مشكلة الحرارة

مثل ما قالو الشباب
تتأكد من البلف
ونظف الراديتر وسيخه ونظف المكينة (دورة الماء داخل المكينة) بماء وفلاش كم مرة عند أصحاب الراديترات على شان تتطلع الأوساخ والتراب من داخل (مهم جداً خصوصاً إذا السيارة قديمة)
وتأكد من دبة الشكمان الخلفي(وهذي نقطة ما أحد ينتبه لها) أحياناً يتراكم عليه الكربون ويسده وتلاحظ ضعف في عزم السيارة الأفضل تشيل الفلتر اللي داخله (تفريغ الدبة) عند ورش الشكمانات أو تركب دبة جديدة

بالنسبة لتركيب المروحة الكهربائية ما عندي أي خلفية عنها لكن يمدحونها في الاندكروزر ال VX-R مهو بس كتبريد بس علشان تخفيف صوت المروحة والمكينة لأن المكينة 8 سلندر
والله أعلم

والله يكون بعونك

أشكركم

أنا عندي هذي المشكلة من سنتين
الحرارة بدون مكيف قبل النصف بشرطه (مركب البلف)بدونه على الربع
الحرارة بالمكيف إذا وقفت H أمشي في خط أطق الطبلون والحرارة قبل النصف بشرطه

راح أذكر لكم ماتم تغيره في السيارة/
1/بلف الحرارة
2/طرمبة الماء
3/الأهواز
4/تماتيك مروحة
5/قربة الماء الإضافية

الرديتر صار فيه تهريب ولحمته (ألمنيوم رصتين)

مروحة الكلتش 5 ريش قال واحد غيرها 7 ريش
ركب مروحة مرسيدس أمام الرديتر وعلى قولته(جل همك)

ولا أركب رديتر ألمنيوم أمريكي 3 رصات
أو أصلي ألمنيوم رصتين

من ناحية المراوح وش المراوح الحلوة


تحياتي لكم,,,,

حبيبي إنت المشكلة هذي من متى تعاني منها، يعني العام الماضي كانت السيارة ما ترتفع درجة حرارتها مع المكيف، إذا كانت جذي يعني الخلل مو من الرديتر وإنه يحتاج إلى تغيير بواحد أكبر لأنك جذي ما بتحل المشكلة، ثانياً وللعلم حجم الرديتر ما له علاقة بالحرارة طالما إن دورة التبريد سليمه بما فيها المراوح، أقترح إذا ما كنت تعاني من المشكلة العام الماضي إنك تسيخ الرديتر وتشيك على المراوح والهوزات وغطاء الرديتر و قربة الموية الإحتياطية مالت الرديتر إذا كانت موجودة لأنها إذا كانت خربانه ممكن ترتفع درجة الحرارة وبالمرة شيك على الترمستات وسلامتها وشيك على طرمبة الماي يمكن تعبانه وما تلف الموية عدل بالرديتر وأتوقع إن من الطرمبة بنسبة 50% خصوصاً إذا كانت من فترة مو مغيره إحتمال تكون توربيناتها متآكل وما تضخ الموية بشكل سريع.

هذا والخيار لك بس أهم شي تبشرنا وش يصير معك ولا تاخذ قرار إلا بعد ما تقتنع وتاخذ الضمانات بعدم أرتفاع درجة الحرارة لأن أخرتها بيخلونك أصحاب الورش تخرط المكينة لا ويمكن الحرارة بعدها ترتفع عليك والله يجيرك هذه الحالة وأمنياتي لك بالتوفيق وادعو ربي يعينك على هالورش ووقفتهم خصوصاً في هذا الجو.


تقبل مروري أخوك بو شوق