افكر استبدل اللكزس بــ سوناتا لجديده

اذا وجودك مؤقت فالديره الي انت فيها خزن اللكزس و خذلك سيارة مستعملة

كامري مثلا اخو الجديد لين تنقل منها

وبعدين حلو منك ان تراعي الشيئ ذا مع ان اي اس 350 مفخمة مهي فخمة

لو سيارتك مرسيدس كان الوضع عادي لان فخامتها حقيقة وما فيها شيء تخلها معك

بينهم ما اظن يبي يعطونك عين :smilie16:

لو أنا منك أستحالة أبدل اللكزس مع أحترامي للسوسو

مــع احترامــي وتقديــري لـك الظاهر احد ضرب راسك بجدار ولا بكريــك :bigggrin:

مع احترامي لسوناتا وموصفاتهاا بــس لا تقارن ابدا ابدا بلكـزس :c0038: مهما كانت الظرووف


[COLOR=Red]انتبــه تسوويهااا

[/COLOR]

اسمح لي اخوي (مع احترامي لتفكيرك ورايك) ما عندك سااااااااااااااااالفة في هذا التفكير

انا ركبت السيارتين واعرف الفرق بينهم والله ما فييههههههههه مقااارنة
مع احترامي للسوسو بس ما هي مثل هيبة وجودة اللكزس

السلام عليكم
اخي العزيز ...... بصراحة بصراحة لكزس ماركة مشهورة جدا ويمكن لاتقارن بهيونداي

ولـــــكن السوناتا الشكل الجديد سيارة روعة انا جربت السيارة وهي غاية في الروعة مثلا : السعر مناسب , الشكل عصري , المواصفات عالية , قطع الغيار متوفرة وأسعارها رخيصه ....... إذن هي تلبي الطموح



والقرار طبعا لك ... والله يوفقك في أختيارك
تحياتي

لو أنا منك أستحالة أبدل اللكزس مع أحترامي للسوسو

أخوي مدري وش أقولك ..


بس اذا بعت سيارتك .. راح تفكر بسيارات كثيير ..لأن اللكزس يمسك سعره..


بس من نآحيه التبديل السوناتا ممتازه الشكل الجديد..


لاكن ودي لو أنك تشتري تاهو z71 أو جمس سييرا حوض فئةz71 الرياضيه...لأنها تصلح بكل الأمآآآآكن سواء مدينه او قريه او غيره..


بس القرار الخير راجع لك..

قرارك الشخصي سواء لكزس او سوناتا وان شاء الله الشباب بيفيدونك بالشور

لكن تعقيبي على اللي بالاحمر سياره تتعطل فجأه ؟؟؟

اي سياره ولا حتى دبابه عسكريه اذا ما اهتميت بصيانتها وطريقة استعمالها بتتعطل

اعتمادية السيارات القديمه ولت من زمااان الكابرس وبالاخص بعد سنة96

من وقفو الكابرس الامريكي الوحش الامريكي والكرسيدا فتاة اليابان الباره واصبح

تفكير اغلب صانعي السيارات بيع السياره عليك مرتين مره عند الشراء ومره بشراء

قطعها مع الاستخدام تقدر تقارن جودة اللكزس 95-97ال اس400 بجودة اللكزس 2004

ال 430؟؟؟

الهيونداي بعد2006 تخطى مراحل كثيره والدليل شوارعنااا


استأجر سوناتا 2009 مكروفه واحرص على انها ماشيه واجد وشوف انت بنفسك

تناسبك او لااااا


تقبل مروري وبمان الكريم

أخوي من جدك تتكلم :confused1:

من لكزس للسوناتا

شوف أنا معي أزيرا فل كامل بشاشة

والسيارة معي تمام مافيها شيء

ومع ذلك ما أقول لك تبيع اللكزس وتشتري سوناتا
يا أخوي حتى لو أزيرا

حتى لو إنه كل الي في المدينة الي انت فيها مو معاهم هايلكسات معهم تريلات

لا تفكر تبيع لكزس وتستدبلها بسوناتا

لو مكانك مستحيل افرط فيها صدقني انك بتندم وتراح تحس فيها

اذا تبي سيارة ثانية وتخلي اللكزس في الحفظ والصون صح اشجعك

أما تبيع لكزس وتشتري سوناتا مرررررررررررره ما أنصحك


لا تفرط في اللكزس نهائيا صدقني مافيه فرق بالمواصفات الي حاجة بسيطة مثل
غسالات الانوار حساس مطر جلد فاخر سيارة اكبر ماركة معروفة وشيك بالجيب

انا ما اشوف لك عذر ببيع اللكزس لكن حسب المدينة الي انت فيها معاك حق سيارة ثانية اما تبديل لا لا تفكر

