آخر كلام في قضية تسخين السيارة‎ ( موضوع للنقاش )

اذ نزل عداد rbm ضغط الهواء على الواحد توكل على الله وحرك

يالله حيه .

والله يالغالي أشوف أن السيارات القديمة تحتاج للتسخين أكثر من السيارات الجديدة .

أنا معي تسعاوي من أيام كان مع الوالد يحميه نص ساعه وماشاءا لله الموتر شاااد معنا أكثر من 20 سنة ما شاء الله تبارك الله .

لكن يوم استلمته الحين بديت اهمل في مسألة الحماية وكثير ينبهوني على هالنقطة لكن إن شاء الله بأهتم أكثر بالتسخين .

لاهنت يالغالي وأتمنى تكون وجهة نظري واضحة .

تسلم .

انصحكم بالتالي:

1-في الصيف تسخين السيارة لمدة دقيقة وقيادة السيارة لدقيقة آخرى قيادة هادئة وبعدها تكون السيارة جاهزة0
2-في الشتاء تسخين السيارة لمدة دقيقتين وقيادة السيارة لدقيقتين آخرى قيادة هادئة وبعدها تكون السيارة جاهزة 0

اما بخصوص فوائد تسخين السيارة وهي عدة فوائد اهمها ان زيت السيارة يكون اسفل في الكارتير ويحتاج وقت لتدويرة على اجزاء المكينة 0
وايضا اهمية تسخين الزيت للوصول الى اللزوجة المطلوبة لحماية المحرك 0 تحياتي للجميع

شكرا لك .

هل السيارات التي ذكرتها مكتوب
في كتالوجاتها انه يلزم تسخينيها
وهي بارده لمده معينه مثلا 5 دقائق
او اقل او اكثر قبل المشي بها ؟

كلامك يا أخي يحتاج إلى تثبت فلو إفترضنا صحة ذلك لماذا البي أم دبليو فايف واليارس والإكسنت لما تشغلها والجو بارد تشتغل لمبة مكتوب عليها cool لمدة 5 دقائق وهذ عن تجربة لليارس والإكسنت مع العلم ان السيارات اللي ذكرتها محركاتها صغيرة والمفرووض انها ما تحتاج وقت مثل كذا فما بالك بالسيارت الأكبر محرك

والأمر الثاني ان السيارات في خاج المملكة تاتي بمواصفات تختلف عن الموجودة عندنا كبلف الحرارة مثلا ونظام التبريد وهذا ملاحظ في بعض السيارت الامريكية المستودة حيث انهم يبدلو الاشياء اللي ذكرتها قبل بيعها

وبصراحة انا لما اسوق سيارتي وانا ما سخنته لوقت كافي الاحظ تغير في العزم والاستجابة السريعة وذلك لأني اقطع خطوط اسبوعيا

الامر الثالث ان ليست جميع سيارات تويوتا مزودة بالباخ فعنك الاف جي ياتي كبليتر