لاصحاب الدورانجو يرجى الدخول Durango Hemi

ماقصرت يالاينيشتايني >>> متعوب عليها :wink:

تسلم ويعطيك العافيه ..

الأخ دورانجو للأبد.. الاعراض اللي ذكرت هذي من بلف الحرارة .. واللي يحصل ببساطة انه بعد وقوف السيارة لفترة وبرودتها ومن ثم التحرك مرة اخرى فإن البلف مايفتح عند الدرجة المناسبة وهي قبل النص بشوي فترتفع الحرارة اكثر وبعدها يستجيب البلف وهذا طبيعي ان كانت ترتفع بفارق بسيط وللعلم هذا يحصل في الشتاء اكثر .. الزبدة :wink: البلف فاقد بعض مرونته احتمال كبير تخف ها المشكلة مع مرور الوقت لأن البلف يلين شوي .. أو غير البلف ان كنت تبي تريح راسك وكان سيارتك على الضمان رح للوكالة ..... جينا للحرارة الطبيعبية للسيارات .. طال عمرك اكثر السيارات حراراة التشغيل فيها قبل النص بشوي والدوانجو منها الا في بعض الظروف الشاقة .... تحياتي لك وشكرآ :xyxwave:

السياره روعه وانا عن نفسي استخدم 91

اخواني اينشتاين و Ford 2004 وكل واحد فاهم في الدورانجو وخصوصا موديل 2008 .

انا عندي دورانجو هيمي 2008 والموتر مافيه اي مشكلة ماعدا شئ محيرني وانا ماتعبت منه ولكن خايف من انه يأثر بالمستقبل ألا وهو امبير الحرارة او بالاصح الحراره عموما

انا الاحظ ان الحرارة ترتفع وانا ماشي وتوصل فوق النص ب3 شرطات وتنزل علطول يعني ماتثبت فوق واذا كنت واقف ماترتفع ابد بالعكس بالوقوف احسن لانها تكون تحت النص

وهالشئ مايصير الا مرة وحده وخلاص باقي اليوم تحت النص ولا على النص بالكثير

سؤالي هل هذا شئ طبيعي انها ترتفع وتنزل علطول ولا الموتر فيه مشكله ؟؟؟؟

سؤالي الثانيه متى اقدر اقول ان الموتر فيه مشكلة بالحراره ؟؟

اخواني افيديوني لاني عانيت من مواتري السابقه من الحراره وفيني مايسمى فوبيا الحراره

مشكوووورين سلفا ومقدما ...:smile:

الاخ y6y6
بالنسبة لعدد علب زيت الماكينه لاتحضرني حالياً

اما بالنسبة لسؤالك عن تغيير زيت القير فهذا اقتبااس لما كتبته سابقاً وتجده في الصفحه الثانيه من الموضوع







تقديري..............................

انتظرو درانجو 2010 رهيب شوف الصوره المرفقه وقارن.

ماشاء الله كلام وافي وممتع بخصوص الوحش ...

بس عندي عدة استفسارات ...

كم ياخذ علبة زيت الدرانجو .. وهل فيه اختلاف بين مثلا موديل 2004 و مديل 2008 او 9

بعدد علب الزيت او الشكل القديم ...

ثانياً . ابي اغير فلتر قير وزيت قير وين الورشة اللي تنصحوني فيها ..
مع انه قال واحد من الشباب بالصناعية القديمة ... فيه متخصص هناك دوج

وين الاقي افضل محل عنده قطع اصليه وسعرها كويس مقابل المحلات الاخرى والوكالة ..

وعلى فكره تراني حطيت زيت فوكس سوبر جي تي .. هل يتحمل او قلف افضل منه ..

وغيرت السيفون مع عدد 6.5 زيت .. هل العدد صح او زايد او منقص ؟؟

وشكرا لكم

الغالي VIC

اشكرك على الافادة





تقديري......................

اخر عرض لفئة الليمتد (افخم شي) ب 118 الف موديل 2009 ويمكن يخفضون للكاش

اما باقي الفئات فتبدأ من 90 الف




.

الاخ aboodzz

لا اعلم اسعارها حاليا ولكن الاخوان يفيدونك

ابوحمد

وعليكم السلام ورحمة الله وبركاته

سبب سؤالي لاني فكرت ارفع السيارة من الامام فقالي المهندس انها يمكن تكسر

العامود عاد مدري وش اسمه لكن تشوفه تحت السيارة وهو اللي عن طريقة

تقدر ترفع السيارة

فلذلك نستفيد

انه يجب عدم رفع السيارة الا بعد تغيير المساعدات بنوع قوي لكيلا يتسبب رفع السيارة

في حدوث كسر في التعليق الامامي








تقديري ...............................

السلام عليكم اخوى فورد نعم رفعت السياره من الامام تقريبا 2 سنتى

شباب معليش على تغيير الموضوع ...
كم أسعاره وصلت الحين لجميع الفئات
بالتوفيق

صباح الخير اخوي بادي
وكل عام وانت بخير

كلامك صحيح لكن السيارات اللي تجي من الوكاله معجون وش الحل معاها؟؟

الدورانجو كمثال لايوجد له وجه خاص بالقير ويكون من الوكاله عليه مثل المعجون

ولو تنظر لأطراف الكارتير الخاص بالدورانجو تكون عريضه لأعطاء مساحه للمعجون

لاحظت العامل اثناء تركيب المعجون على الكارتير يقوم بنشر المعجون على الطرف الخارجي للمعجون بطريقه فنيه متساويه وبعدها يقوم بمسحه لكي يكون في مستوى واحد

طبعاُ الورش تختلف ومشكلتنا دائما مع العمال اللي يكون جاي من ديرته مايعرف يفتح

باب السياره وعندنا يكون مهندس سيارات وكل شغلته فك وتبديل القطع


بحكم خبرتي المتواضعه

كارتير الفورد كمثال يوجد له وجه خاص به والكثير من الورش تستخدم المعجون كما قلت وهذا قد يسبب مشاكل كما ذكرت خصوصا انه غير مخصص لوضع معجون




اشكر لك حرصك اخوي بادي على توضيح النقطه التي قد يغفل عنها الكثير من اخواننا






تقديري.....

