ماهي الطرق لحساب عملية التأجير المنتهي بالتمليك

:c0214:
الموضوع توه ساخن !! :a1120(82):

المفروض يبقى ما ينتقل للأرشيف على الأقل شهر :smilie20:
يمكن يجي واحد من موظفين البنوك أو الشركات يعطينا معلومات وافية وكافية تؤهل الموضوع للتثبيت :c0214:

ايوالله اكيد

الله يوفقنا وياك اخو قلبي

بطلع على الموضوع واتمنى اي شي يفي في هالموضوع لا تبخلون علي فيه
راح استنتج منه شي مفيد

http://tammeen.com/vb/showthread.php?t=279

ممكن يهمك تعرف اكثر عن علاقة التامين بالتاجير المنتهي بالتمليك

الله يعطيكم العافية يا احلى ناس

كذا تقريبا فهمت الوضع الغير آمن تبع التأجير المنتهي بالنكبة

بجرب اشوف حساباتهم معيه اليومين وربكم يسهلها

من ناحية التقسيط وضح النقاء .. مافيه احد يقسط
واذا لقيت .. يطلب طلبات غبيه شوي
كفيل غارم وكفيل محترم وكفيل غير محترم وكفيل مدري وش يب
وفاتورة البيت وفاتور بيت الجيران وفاتورة اقرب شركة حولكم وفاتورة مطعم وش تعشيت امس والاسبوع الماضي
واعترف على كل الجرائم الي سويتها والي ما سويتها وتعريف بالراتب مفصل مع اسم المحاسب وراتبه وراتب مديرك وراتب كل مدراء الاقسام وراتب الموضفين وراتب الشغاله في البيت وراتب اخوك وهل اخوك يقرب لك والا لا .. الخ الخ الخ

ياعمي قسم بالله يجيبون لك الحمى الشوكية والنزلة المعوية ونزلة القدية الي قبل المزاحمية لين تستفرغ وتدخل مستشفى المخ والأعصاب قسم الكلى المفقوعة

لالالا خلين على التأجير حتى لو لطشوني 2000 او 3000 انا محللهم بس افتك من طلبات التقسيط الي محطوطة بالغلط

طيب نشرحها بالتفصيل اكثر .

النسبة 8% من قيمة السيارة عن كل سنة .
يعنى ال 8% من 100,000 تساوي 8000 ريال
عدد سنوات التقسيط (5) يعنى (8000) ريال في (5) وتساوي (40,000) ريال

اخوي هم فنانين في لوي العرض لصالحهم
طريقة حساب التأمين غير واضحة فتجدها مختلفة من بنك لاخر ومن شركة سيارات لاخرى
عندهم رسوم ادارية تصل الى 2000 ريال وقد تزيد وهي ليست داخلة في قيمة التمويل بل منفصلة
ولذلك لاتركز على النسبة كثيرا حيث ان هناك اشياء تعوض النقص هذا عندهم مثل
التأمين و الرسوم الادارية والدفعة الاخيرة او الدفعة الاولى او حتى قيمة السيارة الاساسية
مثال سعر السيارة 100 الف ريال والنسبة مثلا 4% وهذا يعني ان الفائدة 4000 ريال
وعرض لدى بنك اخر لسيارة قيمتها 100 الف ريال والنسبة 3.90 وهذا يعني ان الفائدة هي 3900 ريال
لو تلاحظ معي ان الفرق بسيط مائة ريال
لكن لاحظ معي اكثر ، ستجد ان البنك الاقل نسبة يعوض الفرق هذا بشيء اخر مثل ان التأمين سيكون اغلى او ان الرسوم الادارية اكثر

وانا من ناحيتي ارى ان افضل طريقة هي ان اخذ اقساط (سواء اسهم من البنك او سيارة من اصحاب التقسيط ) ثم اشتري به سيارة
لان ذلك افضل لي حيث لي حرية
اختيار السيارة التي تناسبني وبعيدا عن النصب الذي دائما يصاحب العروض
ولي كامل الحرية في التصرف بها مثل بيعها او تصليحها او السفر بها للخارج
وارتاح من مشكلة تجاهل التأمين لمشاكل التاخر في تصليح السيارة لشهور بحجة الزحمة او ان الاوراق غير كاملة ولازم تنتظر حتى ننتهي منها

استفسار في هالنقطة لو تكرمت !!!!!!!!!

مافهمتها
ياليت تشرح لي هالنقطة :c0214:

ياسلام عليك
تسلم يديك يارجل :)
هذا هو المطلوب

الله يوفقنا وياك ياغالي
خلني اجل احسب المطلوب واشوف وش يطلع معي
تحياتي لك اخو قلبي

اغلب البنوك والشركات تجد في مواقعها الإليكترونية حاسبة التمويل ,, تعطيك كل التفاصيل المطلوبة .

ملاحظة :عندما تسأل البنك او شركة التأجير عن النسبة سوف يزودوك بنسبة الخاصة بالتمويل فقط ولن يضيفوا لها مبلغ التأمين ,

و اليك طريقة مبسطة لحساب قيمة التأجير :
لنفرض ان قيمة السيارة (100,000) ريال
الدفعة الأولى ( 25%) تساوي (25,000) ريال
الدفعة الأخيرة (35%) تساوي (35,000) ريال
نسبة التمويل ( 8%) و تساوي على خمسة سنوات ( 40,000) شاملة التأمين
يعني القيمة الإجمالية للسيارة ( 140,000) ريال
دفعنا (25,000 ) الف دفعة اولى يتبقى ( 115,000) ريال
سندفع دفعة أخيرة (35,000) ريال يتبقى ( 80,000) ريال
قيمة القسط على ستين شهر ( 80,000)/60 = 1333 ريال شهريا

مو مشكلة تفاوت النسب بينهم .. المشكلة هي كيف تتم عملية الحساب من الألف الى الياء ؟
اما النسبة فأمرها سهل .. ممكن اتصل على البنك او الشركة الفلانية واقول له كم نسبتكم في حال ابي اشتري من عندكم
في هالحالة احسب انا المبلغ المطلوب مني دفعه وقسطة وبعد كذا اوافق او اشوف غيرهم !

هذا الي اقصده ياغالي