لاصحاب الدورانجو يرجى الدخول Durango Hemi

هلآآ وآلله آخووي ،،

آخوي آلوآلد يمتلك دوج دورآنجو 2004 وآلسيآآره رووعه ومآ فيهآ آي مشآكل ولله آلحمد ،، آمآ مشكلة آلحرآره آثنآء آلوقوف فــ هذي طبيعيه بآلدورآنجو ،، ويقولون آنهآ آنحلت في موديل 2007 آو 2008 ،،

وآن شآء آلله آني آفدتك ،،

تحيآتي

السلام عليكم -----انا عندى موديل 2007 اس ال تى درانجو الى هو اقل نوع ماشى معى 105000 كرفته فى البر وفى السفر الى الان السياره ماشالله زى الحلاوه بس فيه شغله وحده هى مطبه اذا اخذت المطب يلعب وجهه غيرت مساعدات جبريل زبط الموتر بس مع قوت المطبات فى البر انكسرت قاعدة المساعد الى فوق طبعا لحمته وزبط علما انى مااقف عند المطب فى الديره ولا البر واتمنى اكون افدتكم ولكم الشكر

الاخ wannaplay

كلامك صحيح وينطبق على جميع انواع السيارات

بالنسبة لي ذهبت الى المحلات الموجوده في صناعية ام الحمام
والوكيل الموجود هنا يبيع قطع اصلية درجه اولى
الحمدلله لم اعاني من اي مشاكل في قطع الغيار ولا الصيانه ولله الحمد والمنة

شكراً لك ياعزيزي






تقديري.........................

الاخ ford

في حال رغبتك في شراء قطع الغيار الاصليه فقط قبل تشتري شف محلات قطع الغيار برا

الوكاله وراح اضرب لك مثال

فيه بصناعيه الخليج محلين قطع غيار جيب ودودج

الاول محل البديل وهو يبيع تجاري وامريكي

الثاني العمودي وهو يبيع اصلي وامريكي والاصلي هو موزع للوكاله

بس المثال اللي ابقوله لك اني رحت للوكاله ابي كرسي قير شيروكي وحصلته 350

وعند العمودي الاصلي 290 وكلها بعد الخصم

وبالتوفيق

الغالي شرشبيل
اسأل الله ان يكتب لك مافيه الخير وموفق ان شاء الله

الغالي VIC
ماشاء الله تبارك الرحمن وعقبال 1000000 كليو متر

الغالي wannaplay
كلام جميل ومميز
وتأكيدا لكلامك بخصوص رخص قطع غيار الدورانجو
اثناء ذهابي لشراء زيت القير وملحقاته
اتى شاب وطلب فرامل امامية للشارجر وكانت تقريباً حول 900 ريال:c0214:
بينما فرامل الدورانجو الاصليه تقريبا 500 ريال

الغالي صقر
الدبل فرار(كهرباء)
اما اسئلتك الاخرى فلا استطيع ان افيدك بها



بالتوفيق للجميع..................

وش نوع الدبل هل هو فرارات
هل الدفرنس فيهاا امكانيه قفل وفتح التروس
هل ممكن يركب دف لك

السلام عليكم
سأجيب بشكل عام علما ان بعض الاخوان جاوب قبلي ولكن بقول اللي عندي

اخي ان كنت تملك درانجوا فاعلم انك تملك سياره من اقوى سيارات الدفع الرباعي

اما البنزين مثل ماقالوا الاخوان 95 موصى به 91 مقبول

اما الحراره مافيها ارتفاع توصل بالاستخدام العادي الثلث واثناء الوقوف والرمل والحر

النصف وهذا طبيعي جدا

اما بعض الاخوان ممن يتخوفون من دودج وسمعه دودج فأحب اقولهم ان الشركه عمرها

حدود 100 سنه وهي من اعرفق الشركات بالاضافه الى jeep

ولكن سبب تخوف الناس لان الدودج نزل بالسعوديه قديم جدا نزلوه بعض التجار ولكن

بدون قطع غيار فكان مستخدم الدودج اذا احتاج قطعه لازم يوقف السياره ويطلب القطعه

من امريكا

اما الان فالقطع متوفره بكل مكان ولها وكيل ولها محلات لبيع قطع الغيار

اما الاخوان اللي تكلموا عن امكانيه رفع السياره فارجوا منهم ان ينظروا اسفل السياره

فهي رفيعه جدا عن الارض مقارنه ببقيه سيارات الدفع الرباعي

وبالنسبه للمطبات فهو اخف جدا من الاندكروزر واليوكون وهذا عن تجربه لانه بمقر

عملي نملك يوكونات ولاندكروزرات vxr ولا اعلم عن السبب ولكن اللي متأكد انه فيه

ماص صدمات او مطبات عجيب

والميزه الاجمل الديكورات بهذه السياره تحسها كأنها الماني مرصصه وبابها ثقيل

يعني ماتحسها مثل السيارات الجديده ديكورات وقفش

والاهم انه سبق لي ان ذهبت لمحلات قطع الغيار بصناعيه النسيم وبدأت اسأل عن القطع

للدرانجوا وتفاجأت برخصها مقارنه بغيره ولاحظ انا لم اقول قطع الدودج رخيص

بس الدورانجوا لانه النايتروا كمثال غالي وريحوني اصحاب المحلات حين قالوا لي

انها اقل سياره بالدودج يجينا زباين يطلبون قطع غيار عدا المواد الاستهلاكيه

اتمنى اكون افدتك وبالتوفيق

ابدا لا متخفي ولا شي .. بس ماجت مناسبة عشان اصرح <<<<< صارت مبارة

الموديل 2009 ليمتد

واي استفسار حاضرين

بارك الله فيك اخوي ford2OO4

وعلى العموم انا حصلت محل اجار عنده حبتين منها راح اجربها بعون الله

تحياتي للجميع

اهلا بك عزيزي VIC
اثاريك من الملاك وانت متخفي
ماقلت لنا موديل سيارتك ونوعها


تقديري...........

ياسلام على الرد وهذا كلام يطمن الجميع لاني من ملاك الوعل الجبلي :ch19:



اتمنى اثراء الموضوع اكثر لان الموتر مظلوووووووووووووووووووووم جدا
واي سؤال نقدر عليه بنجاوب باذن الله


.

اهلين شرشبيل باشا

السيارة دفع ربااعي دائم والدبل مثل السيارات الفور ويل (خفيف وثقيل)
الوضعية الاساسيه للدبل تكون قوة السيارة موزعه 70% للخلف و30% للأمام وهذا يعطي السيارة ثبات اكثر
اما الدبل الخفيف فيكون هناك قفل بحيث تتوزع القوه 50% للأمام والخلف
والدبل الثقيل نفس توزيع الدبل الخفيف مع اختلاف نسب التروس


بالنسبة لترفيع السيارة اتوقع تقدر

بالنسبة لي
لم اعاني من الديكور الداخلي للسيارة واشوف انه ممتاز وعملي
لم اجرب السيارة في بر بمعنى الكلمة ولكن طلعات خفيفة ولم اواجه اي مشاكل


بالتوفيق ولا تنسى الاستخارة

اخواني اصحاب الدورانجو

كيف السياره في الطعوس والبران والبطانيج
تتفكك وتقرقع ولا متماسكه
وهل يستطيع الواحد انه يزيد ارتفاعها
وبعدين انا شفت في الوكاله ان الدبل فرار وتقدر تطفيه فكيف تقول انه دفع رباعي دائم
يعني فيه اكثر من نوع

صراحه سعر السياره ومواصفاتها مره عاجبتني
بس مشكلتي اني راعي بر ومدري عنها

عزيزي VIC

ماشاء الله عليك كأنك راكب في السيارة
الصوت موجود ويظهر مابين 80 الى 110 تقريباً
شخصياً لم اعط الصوت اي اهميه لانه خفيف ولم يزداد مع الوقت وليس كل من يركب السيارة يلاحظه
وضع في الحسبان ان السيارة دفع رباعي مستمر وهذا من الاسباب كذلك
توجد مواقع اجنبيه خاصة بالدورانجو لم اجد فيها اشخاص تكلموا عن حدوث عطل في الدرفنس وهذا بحد ذاته يعطيك اطمئنان .

السلام عليكم ...
عندي سؤالين ودي تجاوبها ...

كم موديل اللي معك؟

هل عندك صوت حنة بسيطة في الدفرنس الخلفي اذا صرت تمشي بسرعة ثابتة بين 80 و100 كم/س ؟
اذا زدت السرعة او قللت يروح الصوت ...
الموضوع هذا منتشر عند البعض حتى في المنتديات الاجنبية يتكلمون عنه
فمدري طبيعي اولا مع اني اتوقع انه طبيعي لان نسبة الدفرنس 1:3.92(محشورة)
وهذا اللي يعطي الموتر تسارع جبار ..


.

هلا بك صديقي :smile: M.Abs

بالنسبة للقطع فهي كما ذكرت من شركة موبار
لكن انا اقصد زيت القير اللي يباع في محلات قطع الغيار وسعر العلبة يتراوح مابين 7 ريال الى 15 ريال والمعجون كذلك يوجد انواع كثيره منه تباع بحدود 15 ريال


الاخ (هو وسيارته):bigggrin:
لم اواجه اي مشكله في المراتب وكثير من الشباب اللي ركبوا معي يمدحون ليونة السياره في المطبات مع العلم ان سياراتهم يوكون - دينالي- ماركيز وغيرها

قبل ان تقدم على اي قرار في حياااتك استخر (صلاة الاستخارة)


بالتوفيق

انا يردني عن شراء هذه السيارة الجبارة ، مراتبها ، كأنك قاعد على كراسي مدرسة ، واتكلم عن اقل نوع الرخيص !
جيبوا لي حل عشان اطقم معكم من بكرا :)

( استدراك وتعديل )

بالنسبة لفلتر القير يتم تغييره مع الزيت كل 200 ألف كم أو 120 شهر للإستخدام العادي

وللإستخدام الشاق تغيير كل 100 ألف أو 60 شهر كما ورد في كتيب المالك*

تعقيبا على الرد السابق

بالنسبة لسعر لفلتر القير أشوف إن سعره منطقي جداً

لأنه بحسب كتيب المالك يتم تغييرها كل 200 ألف للإتخدام العادي أو سنة أيهما أسبق وهذه مدة طويلة للسعر هذا

وأنا عندي كابرس موديل 95 أغير لها ب150 ريال وعمر القطعة الإفتراضي نصف عمر فلتر الدورانجو

ولا هي أصلية بعد لذلك أقول إن الأسعار منطقية*