سيارتي تصرف البنزين،،، الرجاء المساعدة

جعلها الله آخر احزانك ,, وجزاك الله كل خير على اخبارك لنا بحل المشكلة

بارك الله فيك

أخوكـ

الحمد لله والشكر
لله الحمد انتهت مشكلة صرفية البنزين والسبب مثل ما تفضل الأخ العزيز أمير بكلمتي وهو حساسات الشكمان والي فصلتها بعد نصيحة اليمني الله لا يجزاه خير
....

القصة يوم الخميس الماضي رجعت لليمني وقلت له رجع لي الشكمانات الي طلعتهن وركبت لي الشكامين السعودية، هو على طول فاهم القضية تحجج بأن فيه ناس ركبوا الشكامين السععودية وراحت الحرارة، المهم قال ماعندي شكامين حطيتهن بالبلدية!!!
طلعت من عنده وأنا أقول حسبي الله عليك، وخاف ربك تنصح الناس بشء ما تفهم فيه خربت سيارتي وخسرتي مبالغ بسبب نصيحتك!!!
رحت للحاير واشتريت شكامين أمريكية بـ500 ريال، ورحت للصناعية القديمة وركبهن يمني بــ120 ريال.
وعندما طلعت من عنده والسيارة طايحة بالأرض!!! طلعت المشكلة واير الهدروليك تمزع من لحام الشكمان،،،قلت: خيره، من مدة والهيدروليك رافع ضغطي بصوته وركبت لي سسة سعودية بـ150 والحمد لله الموتر ارتفع وحسيت أنه صار كشخه!!!

والآن ولله الحمد والشكر يوم السبت الصبح عبيتها فل وقبل قليل طفيت السيارة والعداد فوق النص...
الحمد لله


كل الشكر للجميع على نصايحكم
والله يجزاكم خير


لكم مودتي واحترامي

بسم الله الرحمن الرحيم ..
السلام عليكم ورحمة الله وبركاته ... يـاخوان ..
بالنسبة للمشكلة المطروحة من قبل اخونا احم،د , انا بصراحة انا اشوف الممشكلة تكون من نظام البخاخات . تعطي اكثر من اللازم .. والطرمبـة مالهـا دخـل الطرمبة تودي البنزين للبخاخات بسس .وعشان تتاكد من كلامي ابيك تجرب لما تشغل الصباح تشتغل معاك ع طول او لا واذا اشتغلت فيه مرات بتكون تشغيلتها صعبه .. طبعن كلنا نعرف ان السيارات الحديثة فيها نظام والموديل هذا حديث . فيها نظام البنزين الزائد يعنى نفس السياره بتطلع البنزين الى احنا نسمية تشريق للسياره . لكن موضوع قللة العزم في السياره انا اتوقع انه خلل ثـاني .. لانو حتى لو يكون البنزين فائض او زائد مايضعف عزم السياره .. وواافننااا بجديدك يـاحمـد:xyxthumbs: وبالنسبـة .. للقرائـات الخـاطئـة مالهـا علاقـة في الموضوع .. ويـالـيت يـافني تكتب لي توضيح بسيط عن ردك بس لتاكيد بالموضوع... الى في الشكمان وانه يعطي معلومات خاطئة لان الى انا اشوفه هذا حساس حراره ............. :bigggrin: ننتظر ردودكم بفـارغ الصبـر .

الله يكون في عونك
هنالك عدة اسباب وصار معي سببين
صار معي في كابرس 91 استهلاك سريع والسبب البخاخات وغيرتها وانتهت المشكلة

صار معي في جمس 96 والسبب الكهربائي فصل واير الريس واختل النظام وصار الموتر يدخن اسود ويصرف بنزين بعد الفحص تم ارجاع السلك وانتهت الهرجة.

الله يكون بعونك ممشى سيارتك بعده قليل.
واضح التغييرات الاخيره لها علاقة في الموضوع والله العالم

والله يالغالي مالي علم في الرياض ولكن فيه ورشة يقال عنها انها تفحص ببلاش وليس هناك من مانع

تفحص لديهم اسم الورشة : ورشة القرعاوي

أخوكـ

انا اللي اعرفه ان السياره لما تصرف في البنزين

فيه صرفية زيت في الماكينه

كانت معاي كورلا تصرف بنزين مرررررره

وغيرت شنــبر وخلاص

تسلم والله على الرد والإيضاح
وإن شاء الله أغير الحساس

تسلم أمير على الرد
والله يعطيك العافية
وابيك تنصحني عن أفضل ورشة في الرياض متخصصه، وإن شاء الله أروح لها وأعمل لها فحص

هنا مربط الفرس كما يقال عندما بدل لك الشكامين اختلف معاك حسبة الكمبيوتر من حساس الشكمان واكيد هو زال دبات التلوث وهو سبب حدوث الصرفية لان الحساس يعطي قراءة خطاء الى الكمبيوتر ويضخ بنزين بزيادة عليك بتركيب حساس مع دبات جديدة واقلها انها نظيفه حتى ترجع الامور طبيعيه في اعتقادي



وهذا موضوع اخونا المتميز نمر ان شاء الله تستفيد منه

http://www.assayyarat.com/forums/thread185062-3.html

وعليكم السلام ورحمة الله وبركاته

بصراحة يالغالي ماقدر افيدك بالنسبة للصرفية لأنها تختلف حسب نوعية قيادة السيارة

وايضاً حسب حالة السيارة ,, ولكن من ذكرك لبعض المشكلات في سيارتك وخاصة رائحة الكريهة

فهناك مشكلة في نظام الأحتراق في السيارة واذا عندك لمبة الماكينة شغالة فمعناته فيه خلل في السيارة

وطبعا اذا العزم طايح مثل ماتفضلت حاول تشيك على الكويلات وهي الأهم لأنها أغلب ماتخرب وخاصة في موديل سيارتك

وتسبب عدم انتظام لدورة الأحتراق وايضاً العزم ينخفض بشكل كبير

خلاصة الكلام يجب فحص السيارة عند ورشه مختصة واهم شئ كمبيوتر يفحص لك جميع حساسات السيارة

وايضاً كويلات السيارة اذا كان فيهم مشكله بعدها تبدأ بالأصلاح ثم بتبديل القطع الأستهلاكية من :

بواجي - صفاية بانزين - تنظيف حساسات الهواء - تغير فلتر الهواء - ... الخ

من الامور الضروري تغيرها بعد كل فترة ,, وياليت لو تذكر لنا معدل الأستهلاك وايضأ طريقتك في القيادة

لأن القيادة داخل البلد تصرف بشكل أكبر من القيادة على الخطوط السريعة والسبب عدم انتظام في دعس البانزين

فـ داخل البلد مره تدعس بقوه تقوم السيارة ومره توقف وتهدي وهكذا اما في الخطوط السريعه

فـ دعستك راح تكون ثابته والأستهلاك ايضاً ثابت .. شيك ماتم ذكره وبأذن الله مشكلتك تنحل

أخوكـ