رايكم في FORD EDGE

الأسعار كالآتي شاملة اللوحة والاستمارة والنقل

EDGE LIMITED - SAR 117850 فورد ايدج ليميتد
EDGE SEL - SAR 106850 فورد ايدج ستاندرد

حسب إفادة موظف المبيعات ، العرض ممتد حتى نهاية شهر يناير

أخوي عزيز قوم

هههههه حلوه الحمد لله اني بعيد عنك
المهم
بالنسبه للتخفيض اللي يصير هذا يكون عن طريق الاداره
يعني احيانا يقولون للموظف صلاحياتك الف ريال
ومدير الفرع صلاحياته الفين
يكون المجموع مثلا ثلاثه الاف
هذي احيانا مو دايم على حسب الوضع اللي صاير
لاهي من عمولة المدير ولا الموظف
انا اعرف ناس واجد موظفين وكالات في العيسى في الجزيره
حبيبي خويي اللي في الجزيره اعرفه من فوق 8 سنوات وكنت ناوي على ايدج والله ما قدر يخصم لي الا الف ريال
واحيانا يقول يمدي اجيب سعر كويس لانها على حسب تعليمات الاداره مو سالفة نسبتة ولا نسبة المدير

اليوكن اللي معاي مخفضين لي فيه 10الاف ريال
بس مو من الموظف ولا من المشرف ولا من مدير الصاله حتى
الخصم جاني من الاداره وبتحديد مصير يعني من نظام تطلع من الباب ينلغي العرض تدفع الحين ولو طلعت خلاص


الموظف يا جماعه عبد مأموور ماله في ذي كلها احيانا الموظف يدخل على مدير الصاله يبي يجيب خصم ويتشوت من مدير الصاله كله عشان عميل محترم يبي يخدمه

حبيبي بالنسبه للتفلت
انا داري انت ارقى من كلمة تفلتوا وانت فاهم الحوار او على قولتك التفاوض
لكن مو كل من يقرى موضوعك راح ياخذها من هالباب
بكره واحد يروح ويعي الموظف يخصم له يقوله انت اصلا حرامي تاخذها بمخباك انت ومدير الصاله انا قافطكم ومن هالكلام وكله استناد على كلامك وانت كان المقضد تبين شي عندك
اتمنى انك فهمت كلامي وليتك حولي :bigggrin:

تحياتي اخوي

صدقت اخوي والله اخذه قبل اقل من شهر والحين اشوف سعره واقول طيب نزلوه شوي عشان ما تاكل مع الواحد بس الحمد لله والسياره بصراحه اكثر من رائعه

الي اعرفه جميع الموظفين في اي وكاله له نسبه ويقدر يخفض من نسبته والي اعرفه بعد انك تستطيع تتفاوض مع جميع الموظفين بما فيهم مدير المبيعات ومدير الفرع والتفاوض ما يكون على 200 ريال احيانا توصل 5000 ريال وهاذي عن تجربه
قال ايش قال تحارش هالضعيف على 200 ريال
قسم بالله ياما تحت السواهي دواهي وخصوصا عند مدير المبيعات ومدير الفرع والي كل واحد يحجز له عدد من السيارات ويبعونها عالمعارف واصحاب المعارض
انا ما ادري عن نسبت الموظف الا اذا كانت انت نسبتك 200 ريال لانه على ما يبدو وعلى الرد الشديد اللهجه انك ابخص والحمد لله اني بعيد عنك
وبعدين افهم كلامي ما قلت تفلتوا على خلق الله قلت تفاوضوا الان التفاوض علم يدرس وتعقد له دورات تدريبيه
وعلى فكره كلامي ينطبق على جميع الوكلاء بدون تخصيص