بخبرتي الميكانيكة المتواضعه أنبه الجميع إلى عدم استخدام المعجون عند تغيير فلتر القير فهذه الحركة تقوم بها العمالة خوفاً من التهريب وماتدري إن كمية من الغراء تدخل إلى الفلتر فتسد وصول الزيت للقير مما يؤدي لتلف القير وقد قمت بنفسي بملاحظة أكثر من عشر سيارات أمريكية أول مرة يغير لها فلتر ولم أجد أثر للغراء فوجه الكارتير كافي

الاخ bady

حين قلت قلة انتشار السياره

فأنا لم اقارن انتشارها بالباترول او الاندكروزر او الجمس

لانه مقارنه انتشارها بالنسبه لسيارات دودج نفسها سواء الصغيره او ذات الدفع الرباعي

فهي اكثرها انتشارا ومبيعا وخصوصا في الموديلات الاخيره

وانا لما قلت اقل سياره طلبا لقطع الغيار اقصد من بين سيارات دودج

وشكرا

الإخوة الأفاضل ملاك دورانجو :xyxwave:


اليوم فتحت كبوت الدورانجو بينما كنت اتفحص المكونات الداخلية اكتشف شياً قدلا يكون جديداً عليكم

وأحببت تنزيله هنا للفائدة وهو أن نظام الدائرة الكهربائية بالكامل دينمو وسيلف وفيوزات وكمبروسر المكيف ونظام التحكم بالكهرباء داخل السيارة كلها يابانية من صنع شركة ( دينسو ) والتي تزود بعض شركات السيارات الأخرى بالمكونات الكهربائية


الشيء المريح بالموضوع أن الشركات اليابانية في القطع والأنظمة الكهربائية ذات جودة وتميز
وهذا بلا شك مبعث اطمئنان لملاك السيارة


بالتوفق ...... :wavey:

السلام عليكم

اخي ابوحمد
ماشاء الله وعقبال 1000000 كيلو متر
عندي سؤال
هل قمت بترفيع السيارة؟ خصوصاً من الامام

عاشق الهيمي

شاكر لك مرورك الكريم

بادي
اهلا بك ياغالي واشكرك على مرورك
لي تعقيب بسيط بخصوص ارتفاع سعر ماكينة وقير الدوج

ذهبت الى الحاير وسألت عن ماكينه الدورانجو (الهيمي) وحصلتها بـ10000 ريال
والقير 4500 ريال

عزيزي الق نظرة على اسعار مكاائن الفتك و LS1 (الفتك تقريباً 30000)
وكذلك اسأل عن قير الفتك لأنه غير قابل للتوظيب عدا شخص في القصيم على ما اعتقد يستطيع توظيبه وبسعر عالي

اما بخصوص المعجون فهذا هو المعتمد للسيارة وكلامك صحيح اذا تم تركيب الفلتر لدى شخص غير متخصص (نفس الكلام اذا تم تغيير زيت الماكينة لدى شخص غير متخصص قد يتسسب في زيادة الزيت عن الحد المسموح به ويسبب ظرر على الماكينة)


السيارات الحديثة يكون القير فيها كهربائي ويختلف عن القير التقليدي وهذا سبب زيادة الصلاحية للزيت

انا اخالفك بخصوص قلة انتشار السيارة الا اذا كنت خارج المدن الرئيسيه





تقديري.................................

استمتعت بالموضوع ومتعتي زادت بقراءة الردود وأحببت أن أعقب على بعض المشاركات من وجهة نظر شخصية

بالنسبة لغلا قطع دوج وشروكي يتركز في المحرك والقير والدفرنس يعني السيارة ماتصلح للشراء إذا هي قديمة أما القطع الاتسهلاكية فلاتنفع إلا مستعمل أقل من خمس سنوات
فعلى سبيل المقارنة محرك الجمس بسعر 15 ألف تجد قيمة الدوج مايقارب الثلاثين وقس على ذلك حسب نوع السيارة يعني حول الدبل فمكينة الدينالي تقارن بنصف سعر srt8 ومكينة اليوكن الستاندرد بنصف قيمة الهيمي وكذلك ينطبق الأمر على توظيب القير وحتى الجنوط وبعض القطع وكلامي من تجربة فقد استخدمت كلا النوعين لمدة تجاوزت خمس سنوات وأكثر من ثلاث سيارات متنوعة

بخصوص رد أحد الأخوان باستعمال المعجون مع القير هذا خطأ كبير ويؤدي إلى تلف القير بسبب تسرب زوائد المعجون عند ربط القير

بخصوص تغيير فلتر القير المتعارف عليه في الجمس وبعض السيارات الأخرى مسافة لاتزيد عن خمسين ألف كم
بالنسبة لنيسان وفي بعض الموديلات الحديثة القير مايغير فيه الفلتر إلا عند فك القير بصيانة ال250 ألف كم

بخصوص معلومة تغيير فلتر القير بسيارة دوج أستغرب المسافة الطويلة هل السبب وجود زيت خاص يتحمل المسافات الطويلة كما في بعض السيارات ؟؟؟

بالنسبة لذكر أحد الأعضاء بقلة طلب قطع غيار Durango الجواب بسبب قلة السيارة نفسها بالنسبة لي يمر اليوم واليومان والشهر والشهران ماأشوفها بالشوارع:smilie16: