نعم اخوي حساسيه موتري 2008
وبالنسبه لموديل 2009 و2010 اعرف شباب عندهم الموديلين المذكورين وماعندهم مشكله فيه
وشخص منهم موديل 2009 قريب مني شخصياً وسافر على الموتر تقريباُ مشى عليه بمشوار واحد 4000 كيلو او اكثر ومانقص معاه الزيت
لذا يتوجب على اخوي غلا التشييك عليه بالوكاله مع ال 8000 الاولى وان شاء الله خير
وانا خايف اخوي غلا شيك على الموتر بضروف غير طبيعيه كان يكون لسى واصل من مشوار او يكون الموتر ( منصل ) يعني مو واقف تمام
ويمكن من اول ماخذا الموتر من الوكاله كان ناقص بلأساس
ماشاء الله تبارك الله
اخوي خليد تصدق لو اقولك اني جزمت على السيارة بعد توفيق الله والاستخارة بسبب تقريرك انت والأخ ابو لميس ( مدري وينه مختفي الله يحفظه )
والحمدلله ما تحسفت مع ان كل من شفته يناظرني بنص عين ويقول وراك ماخذيت تاهو ولا يوكن :tongue:
المهم اخوي توني معاير الزيت والموتر مستوي وطافي له 14 ساعة والحمدلله ماشاء الله لا قوة الا بالله الزيت مستواه طبيعي الحمدلله وماشفت نقص
يمكن مايبين الحين لأنه جديد , بيكمل شهر بعد اسبوع وماشي عليه 3000 تقريبا وطعست فيه وطلعت عليه البر اكثر من مره ولله الحمد الله يتمم لنا ولكم على خير
وانا ارجح كلامك ان اخوي ابو غلا خذا الموتر وهو ناقص بالاساس
يعطيكم العافية جميعآ
أنا مريت الوكالة اليوم وقلت لهم عن الموضوع وقال مدير الصيانة أمر طبيعي مو عيب هذا !! قلت السيارة تنقص زيت قال نعم لأنها جديدة أول 10,000كيلو بتحصل معك لأن البساتم والجلد جديدة ووووووو من الكلام الكثير وفي الأخير قال من بعد 10,000 كيلو مستحيل تنقص زيت نهائيآ وكل هذي السيارات موجودة وممكن اوريك سيارة سيارة كل زيوتها ناقصة ولا تخااااااااااااااااااف نهائيآ
ولا ادري كلامه صح والا ينصب علي ؟؟؟؟
ابو غلا تبي نصيحتي
اصبر لا تبيع موترك , ولوّي منك كان يوم رحت للصيانة وشفت النقص كان طلبت من المهندس يكتب هالملاحظة بسجل السيارة عشان اذا لا قدر الله صار شي تكون اخليت مسؤوليتك انك جبت السيارة باليوم الفلاني وكانت ناقصة زيت المقدار الفلاني .
نصيحتي تصبر على الاقل لين صيانة 16 الف ان لقيت الموتر زانت اموره فالحمدلله
وان كان الى ذاك الوقت ينقص طالبهم بالتعويض وذكرهم عن الملاحظة وتأكد هالوكالة جدا محترمة وتقدر العميل
ولو كان الموتر طايح من نفسك وعينك فخلاص بعه ذاك الوقت تصير قد امداك تهنى به انت وعيالك ويجيب لك قيمة زينة ان شاء الله
وبغيت استفسر يابو غلا ما بين معك ان الزيت ناقص من الامبير حق الزيت بالطبلون ؟
وموفق خير
