حرب كامري 2007-2010 الى اين ومن الصادق؟ حوار للجادين والمجربين والحياديين..اشمل موضوع

حتى اللي معهم لكزس اذا جربوا سواقة الأودي والمرسيدس كرهوا اليوم اللي شروا فيه لكزس >

اخوي momo777
الفقره هذي اخالفك الراي فيها
انا جربت فئية كبيره من السيارات الفخمه لم اجد انعم من اللكزس خصوصا الحجم الكبير 430.

هي عملية وسيارة صبر وممتازة للعائلة

لكن

لو تجرب قيادة مازدا 6 ( فل ) أو أكورد ( فل )

راح تحقد على نفسك ان معك كامري وحتى لو كانت فل ايضا !!

راح تتخيل ان الكامري مجرد سيكل عند هذي السيارات

التويوتا مصمم للكرف والكرف فقط

حتى اللي معهم لكزس اذا جربوا سواقة الأودي والمرسيدس كرهوا اليوم اللي شروا فيه لكزس !!


تحياتي

نفس كلامك اخوي واتفق معاك بكل كلمة

والكامري اثبتت وجودها
ولم اجد احد يذمها الا في هذا المنتدى ولو تذهب الى منتدى تويوتا فور ايفر تجد منتدى خاص بالكامري وتجد الاعضاء هناك يتكلمون بكل شفافية عن السيارة وتستفيد منهم ولم اسمع قط ان اد اعضاء منتدى كامري اشتكى من نقصان الزيت
والسيارة عملية جدا
ولو كانت عكس ذلك
كان شفنا شركات الليموزين ومكاتب التأجير تتسابق على شراء غيرها

أنا أعطيك الزبده .
عشاق تويوتا لهم موقع خاص toyota4arab .
و أغلبهم يكتفون بالمشاركه في منتداهم فقط .
و الحق يقال أنا أعتبره في المركز الثاني بعد هذا المنتدى من حيث الأعضاء و المشاركات .
لذلك الأصوات التي ضد تويوتا هنا أكثر .
الأهم من هذا كله .
أن الكامري هي الأكثر مبيعاً .

هلا اخوي
الصراحه موضوعك رائع يعطيك العافيه ,,,,
بالنسبه للكامري تضل انها تويوتا الشركه العرقه في مجال السيارات وتتحمل وقطع غيارها بالبقالات ,,
لاكن الي سبونها او ينتقصون من حقها اولا :
مكان الصنع يقولون استراليا طيب وش المشكله اذا تصنع باستراليا طول عمرها تصنع باستراليا اللى موديل 97 او96 باليابان تصنع
لاكن جوده المواد المستخدمه ليست بالمستوى المطلوب ,,,
ثانيا :
المواصفات ما فيه مقارنه مع المنافسين اقل منهم والي يقول تبي مواصفات خذلك مرسدس ليش انا بشري سياره بمبلغ وقدره مب من حقي اني ادور على المواصفات الحلوه وسعر معقول بالسيارات المنافسه للكامري
واذا العالم تبي مواصفات زي الي بامريكا واليابان وانا منهم احسب سعرها بكم تطلع ؟
فوق ال100الف بالراحه !! موب حرام ادفع اكثر من 100الف بكامري
بالنسبه لي ما توقع يجي يوم واشتري كامري ليش مدري ,,,,لاكن السياره تحمل وكرف

بالاحير الي ياخذ كامري بالسعوديه طبقه معينه من الشعب ,,,,,,
تقبل مروري

الكامري الي اسمها كامري من موديل 97 الى 2002 وبس والباقي خص
واحد من الشباب طلع كامري 2009 GL سافرت عليها من المدينة الى جده وكان العداد 1300 تقريبآ
وكان الهواء يدخل بسيارة غير صاحب السيارة يرفع المسجل لجل مانسمع صوت الهواء
بعكس 2002
ملاحظه على تايوتا اغلب القطع الموجوده صيني وعندي دليل واضح شوف السمعات وش مكتوب عليها صيني ههههههه قال تايوتا :wavey:

بإختصار الكامري حسب رأيي لازم يلقبونها سيارة الشعب الصراحه الكل يقتنيها
بإختصار دعاياتها صحيحه (الكل يرغبها) حتى تجد بعض الناس من يملك القدره الماديه ولكنه يتواضع ويشتري كامري الصراحه سياره اسرت قلوب العالم وما ينلامون فيها
وهنيئا لكل من يملك هذه السياره

أخووي بصراااااااااااااااحه وبدون زعـــل الكامري ما أشووفها سيارهـ

صحيييح صبوورهـ وتكد ..

