اشتريت سيارة كدلك اسكاليد من الجميح واكتشفت انها مصدومة

abosaud · 2009-11-23T02:56:24+03:00

يا اخوان انا شريت سيارة كدلك اسكاليد جديده من الجميح في الرياض بعد كم يوم لاحضت تقشير في بوية السيارة من الكبوت ووجدت انها مسمكرة ومدهونه بوية لكامل كبوت السيارة وعند مراجعتهم عرضوا علي تغير الكبوت بواحد جديد بس رفضت وطلبت اعادة فلوسي او سياره بديلة واعطيتهم سيارتي والمفاتيح بعدها وافقو اعطائي سيارة

ياسير @user_173993 · 25-12-2009

الف مبروك والله يعطيك خيرها ويكفيك شرها

siddique @user_185251 · 25-12-2009

الحمد لله ... والله أنا سعيد جدا بانتصارك .. وبالبركة في السيارة الجديدة إن شاء الله .

سريع جدا @user_40931 · 25-12-2009

مبرووووك

مايموت حق وراه مطالب

الله يوفقك

abosaud @user_197425 صاحب الموضوع · 25-12-2009

تم رفع الموضوع الى الشركة الام جنرال موتر وبعد التحقيق في الشكوى من قبلهم امروا الجميح باستبدال السيارة المعيبة بسيارة جديدة نفس النوع واللون حسب اختياري دون قيد او شرط والزام الجميح بذلك وتقديم اعتذار لي

واشكر كل من وقف بجانبي سوائا كتابيا او معنويا والحمد لله الذي ارجع حقي

أبو ديـــــالا @user_149616 · 12-12-2009

b

bilany2003

بغض النظر عن الردود اللي بعضها قد يدعوك لمطالبة بالقصاص بالسيف

فانا اقولها لك قانونا لما وقعت عقد شراءها من الوكالة انت وافقت ان الوكالة تستبدل الجزء اللي اصابه الخلل او العطب كان مصنعي او استخدام يعني بالعربي يغيرون لك الكبوت بواحد جديد مثلما يخرب القير ويعطونك واحد جديد او ان المكينة مهترئة ويعطونك وحدة جديدة

هذا قانون جميع الوكالات في السعودية بلا استثناء

أخي الرجال لما شرى السيارة إشتراها على إنها جديدة مو مصدومة

وبعدين أول مره أشوف أحدد يحبط مواطن ضد أي شركة لأن معروف إن كل الشعب حاقد على الشركات

لا تكون موظف بالجميح وحنا ما ندري :tongue:

ابو رمش 333 @user_183603 · 11-12-2009

(( مـــا ضاع حق(ن) من وراه مطاب ))

bilany2003 @user_19836 · 10-12-2009

بغض النظر عن الردود اللي بعضها قد يدعوك لمطالبة بالقصاص بالسيف

فانا اقولها لك قانونا لما وقعت عقد شراءها من الوكالة انت وافقت ان الوكالة تستبدل الجزء اللي اصابه الخلل او العطب كان مصنعي او استخدام يعني بالعربي يغيرون لك الكبوت بواحد جديد مثلما يخرب القير ويعطونك واحد جديد او ان المكينة مهترئة ويعطونك وحدة جديدة

هذا قانون جميع الوكالات في السعودية بلا استثناء

تاجر محترف @user_70605 · 10-12-2009

تقرير لجنرال موتورز في امريكا

ss4rakan @user_161854 · 10-12-2009

السلام عليكم

انا ما ادري ايش سويت لاني تقريبا متاخر في الرد بس شوف عندك حل ومجرب مع بالبيد

انك ترسل تقرير لجنرال موتورز في امريكا بحالة السياره والا سار معاك من الجميح

وبعدين الجميح معرررررررررررررررروف جميع سيارته مسمكره معلومه قديمه كمان

والله يكون في عونك ان شاالله ..... :c0214:

راجعنا بكره @user_177295 · 07-12-2009

والله يا ارتفع ضغطي .. حسبى الله عليهم ..

عقبال ماتبشرنا باسترداد فلوسك وفوقها تعويض ....

الله يفضحهم

ابوزعب @user_165140 · 07-12-2009

ارفع عليهم قضيه اذا عيوا مررة

C300-SRT8 @user_24687 · 07-12-2009

شئ يقهر يجيك مدير من "جنسيات عربية اكرهها" ويرفض انه يبدل لك السياره اكيد لوكان سعودي ولد ناس بيكون فيه شوية نخوه ويحترمك
احد الزملاء صار له موقف مع نفس الشركة الموقره وطالت سالفته معهم حتى تمكن بطريقتة الخاصه مقابلة واحد من ابناء الجميح تدرون وش رد عليه لما قاله المشكله قال هذة شركة لمجموعه شركاء ولا عندي الصلاحيات للتدخل في مثل هذة الامور
بالله هذا رد اجل الصلاحيات عند المدير ابو شـ.........ـب والا ابو بــ.........ـه
شوف تمسك برايك ولا تتنازل واحنا مستعدين نوقف معاك بالنت ونفضح فيهم

المترجم الفرنسي @user_15799 · 07-12-2009

هذا الشي تكرر مع هالوكالة اكثر من مره

ابغى اعرف من اللي يصدم بسياراتهم <<< عندهم ورشه جوا وانواع الرش والتلميع

عـاشـقـهـا @user_100509 · 03-12-2009

بالإنتظار عزيزي

abosaud @user_197425 صاحب الموضوع · 03-12-2009

الموضوع صعد لاعلى المستويات وساوافيكم بالتطورات

حسبي الله عليهم

Dakhil2000 @user_121292 · 30-11-2009

مالها الا ايميل مجنون للشركة الأم في دبي وفي ديترويت عشان الحرامي الأكبر اللي هو الجميح يستحي على دمه شوي

حسبنا الله ونعم الوكيل في هالوكلاء

bagazi @user_61105 · 30-11-2009

اخوي راسل الشركه الام في دبي
لجنرال موتورز

azera 6885 @user_171351 · 30-11-2009

الله يعينك يارب
ادع ربك والنصر قادم باذن الله

رائد الشمري @user_91662 · 28-11-2009

صارت سالفهـ لواحد قبل فترهـ ..

بسيارهـ جمس ... السالفهـ قديمهـ على موديل 99 الظاهر ..

بس مو سمكرهـ ,,, مشكلته ان الريموت ما يشتغل

وطلع الموتر ما فيهـ جهاز ما غير ميداليهـ حاطينها بالمفتاح ..

راجعهم وقالوا له العوض على الله ..

خذا فترهـ واتصل على المركز الرئيسي لج ام بالامارات على ما اظن ..

واعطاهم رقم الشاصي .. ورقم تلفونهـ

ما اخذ اسبوع الرجال الا الريموت ركب على الموتر ..

شف لك طريقهـ تتصل على الوكيل الرئيسي ..

memo1427 @user_124107 · 28-11-2009

حسبي الله عليهم الحرامية
نفس الهرجة كل يوم تحصل في مكان
حشا وش بقوا للحرامية