السلام عليكم
اشكركم جميعا على اثراء الموضوع بالردود والاراء والله يوفقكم يااخواني

في الحقيقة الفكرة جت في بالي بعد مادخلت بالصدفه على قسم السيارات الكورية

وانا لم يسبق لي ان اقتنيتها او احد اقاربي فتعتبر مجهوله بالنسبه لي

بعد زيارتي لفرع الوعلان اعطاني رقمه وقال شيك معاي وبتنزل خلال الايام الجاية وتحديدا على مااظن 24 من لشهر هذا

يعني الاسبوع القادم اتوقع

لكن الي مخفوني ان فرع الصيانه للوكالة بشمال الرياض داخل محطه !! يعني اعتبره زي الورشة وليس فرع وكالة مثل اللكزس !!

اللكزس تعامل ممتاز اماكن استراحة وطلباتك اوامر اذا كان الموضوع تغيير زيت فيه بعض المهندسين يخلصونها لك خلال ساعه ونص

وخلال مدة انتضارك انت ضيف مكرم عندهم

هذه الخدمة نادر ماتحصلها واخشى ان افقتدها حين تغييري لسيارة

ايضا الضمان 3 سنوات او 100 الف ايهما اولا ويتم تمديده بمبلغ من المال ماادري ماهو
حتى على مستوى قطع لغيار انا مااضمنها كوني ماجربتها ولاسبق واقتنيتها
اتمنى التحدث من هالجانب لملاك هذه السيارة وبالاخص سنتينال اضن اسمها كذا

لازم اشوف اسعار اعلى سيارة في هيونداي وابني عليها الفكرة المبدئية


وفق الله الجميع

أنا مدري وش تقصد بالسوناتا الجديده ؟؟

اذا تقصد 2011 الشكل الجديد ..؟؟

فنصيحتي لك خذها ولا تفكر ....

لأني افكر اذا نزلت في الاسواق اني راح ابدل السوسو حقتي بالجديده ..


علما ان موعد طرحها في الاسواق بعد شهرين تقريبا ..

تحياتي وتقديري ....~

الله يوفقك

وتتهنا فيها ان شاء الله

انت داوم على الصيانة ومامنها خوف

لحد يقلل من قيمة السوناتا الجديدة

ترا مواصفاتها تضاهي اللكزس واشباهها وسعرها يا بلاش !!...

2.4 ...200 حصان !!

سقف بانوراما..تدفئة كراسي في الأمام والخلف ...

شكل فخم وومميز !!

وش تبغون غير كذا

والله لو منك اجرب السياره اول

ومتى ما عجبتك خذها ووفر باقي مبلغ اللكزس

بس كم بيجيب لك اللكزس

ما دام انك مثل ما قلت في منطقه نائيه او قرويه
فلا تفكر .... اعقلها وتوكل

تحياتي وعسى الله يوفقك

والله يخوي اسمحلي حاولت القى تفسير منطقي للودك تسويـه مالقيت
حنا ما ندري عن اسبابك .
عموما مهما كانت السوناتا فخمـة للكزس ومستحيل
اذا كنت تبي سيارة قويـة ومرتفعــة بع اللكزس وخذ لك تاهو والا فورد ادج او اي سيارة دفع رباعي

سوناتا بلكزس مرة وحدة

لا لا لا ما يصير

شوف لك سيارة أفخم من السوناتا

بعدين انت معاك لكزس ES350

و ليس ES300 أو IS300

نصيحتي لك لا تفكر هذا التفكير

مافيه اي وجه مقارنه بين السوناتا واللكزس

وصراحه استغرب من الي ينصحك في انك تبدل اللكزس بسوناتا !

لو كنت تبي تبدلها بجيب بحكم طبيعة عملك انا معك بس تبدل سيدان فئة راقيه مع سيدان فئة عاديه هذا موب منطق الا ان كنت تبي تبيع اللكزس وتشري سوناتا وتحط الباقي في جيبك

واذا خايف من العين ولا شي بحكم انك تاكي مع قراوىاقرى وردك آمن السياره وماعليك ان شاء الله

اشكر لكم ردودكم اخواني واللكزس ولله الحمد تشييكات الوكالة وقيمته جديد 180 الف

والوكالة ياخذون اسعار صراحة قرابة 2000 ريال لكن الخدمة 100%
وبالنسبه لسيارة ثانيه لااحتاج سيارة اخرى :smile: لكن سعرها مغري صراحة 90 الف !! على هالمواصفات

والسبب في تفكيري بالسوناتا هو طبيعه الناس بالمكان الي انا متواجد فيه رغم ان اللكزس حقتي اعتبرها سيارة عادية
لكن في نظرهم اللكزس = بوقاتي او ريفنتون

وفق الله الجميع