بس السياره غااااااااااااااااااليه فوووق المعدل

و ميزتها ان سعرها شيك بجيبك .. بس بعض الأحيان الواحد مايشري سياره عشااان يبيع..!!

يعني 86 الف ..في كااامري..

فيه بداااائل كثيرهـ

الالتيما
الاكورد
السوناتا

والبدائل كثيييير..

وجه نظر :smile:

مساك الله بالخير أخوي
تبقى الكامري سيده السيارات في فئتها تسألني ليش؟
1-ثقه 15 السنه الماضيه
2-قطع غيارها الرخيصه المتوفره حتى تجدها في البقالات
3-أفضل سياره تحافظ على سعرها بعد البيع
4-عندنا بالسعوديه الشرطه جربت سيارات الأمريكيه اللومينا والفورد وبهذلت بهم واتجهوا للكامري لسمعتها الكبيره وتحمل السياره للأخطاء
وبالنسبه كلامك عن سوءفخامه الكامري والامان ياسيدي اللي يبيها مايشتري كامري أو اكورد يشري مرسيدس أو اودي
الكامري صممت لتعيش وتعيش لتبقى جودتهافي ذاكرة الشعب

اهلا فيك وكلامك بعيد كل البعد عن التعصب
واتفق معك فيما قلت
والازيرا روعه وماعليها كلام ولم اضعها بعين الاعتبار كونها اكبر من الكامري بغض النظر عن السعر فعندما يعجبك شيء وتقنع فيه تتعدى مسألة الميزانيه خصوصا اذا حدك بالميزانيه شبه مفتوح
شكرا لك على كلامك الراقي

تسلم على تقييمك اخي العزيز
والاكورد ماعليها كلام .. وانا شخصيا يعجبني داخلها .. رغم اعجابي بالداخل البسيط اكثر
شكرا جزيلا لك :)

آخوي بـ آرد ع موضوعك بـ آللي آشوفه آنآ ،
من نآحيه تويوتآ بصفه عآمه ، وكآمري بصفه خآصه ، في آلسعودية تحديداً ،
آغسسسسسل يدك منهـاً ،، بتقولي ليـه ، بـ أقول لك ليـه

آلكآمري لو تنزل عندناً بـ آلموآصفآت آللي نآزله بـ آليآبآن وآمريكآ مثلآ ،
بآقول لـ آلموآتر آللي تنآفسهآ بآي بآي ،،

لكن مشكله آحتكآر آلتويوتآ لـ عبد آللطيف جميل ، وتغييره في آلموآصفآت وآلفئآت وزي كذآ
شيء يخليـك تغير نظررتك في آلكآمري ،
وآتوقع آززين موديـل مر ع آلكـوآمري هوٍ 2002
آمآ هذي آلموديلآت كلهآ موآصفآت خآيسه بـ آلعربي
لو آبي موآصفآت وبسعر مقآرب لـ آلكآمري وسيآره آفخم منهآ يعني مو من نفس آلفئه
فـ بحط في رآسي آلآزيرآ ،،

علمــآ إنـي من ملآإْك هوٍندآ آكوٍرٍد 2005 ، يعني لآتقولون آني متعصب

بس هذآ تحليلي ونظرتي آلشخصيه لـ آلسيآره

وآلسلآم مسك آلختــآإْم :$

اهلا فيك اخوي .. اكيد مارح نختلف كلها حديد في حديد ولراحتنا :)

وما الومك ماتحب طبلون الكامري لأنه مقارنه بالاكورد .. الاكورد طبلونها حيوي جدا مقارب للBMW .. وبرأيي الشخصي الطبلون البسيط اجمل .. وهذا بكل تأكيد لاينقص من قدر الاكورد وطبلونها الرائع
شكرا لك