشهيرة: رح الدمام عند
عبدالله هاشم اخخخخ وقطع الغيار الله لا يوريك

وهذا السبب اللي خلاني ما أخذ هوندا اكورد

ليه لأن مافي وكيل في تسليم سيارات ومكان تغيير للزيت بس.

الناغي ماعندنا نهائيا فتح فترة وقفل مرة وحدة ولا عاد بيرجع محد يشتري

الجفالي انسى مرة وحدة يقتح بالأحساء (قلت لكم محد معطي الاحساء قدرها)

الجميح ماعندنا نهائيا وكالة اسمها الجميح على انها من أكبر الوكالات في السعودية

العيسى >>>> أبركها من ساعة ماعندنا وكالة لها

مازدا وميركوري عندنا وكالة لها فرع رئيسي بس ما أعرف طريقة شغلهم

ماعندنا تعامل معهم

فور وتاون كار طبعا مثل ماقلت لكم محد معطي الأحساء قدرها

ماعندنا فرع لوكالة الجزيرة عندنا وكيل خاص بنا يعني سبيشل معطينا>> امحق

الملحم لسيارات فورد وتاون كار؟؟؟ وش رايكم بالاسم ؟؟؟ ماعمركم سمعتم فيه

يكفيك ان الوكالة ماتجي اقل من خمس وكالة عبداللطيف جميل

لا ولما تخش الوكالة كأنك خاش غابة مهجور ماتشوف احد يبيلك تبح صوتك لين

تشوف واحد لا والصيانة أحلى وأحلى الحين القطعة ب 300 ريال التركيب

او اسمه (شغل يد) بــ 200 ريال والله فلة بالأحساء اللي راعي مشاكل يجي

عندنا محتاجين شوي يعلمون هالوكالات اخخخخ لا والطلبية من الدمام

دايما يقولون الدمام الدمام الدمام اخخخخخ

طبعا الكاديلاك والشيروكي والفيراري(مصدق عمره كثير) ما عندها فرع عندنا

مقولتنا دائما: ( محد معطي الاحساء قدرها والا خير السعودية كله منها
النفط والغاز الطبيعي والتمر والرطب كله من عندنا)

خشينا عرض بالسياسة : لووووول

تحياتي لكم

انا اقول ان المعرض وايد ليه اثر في الزبون.
واقول ان معارض الياباني كلش ما عندهم اخلاق ومعارض الالماني وايد متكبرين يعني ما يخلون اي واحد شوف السيارة وما يعطونك اهميه ادا شافوك مو ناوي تشتري لكن انا افضل معرض دخلته هو الامريكي لين تدخل راسا اجي ليك الموضف وايشرح ليك السيارة واراويك العروض المميزة والشي الزين الى في السيارة ويعطيك رقمه ادا تبي تستشيره في السيارات او اي شي وهدا يجدب الزبون ادا كانت المعامله طيبه .........ومشكورين

أخويN.M.N

تحياتي أخوكILove760you

مشكوووووووووووووو
ووووووووووووووووووووو
رررررررررررررررررررررررر على هاذا الموضوع الجميل



تحيااااااااااااااااااااا للكل اااااااااااااااااااااااااااتي

ماجربت ولا وكالة الا الجميح
وارى انهم اكثر من ممتاز
شغلهم رائع
مع التحية

اخوي I Love760 you

انا ما قلت شيء ......... بس اقول الله يهون عليك شقا الجميح

تحياتي

أجل من وين عزيزي N.M.N

اخوي I Love760 you

الله يهونك عليك ....... اللومينا مع الجميح

تحياتي

أسوأ وكاله الزاهد
وأحسن وكاله المتحد حقت الـDoog و الـJeep..............
سراحه أبي أشتري لومينا لكن الجميح شقا؟؟؟؟؟؟؟؟؟؟؟؟؟؟؟


((ولكم تحياتي))ILove760you

اخي swiss_snow مشاركتك رائعة ومفصلة بشكل ممتاز اما عن وكيل مرسيدس فهو عار على شركة مرسيدس ان كانت هذه خدماته وهذا وضعه

الى الان عبداللطيف جميل هو أفضل وكيل في المملكة بشهادة الزوار ولكن ... ماذا عن الاخرين ؟ كيف هو وضع وكيل فورد و كرايزلر و BMW و و و نريد آرائكم فانتم تمتلكون سيارات من انواع مختلف ونريد منكم ان تشاركونا بتجاربكم مع هؤلاء الوكلاء

بحفظ الله :)