يعطيكم الف عافية

والله يقدم الي فيه الخير ,,

معلوماتي من فرع الدمام

السلام عليكم أخوي

ههههههههههههه
وشلون تدخل في جيب الموظف ومدير الفرع ؟؟
اجل هي سايبه الدعوه ؟؟

حبيبي انا حطيت لك تفصيل لموضوع الرسوم الاداريه
لاهي للموظف ولا هي لمدير الفرع
وبعدين وشلون تبي الموظف ينزل من نسبته انت عارف كم نسبته ؟؟
وتكون مفاوض جيد بعد ؟؟
انت عارف ان الموظف ماله الا 200 ريال بس في حالة باع فوق 6 سيارات في الشهر ؟؟
انت عارف كم راتب هالموظف أصلا ؟
راتب الموظف في توكيلات الجزيره 2900 ريال
وله 200 ريال عن كل سياره في حالة باع فوق 6 او 7 سيارات
وللمعلومية الموظف غالبا ماراح يبيع فوق 10 سيارات في الشهر هذا اذا كان حرك جدا وممتاز واسلوبه مقنع لان انت شايف كم موظف في كل فرع
يعني 10 سيارات من 200 ريال = 2000 ريال
وراتبه 2900 يعني دخله ما يتعدى 4900 ريال قبل خصم التأمينات الاجتماعيه
وانت تقول في جيب الموظف ومدير الفرع

وتبي تحارشه في 200 ريال ؟؟ واصلا مو من حقه ينزلها بعد الا اذا كان بيقابلك بعد الدوام ويعطيك الـ200 من مخباه
يعني الحين بتدفع 130ألف ريال وتحارش هالضعيف بـ200 ريال

اعذرني على الاطاله ولكن كلامك خلاني اسهب في الرد
تحياتي اخوي ولا تزعل من كلامي بس حبيت ابين لك نقطه غافله عن الكثيرين وخصوصا لما يقرون كلامك بيروحون للفروع ويتفلتون على الموظفين :smilie16:

اتوقع الي اخذه 130 الف حصل جميع المواصفات اما الي اخذه 116 فيه نقص بالمواصفات القياسيه والله اعلم
اما سالفت الرسوم الاداريه هاذي تدخل في جيب الموظف مع مدير الفرع وكل موظف له نسبه من السياره المباعه يقدر ينزل من نسبته حتى مدير الفرع يقدر ينزل من نسبته ويعطيك سعر خاص بس لازم تكون مفاوض متمكن وتعرف من اين تؤكل الكتف

على فكره شباب
الرسوم الاداريه الوكاله مالها فيها ولا ريال

انا راح افصلها لكم
4700 ريال تفصيلها كالتالي
1200 هي اللي للوكاله
600 منها للوحات والتأمين و 600 حقة نقل السياره للرياض

3500 رسوم اداريه للبنك اذا كنت راح تاخذها تأجير منتهي بالتميلك

السلام عليكم
اخوي
السياره عليها الان عرض نزلوا من سعرها حوالي 15000
بالنسبه للسبورت وهو احلاها بدون اي جدال من ناحية الجنط او الكت
والاسطبات
شوف
السياره ماشاء الله جباره جدا
قويه - فخمه - ممتازه في الخطوط
فراملها ماشاء الله قويه
انا سويت عليها تست درايف
سياره جباره بمعنا الكلمه
ولكن

راح تسمع صوت بسيييط جدا من السقف اذا كان بانوراما وهذا شي طبيعي
عموما اذا بتاخذ خذه فل كامل وافضل السبووورت
لان السياحي مو شي ابدا


فيه واحد من الشباب في توكيلات الجزيره اذا صملت عطني خبر برساله على الخاص

تحياتي أخوي وعسى الله يكتب لك اللي فيه الخير

يعطيكم العافية

طبعا الايدج على حسب كلام الموضف ما يجي بنافقيشن

اذا تبغى تطلبة ويركبونة على الضمان

الناس كرهت الموتر بسبب مغالاة توكيلات الجزيرة في سعره

يعني امس بـ 130 و اليوم بـ 116 طيب وش ذنب اللي اشتروا بـ 130 ؟

بصراحة توكيلات الجزيرة نصابه و حراميه

يفيدونك الاخوان

لكن انا اشوف شكله جميل جدا

تقبل شكر وتقدير اخوكم { mr.nawaf }