يعطيك العافية dead على الموضوع الرائع....
في البداية اعتقد ان افضل وكيل هو عبداللطيف جميل وكيل تويوتا لعدة اسباب:
عند السؤال: الموظفين على وجوههم الابتسامة الدائمة والادب واللبقة في الحديث بالاضافة لتكريمك بعصير او شاهي (حسن ضيافة)
عند الشراء: انت هنا ملك. ياتي معك الموظف البائع لتسليمك السيارة مع اعلامك بتفاصيل السيارة بالكامل مع العلم بانه يعلمك بها قبل الشراء وايضا يتم تسليمك cd's كهدية بالاضافة الى تقويم مكتب فخم.
بعد الشراء: الصيانة لديهم اكثر من رائعة ومرتبة
فيجب ان تاخذ موعد للسيارة وتذهب من دون انتظار.
خلال الصيانة يتم الاتصال بك على جوالك لاعلامك بكل التفاصيل واخذ موافقتك على اصلاح الاعطال الطارئة
عند الاستلام: يتم تسليمك تقرير عن السيارة وما تحتاجه من صيانة في الخدمة القبلة.
ولكي لا اهضم حقهم والحق يقال بان جميع موظفيهم على درجة عالية من الاخلاق وحسن الخلق بالاضافة الى ذلك كله ولكم ان تجربوا: ضع اقتراح او شكوى في الصندوق المخصص وانتظر 48 ساعة
ستم الاتصال بك والسؤال والتاسف والاعتذار حتى ولو كنت قد كتبت اعتذرا!!!!!!
وسوف يتم الاتصال مرة اخرى بك بعدها بفترة لسؤالك عن مدى رضاك من الاتصال الاول.
اما بالنسبة للوكيل الاسوأ: فكل وكلاء السيارات الاخرين الذين تعاملت معهم لم اكن راضي ابدا عن خدمتهم.
نيسان:
1- وكالة من غير نظام.
2-موظفين ليس لديهم ادنى مستوى من اللباقة في الحديث (الصيانة).
3-مستحيل انك تستلم السيارة في الموعد المحدد او حتى انهم يتصلوا ويخبروك بالتاخير.
ولكن من مميزاتهم ان موظفي الاستقبال قمة في الاخلاق وروح التعاون

الجفالي:
هذي الوكالة لا ترقى باسم مرسيدس ابدا ومن وجهة نظري الشخصية اعتبرها الاسوأ
1- عند زيارة المعرض تعامل كانك خادم (بدأ الوضع يتغير بعد ان تغير موظفي الاستقبال الى سعوديين) (فرع جدة)
2-عند الشراء "خذ سيارتك ولا تورينا وجهك"(قبل 4 سنوات)
3-الصيانة وهذي يطول عنها الحديث......
صيانة في غاية القذارة
موظفين في غاية الانحطاط
تذهب اليهم وتنتظر الين يرضى عنك الموظف (لو عندك موعد راح تنتظر ساعتين ولو ما عندك الله يعينك)
بعدها يجي مهندس ويشغل سيارتك ويحط المكيف على الاخير ويحرق فيها قدامك ويقولك لازم نتاكد! تتاكد من ايش يا بابا؟
بعدها تفاجا باعطال مالها اول من اخر الخ..............
وبعد المعاناة هذي كلها ما تستلم سيارتك في الوقت المحدد! التاخير (اكثر من يوميين)
وعلى فكرة عمرهم ما يتصلوا عليك
وفي النهاية لم يكن غرضي الدعاية او التشهير ولكنها تجارب شخصية ليس اكثر
احب ان اذكر اني مازلت اتعامل مع عبداللطيف جميل واوقفت التعامل مع الجفالي (الله يخلي المهندسين المحترفين والله احسن الجفالي)
واسف للاطالة

مشكور اخوي N.M.N على المشاركة

اخوي السايق الف شكر على المشاركة بالموضوع وانت اول واحد الى الان تجيب طاري وكالة الجبر مع ان الشباب كثير اللي عندهم سيارات نيسان

بحفظ الله

انا الصراحة ما جربت الا وكالة واحدة واشوف ان عملها في الصيانة ممتاز بس ياريت يخفضون الاسعار شوي يعني على الضمان وتدفع لهم ذيك الحسبة ........الا وهم وكالة نيسان الجبر .
يعني وهي على الضمان فترة الصيانة للـ20000 كلم غيروا لي فاكم البريك الخلفي بدون ما ادري لانهم لاحظوا تهريب .......وانا ما دريت عنه ويوم جيت اخذ السيارة علموني ......(انا شفت السيارة وهي عندهم بالورشة يوم فكوا الكفرات على شان تغيير محلاتهم اللي قدام يركبونه ورا واللي ورا يركبونه قدام بدون ما حد ينتبه ) واجي كاني مو صاحب السيارة وادخل الورشة واشوف العامل يفكها ويجيب غيرها وسووا لي فيها فاتورة كنت بتهاوش معهم بس قالي هذي على الضمان ......
بس ياريت الاسعار اخوي Dead تقولهم يخفظونها تراها كثيرة علينا .....
وشكرا لك على الموضوع الي يبرد الخاطر ....

اخوي Dead

الله يسلمك على الترحيب .. وسؤالك عن الوكلاؤ الباقين ... صراحه ما تقدر تحصرهم ولكن اعتقد كلهم على مستوى واحد .. وانا في كلامي هذا ما ابغى اظلم الوكلاء ... ولكن عبداللطيف جميل و الجميح مجربين ومعروفين ... وهم اكبر وكالتين في المملكة تقريباُ

تحياتي

اخوي Polite الله يكتب اللي فيه الخير :)

اخوي N.M.N يامرحبا بك في الموضوع :) الكثر اجمعوا على عبداللطيف جميل ولكن ماذا عن الوكلاء الاخرين ؟

بحفظ الله